Marathi News Live Updates, 08 October 2024: आज एकीकडे जम्मू-काश्मीर व हरियाणा निवडणुकांचे निकाल लागत असताना दुसरीकडे महाराष्ट्र विधानसभा निवडणुकांसाठी वातावरण तापू लागलं आहे. राष्ट्रवादी काँग्रेस (शरद पवार) पक्ष व शिवसेना (उद्धव ठाकरे) यांनी त्यांच्या पक्षाचे पहिले उमेदवार जाहीरदेखील केले आहेत. या पार्श्वभूमीवर आता लवकरच निवडणुकांची घोषणा होणार असून दुसरीकडे आघाड्यांचं जागावाटपही लवकरच जाहीर होण्याची शक्यता आहे.
Maharashtra Breaking News Live Today, 08 October 2024: महाराष्ट्र विधानसभा निवडणूक २०२४ च्या सर्व महत्त्वाच्या घडामोडी…
तीन महिन्यांच्या प्रतीक्षेनंतर राष्ट्रवादीला (अजित पवार) पिंपरी-चिंचवडमध्ये शहराध्यक्ष मिळणार आहे. विधानपरिषदेची आमदारकी मिळावी यासाठी इच्छुक असलेले माजी महापौर, माजी शहराध्यक्ष योगेश बहल यांच्याकडेच पुन्हा शहराध्यक्षपदाची धुरा सोपविण्याचे निश्चित झाले आहे. सविस्तर वाचा…
भीक मागण्याच्या बहाण्याने घरात शिरून सोन्याचे दागिने आणि रोकड चोरणाऱ्या तरुणीला चंदननगर पोलिसांनी अटक केली आहे. महिलेबरोबर चोरीच्या गुन्ह्यात सामील असलेल्या अल्पवयीन साथीदाराला ताब्यात घेण्यात आले आहे. सविस्तर वाचा…
आगामी विधानसभा निवडणुकीच्या पार्श्वभूमीवर राष्ट्रवादी काँग्रेस (शरद पवार) पक्षाचे अध्यक्ष शरद पवार हे राज्यभरातील इच्छुक उमेदवारांच्या मुलाखती पुण्यातील निसर्ग मंगल कार्यालय येथे घेत आहेत. सविस्तर वाचा…
हरियाणात जे घडलं, तेच महाराष्ट्रात येत्या नोव्हेंबर महिन्यात पाहायला मिळणार आहे. हरियाणात गेल्या निवडणुकीत भाजपाला ४० जागा मिळाल्या. लोकसभेत १० पैकी ५ जागा मिळाल्या होत्या. या निवडणुकीत भाजपाला थेट ५० जागा मिळत आहेत. जवळपास ६० वर्षांनंतर पहिल्यांदा एक पक्ष सतत तिसऱ्यांदा हरियाणाची सत्ता काबीज करतो आहे – देवेंद्र फडणवीस</p>
लोकसभेच्या निवडणुकीनंतर मी म्हणालो होतो की आम्ही विरोधी पक्षाकडून हरलो नाही. आम्हाला हरवण्याची ताकद कुठल्याच विरोधी पक्षात नव्हती. आम्हाला अपप्रचार या चौथ्या पक्षानं हरवलं. लोकसभेत भाजपाच्या काही जागा या अपप्रचारामुळे कमी झाल्या – देवेंद्र फडणवीस</p>
सहकार महर्षी शिवाजीराव नागवडे सहकारी साखर कारखाना सन 2023- 24 या गळीत हंगामात गाळप केलेल्या ५ लाख ८५ हजार ४७० मे. टनाकरिता प्रती मे.टन २०० रुपये प्रमाणे ऊस प्रोत्साहन अनुदान म्हणून सुमारे ११ कोटी ७२ लाख रुपये येत्या 20 तारखेपर्यंत शेतकऱ्यांच्या खात्यात जमा करणार असल्याची माहिती कारखान्याचे चेअरमन राजेंद्रदादा नागवडे यांनी दिली . नागवडे कारखान्याच्या या निर्णयामुळे शेतकऱ्यांची दिवाळी गोड होणार आहे.
