Maharashtra Mumbai News Today : औरंगजेबाचा फोटो व्हॉट्सअॅप स्टेटसला ठेवल्याप्रकरणी गेल्या दोन दिवसांपासून कोल्हापूर अशांत आहे. बुधवारी कोल्हापुरात बंद पुकारण्यात आला होता. यावेळी तिथे दंगलसदृश्य परिस्थिती निर्माण झाली होती. यावरून राज्याच्या राजकारणातही आरोप प्रत्यारोपांच्या फैरी झडत आहेत. सत्ताधारी विरोधक याप्रकरणी आमने सामने आले असून एकमेकांवर आगपाखड केली जात आहे. दरम्यान, औरंगजेबाचे फोटो स्टेटसला ठेवणारे हे कॉलेजचे विद्यार्थी असल्याची माहिती पोलिसांनी आज दिली. यासह महाराष्ट्रातील महत्त्वाच्या घडामोडी जाणून घेऊयात.
Maharashtra News Today : महाराष्ट्रातील महत्त्वाच्या घडामोडी
पुणे: संत ज्ञानेश्वर महाराज आणि संत तुकाराम महाराजांच्या पालखी सोहळ्यानिमित्त प्रादेशिक परिवहन कार्यालयाने (RTO) कामकाजात बदल केला आहे.
पुणे: मुंबईतील सावित्रीबाई फुले वसतिगृहात विद्यार्थिनीने आत्महत्या केल्याच्या घटनेनंतर उच्च व तंत्रशिक्षण विभागाच्या अखत्यारितील शासकीय वसतिगृहांचा सुरक्षा आढावा घेण्याचा निर्णय घेतला आहे. त्यासाठी उच्चस्तरीय समितीची स्थापना करण्यात आली असून, ही समिती वसतिगृहांचा आढावा घेऊन उपाययोजना करण्यासाठी कालबद्ध कार्यक्रम तयार करणार आहे.
अत्यंत क्रूरपणे सरस्वती वैद्यची हत्या कऱणारा मनोज साने हा आरोपी दुर्धर आजाराने त्रस्त असल्याचीही धक्कादायक माहिती समोर आली आहे. सरस्वतीला घरात स्वच्छता आणि नीटनेटकेपणा आवडायचा. त्यावरून त्यांच्यात भांडणे होत असल्याचेही समोर आले आहे.
नवी मुंबई: मुंबई महानगरपालिकेच्या स्वच्छतेमधील मानांकनात महापालिका अधिकारी, कर्मचारी यांच्या कामाचा महत्वाचा वाटा आहे. त्यांच्यासह स्वच्छताप्रेमी नागरिकांच्या एकत्रित प्रयत्नांमुळेच नवी मुंबई स्वच्छतेत अग्रभागी राहिलेली आहे.
नागपूर: बँकेचा व्यवस्थापक असल्याचे सांगून सामान्य नागरिकांना फोन करायचा आणि त्यांच्याकडून बॅंक खात्याचा तपशील घेऊन त्यांचे बॅंक खाते रिकामे करायचे. हा प्रकार नित्याचा झाला आहे. पण आता फसवणूक करणाऱ्यांनी त्यांची कार्यपद्धती बदलली आहे.
"मुंबईतील वसतिगृहात एका विद्यार्थिनीसोबत झालेल्या प्रकाराबद्दल मरीन लाईन्स पोलिस स्टेशन येथे तपास अधिकाऱ्यांशी आणि विद्यार्थिनीच्या कुटुंबाशी चर्चा केली. घडलेल्या प्रकारात वॉर्डनचीही चौकशी करण्याची मागणी कुटुंबाने केली आहे. एकूण प्रकारात मुंबईच्या समाजकल्याण विभागाने अक्षम्य हलगर्जीपणा दाखवला आहे. बेजबाबदार अधिकाऱ्यांवर उचित कारवाई करावी अशी मागणी मुख्यमंत्री व उपमुख्यमंत्र्यांकडे करणार आहोत, असं ट्वीट वंचित बुहजन आघाडीचे अध्यक्ष प्रकाश आंबेडकर यांनी केलं आहे.
https://twitter.com/Prksh_Ambedkar/status/1666779313780445185?s=20
लिव्ह इन मध्ये राहणार्‍या प्रेयसीची हत्या करून तिच्या शरीराचे असंख्य तुकडे कऱणार्‍या मनोज साने याला १६ जून पर्यंत पोलीस कोठडी सुनावण्यात आली आहे. हत्या करून ज्या प्रकारे त्याने मृतदेहाचे असंख्य तुकडे केले ते क्रोर्य अंगावर शहारे आणणारे आहे.
