Maharashtra Latest News Today : राज्यातील नव्या सरकारच्या खातेवाटपानंतर त्यासंदर्भात मोठी चर्चा पाहायला मिळाली. आता राज्यपाल नियुक्त १२ आमदारांच्या यादीची आणि त्यांच्या नियुक्तीची चर्चा सुरू झाली आहे. सभापतींच्या निवडीआधी ही यादी मंजूर करून घेण्यासाठी भाजपा प्रयत्नशील असताना विरोधकांकडून मागच्या सरकारमध्ये राज्यपालांनी घेतलेल्या भूमिकेचं भांडवल केलं जात आहे. तर दुसरीकडे विनायक मेटे यांच्या अपघातामध्ये घातपाताचा संशय व्यक्त केला जात असल्यामुळे या प्रकरणाची सविस्तर चौकशी केली जात आहे. त्यांच्या चालकाने पोलिसांच्या चौकशीत असमाधानकारक उत्तरं दिल्याचं देखील बोललं जात आहे.
Maharashtra Latest News Today : महाराष्ट्रातील सर्व महत्त्वाच्या घडामोडी एकाच क्लिकवर!
शिंदे-फडणवीस सरकारच्या स्थापनेनंतर दीड महिन्याने मंत्रीमंडळ विस्तार झाला आणि त्यानंतर काही दिवसांनी खातेवाटप झालं. मात्र, खातेवाटपानंतर शिवसेनेत बंडखोरी करणाऱ्या शिंदे गटातील दादा भुसे, संदीपान भुसे यांच्यासह काही मंत्री नाराज असल्याच्या जोरदार चर्चा आहेत. यावरून विरोधकांनीही सरकारवर जोरदार टीका केलीय. आता पत्रकारांनी विचारलं असता शिंदे गटातील मंत्री शंभुराजे देसाई यांनी यावर आपली भूमिका स्पष्ट केली. ते मंगळवारी (१६ ऑगस्ट) मुंबईत बोलत होते.
पिंपरी महापालिकेचे प्रशासक तथा आयुक्त राजेश पाटील यांची मंगळवारी (१६ ऑगस्ट) तडकाफडकी बदली करण्यात आली आहे. साताऱ्याचे बहुचर्चित माजी जिल्हाधिकारी शेखर सिंह हे शहराचे नवे आयुक्त असणार आहेत. अवघ्या १८ महिन्यांत पाटील यांची उलचबांगडी झाल्याने सर्वांच्याच भुवया उंचावल्या आहेत.
‘मेरा तिरंगा मेरा अभिमान’ या अभियानातून स्वातंत्र्यदिनाच्या दुसऱ्या दिवशी अनेक ठिकाणी रस्त्यावर इतरत्र पडलेले ध्वज संकलित करत पुण्यातील ’कीर्तने अँड पंडित फर्म’ने मंगळवारी तिरंग्याचा अभिमान जपला. कर्वे रस्ता, पौड रस्ता, डेक्कन जिमखाना, फर्ग्युसन रस्ता यासह शहराच्या विविध भागात मंगळवारी सकाळी ध्वज संकलन अभियान राबविण्यात आले.
सार्वजिनक वाहतूक सुरळीत आणि वेगाने व्हावी यासाठी मुंबईत पुन्हा एकदा बस रॅपिड ट्रान्झिट सिस्टिमचा (बीआरटीएस) पर्याय समोर आला आहे. बेस्ट उपक्रमाने हा पर्याय निवडला असून त्यासाठी पश्चिम द्रुतगती मार्गाचा विचार सुरू आहे.
हॅलो ऐवजी वंदे मातरम म्हणण्याला विरोध करण्याचे काहीच कारण नाही. वंदे मातरमला विरोध करणे म्हणजे संविधानाला विरोध करण्यासारखे आहे, असे मत राज्याचे वन व सांस्कृतिक मंत्री सुधीर मुनगंटीवार यांनी व्यक्त केले.