श्री नागवडे यांनी म्हटले आहे की, सहकार महर्षी शिवाजीराव नागवडे सहकारी साखर कारखान्याने सन 2023 -24 या गळीत हंगामात पाच लाख 85 हजार 470.576 मे टन उसाचे गाळप केले असून सदर उसाच्या संपूर्ण एफ.आर.पी.सह प्रति मे.टन रुपये 2700 याप्रमाणे पहिला हप्ता शेतकऱ्यांना अदा केलेला आहे. गळीत हंगाम सुरू करताना व कारखान्याच्या वार्षिक सभेत जाहीर केल्याप्रमाणे सभासद शेतकऱ्यांची दिवाळी गोड करण्याकरिता गळीतास आलेल्या उसाचे द्वितीय पेमेंट दोनशे रुपये प्र. मे. टन याप्रमाणे 11 कोटी 72 लाख रुपये 20 ऑक्टोबर चे दरम्यान सभासद शेतकऱ्यांच्या खात्यात जमा करण्यात येणार आहेत. असे सांगून नागवडे म्हणाले की, मागील गळीत हंगामात कारखान्यास अनेक अडचणींचा सामना करावा लागला. विशेषत: ऊसतोड मजूर कमी आल्यामुळे मोठी अडचण निर्माण झाली होती. परंतु यावर्षी अशी अडचण येणार नाही याची दक्षता घेत आहोत.
मुंबई : गोवंडी परिसरात रस्ता ओलांडणाऱ्या एका नऊ वर्षांच्या मुलाला मंगळवारी सकाळी मुंबई महानगरपालिकेच्या कचरावाहू ट्रकने धडक दिली. या अपघातात सदर मुलाचा जागीच मृत्यू झाला. या अपघातानंतर संतप्त नागरिकांनी कचरावाहू ट्रकची तोडफोड केली. शिवाजी नगर पोलिसांनी याप्रकरणी गुन्हा दाखल करून ट्रक चालकाला अटक केली.
इतके दिवस विरोधकांनी लाडकी बहीण योजनेवर टीका केली. आता त्यांचे काही बगलबच्चे सांगतायत की आता सरकारी कर्मचाऱ्यांचे पगारच होणार नाहीत. आता यांच्याकडे पैसेच शिल्लक राहिले नाहीत. ए शहाण्या सांगणाऱ्या.. तू अर्थमंत्री आहेस का मी अर्थमंत्री आहे? तिजोरी तुझ्या हातात आहे की माझ्या हातात आहे? का उगीच खोटं बोलतो? आज लोकांसमोर जायला यांना तोंड नाही, चेहरा नाही. म्हणून लोकांना हे असलं काहीतरी सांगतात. लोकसभेला जसं तुमची दिशाभूल केली, तसंच आताही केलं जात आहे – अजित पवार</p>
नाशिक – आगामी विधानसभा निवडणूक शांततेत व सुरळीतपणे पार पाडण्यासाठी राज्यातील २०० पेक्षा अधिक पोलीस अधिकाऱ्यांना मुख्य निवडणूक आयुक्त एस. चोकलिंगम यांच्यासह पश्चिम बंगाल व तामिळनाडूतील निवडणूक अधिकाऱ्यांनी महाराष्ट्र पोलीस प्रबोधिनीत विशेष प्रशिक्षण दिले.
उरण येथील खाजगी बंदरातून होणाऱ्या कोळसा वाहतुकीचे काम स्थानिक वाहन मालकांना मिळावे या मागणीसाठी मंगळवारी कोळसा वाहतूक बंद करीत आंदोलन सुरू करण्यात आले आहे. जो पर्यंत आपल्या मागण्या मान्य होणार नाहीत तो पर्यंत हे आंदोलन सुरूच राहणार असल्याचे मत पनवेल उरण लॉरी मालक संघाचे अध्यक्ष संतोष घरत यांनी व्यक्त केले आहे.
नाशिक – सध्या कांद्याला चांगला भाव मिळत असल्याने कांद्याची चोरी होऊ लागली असून देवळा तालुक्यातील सरस्वतीवाडीतून कांद्याने भरलेली ट्रॅक्टर ट्राॅली चोरीस गेली आहे. याविषयी देवळा पोलिसांत तक्रार दाखल करण्यात आली आहे.
नागपूर : विदर्भात उन्हाचा चटका तापदायक ठरत असतानाच उपराजधानीत मंगळवारी दुपारी एक वाजताच्या सुमारास ढगांच्या गडगडाटासह आणि वादळी वाऱ्यासह मुसळधार पावसाने हजेरी लावली. विजांच्या कडकडाटासह अचानक पावसाला सुरुवात झाली. या पावसामुळे वाहनचालकांची चांगलीच तारांबळ उडाली.