अमरावती : अपत्यप्राप्तीसाठी पूजा करावी लागेल, असे सांगून एका भोंदूबाबाने महिलेचे अनेकवेळा लैंगिक शोषण केल्‍याची घटना दर्यापूर तालुक्‍यातील कुकसा येथे उघडकीस आली. या भोंदूबाबाने पीडित महिलेकडून ७० हजार रुपयेदेखील उकळले. या प्रकरणी दर्यापूर पोलिसांनी भोंदूबाबाला अटक केली आहे.
कल्याण: कल्याण पूर्वेतील नेवाळी नाका परिसरातील गाव, पाड्यांवर मोकळ्या माळरानांवर सुरू असलेली बेकायदा चाळी, व्यापारी गाळ्यांची बांधकामे बुधवारी आय प्रभागाच्या साहाय्यक आयुक्तांनी अतिक्रमण नियंत्रण पथकाच्या साहाय्याने जमीनदोस्त केली.
नागपूर : काँग्रेसचे प्रदेशाध्यक्ष नाना पटोले यांच्या विरोधकांनी दिल्लीवारी केल्यानंतर आता पटोले समर्थकही दिल्लीत धडकले असून, त्यांनी पक्षाचे अध्यक्ष मल्लिकार्जून खरगे यांची भेट घेतली.
नागपूर: जिल्ह्यातील शाळा व कनिष्ठ महाविद्यालयाचे मुख्याध्यापक व प्राचार्यांनी त्यांच्या शाळा,कनिष्ठ महाविद्यालयातून सन २०२३-२४ या सत्रातील फेब्रुवारी व मार्च २०२३ मध्ये दहावी, बारावी परीक्षेत प्रथम आलेल्या अनुसूचित जाती, भटक्या जमाती तसेच विशेष मागास प्रवर्गातील विद्यार्थ्यांचे राजर्षी छत्रपती शाहू महाराज गुणवत्ता पुरस्कारासाठी प्रस्ताव निकाल कळल्यानंतर सादर करावे.
मुंबई: नालेसफाईच्या कामांबाबत तक्रार करण्यासाठी मुंबई महानगरापालिकेने आता १५ जूनपर्यंतची मुदत दिल्याचे जाहीर केले आहे. तक्रारी नोंदवण्यासाठी पालिकेने १ जूनपासून ऑनलाईन यंत्रणा उपलब्ध करून दिली होती.
ठाणे : महापालिका निवडणुकांच्या पार्श्वभूमीवर मुख्यमंत्री एकनाथ शिंदे यांच्या शिवसेनेने गेल्या काही दिवसांपासून मुंबईत सुरू केलेल्या शाखा संपर्क अभियानात रस्ते, कचरा, वाहतूक कोंडी यासारख्या महत्त्वाच्या प्रश्नांसह शहर आणि उपनगरात रखडलेले झोपडपट्टी तसेच म्हाडाचे पुर्नविकास प्रकल्प, संक्रमण शिबीरातील रहिवाशांचे होणारे हाल, क्लस्टर योजनेतील अडथळे यासारख्या मुद्द्यांना हात घालत उद्धव ठाकरे यांच्या शिवसेनेचे प्रभाव क्षेत्र असलेल्या भागात या संपर्क अभियानाची व्याप्ती ठरवून वाढवली जात आहे.
नागपूर : राज्याच्या किनारपट्टी भागांवरून घोंगावणारे वादळ पुढे सरकत असतानाच विदर्भात मात्र तापमानाचा पारा पुन्हा एकदा वाढत चालला आहे. विदर्भ तसेच मध्य महाराष्ट्रात बहुतांश ठिकाणी तापमान ४३ अंशाच्याही पलीकडे गेले आहे. आता केरळमध्ये मान्सूनची घोषणा हवामान खात्याने केल्यानंतर महाराष्ट्रालाही पावसाचे वेध लागले आहेत.