गेल्या काही दिवस अधूनमधून कोसळणाऱ्या पावसाने पुन्हा एकदा दमदार हजेरी लावली आहे. मुंबई शहर आणि उपनगरांत मुसळधार पाऊस कोसळू लागला आहे. मंगळवारी सकाळपासून सुरू झालेल्या पावसाने उसंत घेतली नाही. त्यामुळे मुंबईतील सखल भागांत पावसाचे पाणी साचले.
शिवसंग्राम संघटनेचे प्रमुख विनायक मेटे यांचं अपघातात निधन झाल्यानंतर आता या प्रकरणाला नवीन वळण मिळताना दिसत आहे. ३ ऑगस्टला विनायक मेटेंच्या कारचा बीड ते पुणे प्रवासादरम्यान दोन गाड्यांनी पाठलाग केला होता, असा खळबळजनक दावा अण्णासाहेब वायकर या कार्यकर्त्याने केला आहे. दरम्यान, विनायक मेटे यांच्या पत्नी ज्योती मेटे यांनी या कार्यकर्त्याशी संवाद साधला आहे. प्रसारमाध्यमांशी बोलताना त्यांनी या अपघाताची चौकशी करण्याची मागणी केली आहे.
कल्याण पश्चिमेतील मोहने येथील रिक्षा वाहन तळांवर तीन जणांच्या टोळक्याने एका रिक्षा चालकाला किरकोळ कारणावरुन बेदम मारहाण केली. या रिक्षा चालकाला मारहाणीत गंभीर दुखापत झाल्याने त्याच्यावर खासगी रुग्णालयात उपचार सुरू आहेत.
‘म्हाडा’च्या मुंबई मंडळाने मुला-मुलींसाठी जिजामाता नगर येथील १,८२१ चौरस मीटर क्षेत्रफळाच्या भूखंडावर वसतिगृह बांधण्याचा निर्णय घेतला होता. मात्र मुंबई मंडळाला फेब्रुवारीपासून आजतागायत वसतिगृह बांधण्याच्या कामासाठी मुहूर्त मिळालेला नाही.
मोठ्या प्रतिक्षेनंतर राज्य मंत्रीमंडळाचा विस्तार झालेला असली तरी कमी महत्त्वाची खाती मिळाल्यामुळे अनेक मंत्री नाराज असल्याचे म्हटले जात आहे. याच मुद्द्याला घेऊन राष्ट्रवादीच्या खासदार सुप्रिया सुळे यांनी मिश्किल टप्पणी केली आहे. घरातील बायको एवढी रुसत नसेल तेवढे हे मंत्री रुसत आहेत, असे सुप्रिया सुळे म्हणाल्या आहेत. त्या मुंबईत राष्ट्रवादी काँग्रेसच्या एका कार्यक्रमात बोलत होत्या. ”टीव्ही ९ मराठी’ने याबाबतचे वृत्त दिले आहे. वाचा सविस्तर
मेटेंच्या अपघातामागचं गूढ वाढलं, कार्यकर्त्याच्या 'या' दाव्याची चर्चा!
“३ तारखेलाही दोन गाड्या विनायक मेटेंच्या गाडीचा पाठलाग करत होत्या”, कार्यकर्त्याचा दावा; अपघातामागचं गूढ वाढलं!
उद्योजक मुकेश अंबानी यांच्या कुटुंबाला जीवे मारण्याची धमकी देणाऱ्या दक्षिण मुंबईतील ज्वेलरला पोलिसांनी अटक केली आहे. विष्णू भौमिक असं धमकी देणाऱ्या व्यक्तीचं नाव असून त्याने आठ वेळा रुग्णालयात फोन करुन मुकेश अंबानी यांच्या कुटुंबाला ठार मारु अशी धमकी दिली. फोन करताना त्याने आपलं नाव ‘अफजल’ असल्याचं सांगितलं होतं.