नाशिक : बारा ज्योतिर्लिंगापैकी एक असलेल्या त्र्यंबकेश्वर येथे ब्रम्हगिरी परिसरात फिरणाऱ्या केरळमधील काही अल्पसंख्यांक समाजाच्या विद्यार्थ्यांना स्थानिकांच्या रोषाला तोंड द्यावे लागले. स्थानिकांनी त्यांना पोलिसांच्या ताब्यात दिले.
नाशिक : आगामी सिंहस्थ कुंभमेळ्याच्या पार्श्वभूमीवर, नाशिकरोड रेल्वे स्थानकाच्या दर्शनी भागाचा चेहरामोहरा बदलला जाणार आहे. हा आराखडा तयार करण्यासाठी शहरातील वास्तूविशारद महाविद्यालयातील विद्यार्थ्यांचे सहकार्य घेण्याचे रेल्वे विभागाने निश्चित केले आहे.
कल्याण : कल्याण, डोंबिवलीत दोन वेगळ्या घटनांमध्ये मोटारींनी दिलेल्या धडकेत दोन जण गंभीर जखमी झाले आहेत. कल्याणमधील अपघातात एक शाळकरी विद्यार्थीनी गंभीर जखमी झाली.
सामान्य नागरिकांच्या सुरक्षेसाठी अहोरात्र रस्त्यावर पहारा देणाऱ्या पोलिसांच्या समस्या सोडविण्यासाठी अनेक उपाययोजना जाहीर करण्यात आल्या. पण त्या कागदावरच राहिल्या आहेत. राज्यातील सुमारे दोन लाख पोलीस व त्यांच्या कुटुंबियांचे आरोग्य, घराचे प्रश्न याबाबत योग्य नियोजन आवश्यक आहे. सविस्तर वाचा…
Rohit Pawar Targets DCM Devendra Fadnavis: देवेंद्र फडणवीसांना रोहित पवारांचा इशारा!
आदरणीय देवेंद्र फडणवीस साहेब , वैद्यकीय शिक्षण खात्याने ६८३० पदे कंत्राटी पद्धतीने भरण्यास मान्यता दिली असून स्मार्ट सर्व्हिसेस, क्रिस्टल, BVG या तीन कंपन्यांना काम देण्यात आले आहे. यापैकी स्मार्ट सर्व्हिसेस ही हसन मुश्रीफ यांच्याशी संबंधित तर क्रिस्टल ही आपले लाडके आमदार प्रसाद लाड यांची कंपनी आहे. आपल्या कृपेने या कंपन्यांना २०% सर्व्हिस चार्ज म्हणून वर्षाला ४० कोटी रुपये सरकार देणार आहे. गेल्या वर्षी आपण पत्रकार परिषद घेऊन कंत्राटी भरती रद्द करत असल्याची घोषणा केली होती आणि आता मात्र आपण आपल्या ‘लाडक्या’ सहकाऱ्यांना दलालीचा प्रसाद मिळावा म्हणून कंत्राटी भरती करत आहात, हे आपल्याला शोभत नाही. भरतीच्या आशेने अहोरात्र अभ्यास करणाऱ्या विद्यार्थ्यांच्या भविष्याची राखरांगोळी करणारा कंत्राटी भरतीचा हा जीआर रद्द करावा अन्यथा काही दिवसांसाठी असलेल्या आपल्या सागर बंगल्यासमोर युवांचा जनसागर उसळेल हे लक्षात असू द्यावे – रोहित पवार
औंध येथील परिहार चौकाजवळ बेकायदा ३० गाळे कसे उभे राहिले, याची चौकशी करण्याचा निर्णय पालिकेने घेतला आहे. यासाठी पालिका आयुक्त डॉ. राजेंद्र भोसले यांनी अतिरिक्त आयुक्तांच्या अध्यक्षतेखाली पाच सदस्यांची समिती नेमली आहे. सविस्तर वाचा
चोरट्यांनी दुकानांचे कुलूप उचकटून आंबा बर्फी, सुकामेव्याची पाकिटे चोरून नेल्याची घटना नुकतीच घडली. कोंढवा भागातील एका मद्यालयातून चोरट्यांनी रोकड आणि मद्याच्या बाटल्या असा ४० हजार ९२० रुपयांचा मुद्देमाल चोरुन नेल्याची घटना नुकतीच घडली.