नागपूर : नागपुरातील जेष्ठ पत्रकार अरुण फणशीकर (७०, आदित्य अपार्टमेंट, गिरीपेठ) यांचा आज संशयास्पदरित्या विहिरीत मृतदेह आढळून आल्याने खळबळ उडाली आहे. त्यांनी आत्महत्या केली की त्यांचा खून झाला, याचा तपास पोलीस करीत आहेत.
अकोला: मोबाइल दुकानाच्या गल्ल्यातून पैशांची चोरी झाली. दुकानदाराने तक्रार दिल्यावर पोलिसांनी तत्काळ सूत्रे हलवत चोरट्याला गजाआड केले. मात्र, चोरट्याच्या कबुली जबाबाने चक्क फिर्यादी दुकानदाराचेच पितळ उघळे पडल्याचा अजब प्रकार अकोला शहरात उघडकीस आला आहे.
नागपूर : मध्य रेल्वेने एक्स्प्रेस गाड्यांना ‘मेमू’मध्ये रुपांतरित करण्यास सुरुवात केली असून, आता अजनी ते अमरावती एक्सप्रेस ही गाडी ‘मेमू’ म्हणून धावणार आहे.
राज्यात २०२१ मध्ये १२ हजार ७२० डेंग्यूचे रुग्ण सापडले होते. तर ४२ जणांचे मृत्यू झाले होते. मात्र २०२२ मध्ये राज्यातील डेंग्यूच्या रुग्णांच्या संख्येत घट झाल्याचे दिसून आले. २०२२ मध्ये राज्यात ८ हजार ५७८ डेंग्युचे रुग्ण आढळले तर २७ जणांचा मृत्यू झाला.
गोंदिया : शहर पोलीस ठाण्यांतर्गतच्या श्रीनगरातील चंद्रशेखर वॉर्ड येथील रहिवासी महिलेचा तिच्याच मुलाने खून केला. कुणीतरी अज्ञाताने आईचा खून केला आणि आपल्यालाही मारहाण केली, असा बनाव त्याने रचला. मात्र, पोलीस चौकशीत त्याचे बिंग फुटले. ही घटना बुधवारी पहाटे ३ वाजताच्या सुमारास घडली.
अकोला: शहरातील दंगल प्रकरणाची मुंबई एसटीएसकडून गोपनीय पद्धतीने चौकशी करण्यात आली आहे. त्याचा अहवाल शासनाकडे सादर करण्यात येणार असल्याची माहिती आहे. त्या अहवालावरून दोषींवर कारवाई होण्याची शक्यता आहे.
मोसमी वारे अखेर केरळमध्ये दाखल झाले. हवामान विभागाने आनंदाची ही माहिती दिली आहे. मोसमी वाऱ्यांच्या वाटचालीस केरळमध्ये पोषक हवामान असल्याचे हवामान विभागाने काल, बुधवारी जाहीर केले होते. हवामान विभागाचे शास्त्रज्ञ डॉ. अनुपम कश्यपी यांनी दिलेल्या माहितीनुसार मोसमी वारे आज, गुरुवारी केरळमध्ये दाखल झाले आहे.
धुळे – एकीकडे रस्त्यांसाठी कोट्यवधी रुपयांचा निधी आणल्याचा दावा खासदार, आमदारांकडून केला जात असला, तरी दुसरीकडे पांझरा नदीकाठच्या दुतर्फा असलेल्या प्रत्येकी साडेपाच किलोमीटरच्या रस्त्यांकडे दुर्लक्ष होत आहे.
कोल्हापुरात धार्मिक अशांतता निर्माण झाली आहे. औरंगजेबाचे फोटो काही तरुणांनी व्हॉट्स अॅप स्टेटसला ठेवल्याने गेल्या दोन दिवासंपासून कोल्हापुरात राडा सुरू आहे. याविरोधात हिंदुत्त्ववादी संघटनांनी रस्त्यावर उतरून आंदोलनही केले. बुधवारी कोल्हापुरात कडकडीत बंदही ठेवण्यात आला होता. या सर्व पार्श्वभूमीवर छत्रपती शाहू महाराज यांनी पोलिसांना मोलाचा सल्ला दिला आहे.