FIFA suspends All India Football Federation: जागतिक फुटबॉल संघटनेने (फिफा) भारताला मोठा धक्का दिला असून फुटबॉल महासंघावर निलंबनाची कारवाई केली आहे. भारतीय फुटबॉल महासंघात (एआयएफएफ) तिसऱ्या पक्षाचा हस्तक्षेप वाढला असल्याने तात्काळ निलंबनाची कारवाई करण्यात येत असल्याचं फिफाने सांगितलं आहे. या कारवाईमुळे भारतामध्ये ऑक्टोबर महिन्यात नियोजित करण्यात आलेला महिला खेळाडूंचा ‘अंडर १७ वर्ल्ड कप’ रद्द झाला आहे.
राज्याचे वनमंत्री सुधीर मुनगंटीवार यांनी राज्यातील सर्व सरकारी कार्यालयातील अधिकारी आणि कर्मचाऱ्यांनी फोनवरून संवाद साधताना हॅलोऐवजी ‘वंदे मातरम्’ म्हणायचं, असा आदेश दिल्याने विरोधकांकडून टीका होत आहे. भारतीय राज्यघटनेने दिलेल्या स्वातंत्र्याचा गळा आवळू नका, असा इशारा देत कोणी काय खावं, काय घालावं, काय बोलावं हे तुम्ही ठरवणार का? असा सवाल राष्ट्रवादी काँग्रेसचे नेते जितेंद्र आव्हाड यांनी विचारला आहे. आम्ही तसं म्हटलं नाही, तर जेलमध्ये टाकणार का? अशी विचारणाही त्यांनी केली आहे. त्यांच्या या टीकेला मुनगंटीवारांनी नागपुरात प्रसारमाध्यमांशी बोलताना प्रत्युत्तर दिलं आहे.
अभिनेते किरण मानेंची पोस्ट चर्चेत…
“मला संपवायला निघालेल्यांचा ६ महिन्यात…”, किरण मानेंची ‘ती’ पोस्ट चर्चेत
मुकेश अंबानींच्या कुटुंबाला जीवे मारण्याची धमकी
मुकेश अंबानींच्या कुटुंबाला जीवे मारण्याची धमकी, दोन तासात आठ वेळा फोन, विष्णू भौमिक उर्फ ‘अफजल’ला अटक
महाराष्ट्र न्यूज लाइव्ह टुडे
महाराष्ट्रातील सर्व क्षेत्रातल्या महत्त्वाच्या घडामोडी वाचा एकाच क्लिकवर!
Maharashtra Latest News Today : महाराष्ट्रातील सर्व महत्त्वाच्या घडामोडी एकाच क्लिकवर!
शिंदे-फडणवीस सरकारच्या स्थापनेनंतर दीड महिन्याने मंत्रीमंडळ विस्तार झाला आणि त्यानंतर काही दिवसांनी खातेवाटप झालं. मात्र, खातेवाटपानंतर शिवसेनेत बंडखोरी करणाऱ्या शिंदे गटातील दादा भुसे, संदीपान भुसे यांच्यासह काही मंत्री नाराज असल्याच्या जोरदार चर्चा आहेत. यावरून विरोधकांनीही सरकारवर जोरदार टीका केलीय. आता पत्रकारांनी विचारलं असता शिंदे गटातील मंत्री शंभुराजे देसाई यांनी यावर आपली भूमिका स्पष्ट केली. ते मंगळवारी (१६ ऑगस्ट) मुंबईत बोलत होते.
पिंपरी महापालिकेचे प्रशासक तथा आयुक्त राजेश पाटील यांची मंगळवारी (१६ ऑगस्ट) तडकाफडकी बदली करण्यात आली आहे. साताऱ्याचे बहुचर्चित माजी जिल्हाधिकारी शेखर सिंह हे शहराचे नवे आयुक्त असणार आहेत. अवघ्या १८ महिन्यांत पाटील यांची उलचबांगडी झाल्याने सर्वांच्याच भुवया उंचावल्या आहेत.