एकीकडे राज्यात लाडक्या बहिणींच्या खात्यात दरमहा १५०० रुपये दिले जात असताना राज्य शासनाचेच अधिकारी-कर्मचारी तीन महिने हक्काच्या वेतनापासून वंचित असल्याचे समोर आले आहेत. सविस्तर वाचा
मुख्यमंत्री माझी शाळा सुंदर शाळा अभियानातील ‘पीएलसी स्वच्छता मॉनिटर प्रकल्पा’साठी केलेल्या कामाचे सरकारने पैसे दिले नसल्याचा, उपक्रम चुकीच्या पद्धतीने राबवल्याचा, राजकीय नेत्यांच्या शाळांना पारितोषिके दिल्याचा आरोप प्रकल्पाचे संचालक रोहित आर्या यांनी पत्रकार परिषदेत केला. सविस्तर वाचा
मुंबईतील हवेचा निर्देशांक मंगळवारी सकाळी मध्यम श्रेणीत नोंदला असून वांद्रे – कुर्ला संकुल, तसेच शिवाजी नगर येथे ‘खराब’ हवेची नोंद झाली. मुंबईतील हवेची गुणवत्ता सोमवारीही मध्यम श्रेणीत होती. ‘समीर’ ॲपनुसार मंगळवारी सकाळी मुंबईच्या हवेचा निर्देशांक ११४ वर पोहोचला होता. सविस्तर वाचा
नगरः श्रीरामपूरचे माजी आमदार भानुदास मुरकुटे यांच्याविरुद्ध राहुरी पोलीस ठाण्यात महिला अत्याचाराचा गुन्हा दाखल करण्यात आला आहे. राहुरी पोलिसांनी त्यांना अटक केली आहे.
पुणे : संघटनेत जरा डावे-उजवे झाले, की नेत्याला देव मानणारा कार्यकर्ताही पक्षाला ‘रामराम’ करायला मागे-पुढे पाहत नाही. पुण्यातील शिवाजीनगर विधानसभा मतदारसंघात भारतीय जनता पक्ष सध्या याचाच अनुभव घेत आहे.
नागपूर : पावसाळा जवळजवळ संपल्यातच जमा आहे आणि सगळीकडे हिरवळ पसरली आहे. अशावेळी जंगलातल्या रस्त्यालगतच्या हिरवळीवर वाघाने ठाण मांडले असेल तर ! ताडोबा-अंधारी व्याघ्रप्रकल्पाच्या मोहर्लीच्या गाभा क्षेत्रात ‘छोटा दडीयल’ने चक्क ठाण मांडले.
Navratri 2024 : देशातील दुसऱ्या आणि महाराष्ट्रातील पहिल्या क्रमांकाचा दुर्गोत्सव यवतमाळात उत्साहात सुरू आहे. धार्मिक, सामाजिक आणि सांस्कृतिक परंपरा जपणारा हा उत्सव डोळ्यांत साठवून ठेवण्यासाठी दररोज लाखो भाविक यवतमाळात दाखल होत आहेत.
सांगली : विधानसभेचे रणमैदान जाहीर होण्याअगोदर जिल्ह्यात राजकीय वर्चस्व, श्रेयवाद यातून राजकीय नेते हातघाईवर आले असून यामुळे यंदाचा दिवाळी-दसरा सण आरोप-प्रत्यारोपाचे फटाके फोडणारा ठरणार आहे.
चंद्रपूर : वैद्यकीय क्षेत्रात उत्तम काम करणाऱ्या डॉक्टरांना आता आमदारकीची स्वप्ने पडायला लागली आहेत. त्यामुळेच जिल्ह्यातील तब्बल १० डॉक्टरांनी रुग्णसेवा सोडून थेट विधानसभा निवडणुकीच्या रिंगणात उतरण्याची तयारी सुरू केली आहे.
बुलढाणा : लोकसभा निवडणुकीत अनुकूल वातावरण असतानाही झालेला पराभव शिवसेना पक्षप्रमुख उद्धव ठाकरे यांच्या चांगलाच जिव्हारी लागला आहे.
शिस्तबद्ध पक्ष अशी प्रतिमा असलेले आणि किमान ३० वर्षांत प्रत्येक विधानसभा आणि महापालिका निवडणुकीमध्ये अधिक यश मिळणारा पुण्यातील एकमेव पक्ष म्हणजे भाजप. पुण्यात आजपर्यंत झालेल्या निवडणुकांमध्ये पाच खासदार आणि १४ आमदार दिलेल्या या पक्षाच्या शिस्तीला आता बाधा आली आहे.