नाशिक: पावसाळ्याच्या पार्श्वभूमीवर पाणी गुणवत्ता कार्यक्रमांतर्गत बुधवारपासून जिल्ह्यात जलकुंभांची स्वच्छता व शुद्धीकरण तसेच हातपंपांचे शुद्धीकरण करण्याच्या विशेष मोहिमेस सुरुवात झाली. जिल्ह्यात १५ जूनपर्यंत ही विशेष मोहीम राबविण्यात येणार आहे. या अंतर्गत जिल्ह्यातील सर्व ग्रामपंचायत, अंगणवाडी, शाळा येथील जलकुंभ, टाक्यांची स्वच्छता तसेच हातपंप शुद्धीकरण करण्यात येणार असल्याची माहिती जिल्हा परिषदेच्या मुख्य कार्यकारी अधिकारी आशिमा मित्तल यांनी दिली.
विद्यापीठाचे कुलसचिव डॉ. प्रफुल्ल पवार यांनी याबाबतचे परिपत्रक प्रसिद्ध केले. नॅक मूल्यांकन ही अनिवार्य प्रक्रिया असूनही राज्यातील अनेक महाविद्यालयांनी एकदाही नॅक मूल्यांकन, पुनर्मूल्यांकन करून घेतले नसल्याचे निदर्शनास आले आहे.
कात्रज शिवाजीनगर सेवेचा मार्ग स्वारगेट, शनिपार, महापालिका भवन असा आहे. तर स्वारगेट, नाना पेठ, रास्ता पेठ मार्गे कात्रज ते पुणे रेल्वे स्थानक रातराणी धावणार आहे. हडपसर ते स्वारगेट गाडीचा मार्ग वैदूवाडी, रामटेकडी, पुलगेट असा असून हडपसर ते पुणे रेल्वे स्थानक गाडी पूलगेट, बाॅम्बे गॅरेज, वेस्ट एंड टाॅकिज मार्गे धावणार आहे.
पुण्याच्या आळंदीमध्ये राष्ट्रवादीच्या खासदार सुप्रिया सुळे कीर्तनात तल्लीन झाल्याचे पाहिला मिळालं. सुप्रिया सुळे यांनी गाथा परिवाराने आयोजित केलेल्या कीर्तन आणि प्रवचन प्रशिक्षणाच्या सांगता समारंभास हजेरी लावली होती. टाळ मृदुंगाच्या गजरात कीर्तन सादर झाल्यानंतर सुप्रिया सुळे कीर्तनात तल्लीन झाल्या.
मावळ, शिरूर लोकसभा मतदारसंघामध्ये सर्वेक्षणाच्या माध्यमातून आमचे काम सुरू आहे. ज्या पक्षाचा उमेदवार विजयी होईल. त्याबाबत वरच्या पातळीवर बोललो तर त्या पक्षाला जागा मिळतील. सर्वेक्षणामध्ये भाजप विजयी होईल असे दिसत असेल तर भाजप त्या ठिकाणी ताकदीने लढेल.
भंडारा: नागरिकांना बांधकाम योग्य वाळू स्वस्त दरात उपलब्ध करुन देण्यासोबतच अनधिकृत उत्खननास आळा घालण्याच्या दृष्टीने नवीन वाळू धोरण राज्यात राबविण्यात येत आहे. भंडारा जिल्ह्यात सर्वाधिक १६ हजार ४७३ ब्रास वाळू उपलब्ध करून देण्यात आली असून त्यापैकी १० हजार १६५ ब्रास वाळू विक्री झाली आहे.
संतश्रेष्ठ श्री ज्ञानेश्वर महाराज आणि जगद्गुरू श्री तुकाराम महाराज पालखी सोहळ्यानिमित्त आळंदी आणि देहू येथे उपस्थित राहणाऱ्या भाविकांसाठी पीएमपीने जादा गाड्यांचे नियोजन केले आहे. ही सेवा गुरुवारपासून (८ जून) सुरू होत असून येत्या सोमवारपर्यंत (१२ जून) ती सुरू असेल, अशी माहिती पीएमपी प्रशासनाकडून देण्यात आली.
महाराष्ट् न्यूज
Maharashtra News Today