‘मेरा तिरंगा मेरा अभिमान’ या अभियानातून स्वातंत्र्यदिनाच्या दुसऱ्या दिवशी अनेक ठिकाणी रस्त्यावर इतरत्र पडलेले ध्वज संकलित करत पुण्यातील ’कीर्तने अँड पंडित फर्म’ने मंगळवारी तिरंग्याचा अभिमान जपला. कर्वे रस्ता, पौड रस्ता, डेक्कन जिमखाना, फर्ग्युसन रस्ता यासह शहराच्या विविध भागात मंगळवारी सकाळी ध्वज संकलन अभियान राबविण्यात आले.
सार्वजिनक वाहतूक सुरळीत आणि वेगाने व्हावी यासाठी मुंबईत पुन्हा एकदा बस रॅपिड ट्रान्झिट सिस्टिमचा (बीआरटीएस) पर्याय समोर आला आहे. बेस्ट उपक्रमाने हा पर्याय निवडला असून त्यासाठी पश्चिम द्रुतगती मार्गाचा विचार सुरू आहे.
हॅलो ऐवजी वंदे मातरम म्हणण्याला विरोध करण्याचे काहीच कारण नाही. वंदे मातरमला विरोध करणे म्हणजे संविधानाला विरोध करण्यासारखे आहे, असे मत राज्याचे वन व सांस्कृतिक मंत्री सुधीर मुनगंटीवार यांनी व्यक्त केले.
गेल्या काही दिवस अधूनमधून कोसळणाऱ्या पावसाने पुन्हा एकदा दमदार हजेरी लावली आहे. मुंबई शहर आणि उपनगरांत मुसळधार पाऊस कोसळू लागला आहे. मंगळवारी सकाळपासून सुरू झालेल्या पावसाने उसंत घेतली नाही. त्यामुळे मुंबईतील सखल भागांत पावसाचे पाणी साचले.
शिवसंग्राम संघटनेचे प्रमुख विनायक मेटे यांचं अपघातात निधन झाल्यानंतर आता या प्रकरणाला नवीन वळण मिळताना दिसत आहे. ३ ऑगस्टला विनायक मेटेंच्या कारचा बीड ते पुणे प्रवासादरम्यान दोन गाड्यांनी पाठलाग केला होता, असा खळबळजनक दावा अण्णासाहेब वायकर या कार्यकर्त्याने केला आहे. दरम्यान, विनायक मेटे यांच्या पत्नी ज्योती मेटे यांनी या कार्यकर्त्याशी संवाद साधला आहे. प्रसारमाध्यमांशी बोलताना त्यांनी या अपघाताची चौकशी करण्याची मागणी केली आहे.
कल्याण पश्चिमेतील मोहने येथील रिक्षा वाहन तळांवर तीन जणांच्या टोळक्याने एका रिक्षा चालकाला किरकोळ कारणावरुन बेदम मारहाण केली. या रिक्षा चालकाला मारहाणीत गंभीर दुखापत झाल्याने त्याच्यावर खासगी रुग्णालयात उपचार सुरू आहेत.
‘म्हाडा’च्या मुंबई मंडळाने मुला-मुलींसाठी जिजामाता नगर येथील १,८२१ चौरस मीटर क्षेत्रफळाच्या भूखंडावर वसतिगृह बांधण्याचा निर्णय घेतला होता. मात्र मुंबई मंडळाला फेब्रुवारीपासून आजतागायत वसतिगृह बांधण्याच्या कामासाठी मुहूर्त मिळालेला नाही.
मोठ्या प्रतिक्षेनंतर राज्य मंत्रीमंडळाचा विस्तार झालेला असली तरी कमी महत्त्वाची खाती मिळाल्यामुळे अनेक मंत्री नाराज असल्याचे म्हटले जात आहे. याच मुद्द्याला घेऊन राष्ट्रवादीच्या खासदार सुप्रिया सुळे यांनी मिश्किल टप्पणी केली आहे. घरातील बायको एवढी रुसत नसेल तेवढे हे मंत्री रुसत आहेत, असे सुप्रिया सुळे म्हणाल्या आहेत. त्या मुंबईत राष्ट्रवादी काँग्रेसच्या एका कार्यक्रमात बोलत होत्या. ”टीव्ही ९ मराठी’ने याबाबतचे वृत्त दिले आहे. वाचा सविस्तर
मेटेंच्या अपघातामागचं गूढ वाढलं, कार्यकर्त्याच्या 'या' दाव्याची चर्चा!
“३ तारखेलाही दोन गाड्या विनायक मेटेंच्या गाडीचा पाठलाग करत होत्या”, कार्यकर्त्याचा दावा; अपघातामागचं गूढ वाढलं!
उद्योजक मुकेश अंबानी यांच्या कुटुंबाला जीवे मारण्याची धमकी देणाऱ्या दक्षिण मुंबईतील ज्वेलरला पोलिसांनी अटक केली आहे. विष्णू भौमिक असं धमकी देणाऱ्या व्यक्तीचं नाव असून त्याने आठ वेळा रुग्णालयात फोन करुन मुकेश अंबानी यांच्या कुटुंबाला ठार मारु अशी धमकी दिली. फोन करताना त्याने आपलं नाव ‘अफजल’ असल्याचं सांगितलं होतं.
FIFA suspends All India Football Federation: जागतिक फुटबॉल संघटनेने (फिफा) भारताला मोठा धक्का दिला असून फुटबॉल महासंघावर निलंबनाची कारवाई केली आहे. भारतीय फुटबॉल महासंघात (एआयएफएफ) तिसऱ्या पक्षाचा हस्तक्षेप वाढला असल्याने तात्काळ निलंबनाची कारवाई करण्यात येत असल्याचं फिफाने सांगितलं आहे. या कारवाईमुळे भारतामध्ये ऑक्टोबर महिन्यात नियोजित करण्यात आलेला महिला खेळाडूंचा ‘अंडर १७ वर्ल्ड कप’ रद्द झाला आहे.
राज्याचे वनमंत्री सुधीर मुनगंटीवार यांनी राज्यातील सर्व सरकारी कार्यालयातील अधिकारी आणि कर्मचाऱ्यांनी फोनवरून संवाद साधताना हॅलोऐवजी ‘वंदे मातरम्’ म्हणायचं, असा आदेश दिल्याने विरोधकांकडून टीका होत आहे. भारतीय राज्यघटनेने दिलेल्या स्वातंत्र्याचा गळा आवळू नका, असा इशारा देत कोणी काय खावं, काय घालावं, काय बोलावं हे तुम्ही ठरवणार का? असा सवाल राष्ट्रवादी काँग्रेसचे नेते जितेंद्र आव्हाड यांनी विचारला आहे. आम्ही तसं म्हटलं नाही, तर जेलमध्ये टाकणार का? अशी विचारणाही त्यांनी केली आहे. त्यांच्या या टीकेला मुनगंटीवारांनी नागपुरात प्रसारमाध्यमांशी बोलताना प्रत्युत्तर दिलं आहे.
अभिनेते किरण मानेंची पोस्ट चर्चेत…
“मला संपवायला निघालेल्यांचा ६ महिन्यात…”, किरण मानेंची ‘ती’ पोस्ट चर्चेत
मुकेश अंबानींच्या कुटुंबाला जीवे मारण्याची धमकी
मुकेश अंबानींच्या कुटुंबाला जीवे मारण्याची धमकी, दोन तासात आठ वेळा फोन, विष्णू भौमिक उर्फ ‘अफजल’ला अटक
महाराष्ट्र न्यूज लाइव्ह टुडे
महाराष्ट्रातील सर्व क्षेत्रातल्या महत्त्वाच्या घडामोडी वाचा एकाच क्लिकवर!
