Maharashtra News Update Today: राज्य सरकारने नुकतीच अहमद नगरचं नामांतर अहिल्यादेवी होळकर नगर करण्याची घोषणा केल्यानंतर त्यावरून राजकीय वर्तुळात प्रतिक्रिया उमटत आहेत. दुसरीकडे शिंदे गटाचे खासदार गजानन कीर्तीकर यांनी आपल्याला भाजपाबरोबरच्या युतीमध्ये सापत्न वागणूक मिळाल्याच्या केलेल्या विधानावरही प्रतिक्रिया येत आहेत. या पार्श्वभूमीवर राज्यातील राजकीय वातावरण तापल्याचं पाहायला मिळत आहे.
Maharashtra News Today: महाराष्ट्रातील सर्व महत्त्वाच्या घडामोडी एका क्लिकवर!
नागपूर: महाराष्ट्रामधील सर्वच मंदिरांमध्ये वस्त्र संहिता (ड्रेस कोड) लागू करण्याचा निर्णय महाराष्ट्र मंदिर महासंघाने घेतला आहे. याबाबत सर्व धार्मिक संस्थानी जनजागृती करून अंमलबजावणीसाठी पुढाकार घ्यावा, अशी मागणी, विश्व हिंदू परिषदेने केली आहे.
नागपूर: वाघिणीपासून दूरावलेल्या पेंच व्याघ्रप्रकल्पातील बछड्यांना नागपूर येथील गोरेवाडा वन्यजीव संशोधन व प्रशिक्षण केंद्रात हलवण्यात आले. पशुवैद्यकीय अधिकारी त्यांच्यावर उपचार करत आहेत.
ठाणे : कोपरी स्मशानभूमीच्या नुतनीकरणामध्ये सभागृहाची उभारणी करण्यात येणार असून, यामुळे स्माशनभूमीची जागा कमी होणार असल्याने त्यास कोपरी स्मशानभूमी हितचिंतक नागरिक संघ व कोपरी संघर्ष समितीने विरोध केला आहे. स्माशनभूमीच्या जागेत सभागृहाची उभारणी नकोच अशी भूमीका घेत ही मागणी मान्य झाली नाही, तर आंदोलन छेडण्याचा इशारा त्यांनी दिला आहे.
अंबरनाथः मुख्यमंत्री एकनाथ शिंदे यांच्या बंडानंतर अंबरनाथ शहरातून दोन टप्प्यांत त्यांना पाठिंबा मिळाला. अंबरनाथ शहरात शिवसेनेचे प्रमुख पदाधिकारी, माजी नगरसेवक यांच्यासह कार्यकर्तेही शिवसेनेत दाखल झाल्याने शिवसेनेचा (उबाठा गट) सुपडा साफ झाल्याची चर्चा होती. मात्र शिवसेनाच्या (उबाठा) शहर कार्यकारिणीची नुकतीच घोषणा करण्यात आली. शहरप्रमुखांसह इतर पदे बहाल करण्यात आली आहेत. दुसरीकडे शिवसेनेची कार्यकारिणी मात्र प्रतिक्षेत आहे.
नागपूर: महाराष्ट्राचे आराध्य दैवत छत्रपती शिवाजी महाराज यांच्या ३५० व्या शिवछत्रपती राज्याभिषेक दिन ६ जुनला दक्षिण अमेरिकेतील त्रिनिदाद आणि टोबॅगो देशातही साजरा होईल.
मला पोलिसांना विचारायचं आहे की जितेंद्र आव्हाडवर ३५४ चा गुन्हा दाखल करताना तपासणीही केली नाही. जितेंद्र आव्हाड काही तुमचा शत्रू नाहीये. एवढंच आहे, तर माझं पोलिसांना म्हणणं आहे की तुम्ही खांद्यावरून अशोकचक्र काढा आणि ज्यांचं सध्या धनुष्यबाण आहे, त्यांचं धनुष्यबाण लावून टाका - जितेंद्र आव्हाड
ठाणे : कोपरी स्मशानभूमीच्या नुतनीकरणामध्ये सभागृहाची उभारणी करण्यात येणार असून, यामुळे स्माशनभूमीची जागा कमी होणार असल्याने त्यास कोपरी स्मशानभूमी हितचिंतक नागरिक संघ व कोपरी संघर्ष समितीने विरोध केला आहे. स्माशनभूमीच्या जागेत सभागृहाची उभारणी नकोच अशी भूमीका घेत ही मागणी मान्य झाली नाही, तर आंदोलन छेडण्याचा इशारा त्यांनी दिला आहे.
अमरावती: एका विधवेला विवाहाचे प्रलोभन दाखवून तिचे लैंगिक शोषण करण्यात आले. आरोपीने फसवणूक केल्‍याचे लक्षात येताच तिने दुसऱ्या व्यक्तीशी लग्नसंबंध जुळवला, पण आरोपीने तिचे अश्लील व्हिडीओ तिच्या होणाऱ्या पतीसह त्याच्या भावाला देखील पाठविल्‍याची घटना धारणी येथे उघडकीस आली आहे.
जितेंद्र आव्हाडांनी खरंच सिंधी समाजाचा अवमान केला? स्वत: ट्वीट केला भाषणाचा व्हिडीओ, म्हणाले...!
डोंबिवली – येथील पश्चिमेतील रस्त्यांवर मद्यपान करून इनोव्हा मोटार चालविणाऱ्या एका वाहन चालकाने विविध रस्त्यांवर मोटार नेऊन एकूण १२ वाहनांना धडका दिल्या. यामध्ये १० जण जखमी झाले आहेत. मद्यधुंद मोटार चालकाला इतर नागरिकांनी पकडून त्याला विष्णुनगर पोलिसांच्या ताब्यात दिले. काल रात्री हा प्रकार घडला.
पुणे: माध्यमिक शालांत प्रमाणपत्र परीक्षा मंडळ म्हणजेच दहावी तसेच वेगवेगळ्या पदवी अभ्यासक्रमाचे बनावट प्रमाणपत्र तयार करून त्याची विक्री करणारी टोळी पुणे पोलिसांच्या गुन्हे शाखेने उघडकीस आणली आहे.
नाशिक: जिल्ह्याच्या ग्रामीण भागात अवैध व्यवसायांचे समूळ उच्चाटन करण्यासाठी जिल्हा पोलीस अधीक्षकांकडून वेगवेगळी पथके गठित करण्यात आली आहेत.
नंदुरबार – राज्यात सत्तेसाठी एकमेकाच्या हातात हात घेऊन चालणाऱ्या शिवसेना शिंदे गट आणि भाजपमध्ये नंदुरबार जिल्ह्यात विस्तवही जात नसल्याची स्थिती आहे. नंदुरबारमधील सत्तेच्या संघर्षात भाजप-शिंदे गट परस्परांची उणीदुणी काढण्यात मग्न असल्याचा अप्रत्यक्ष फायदा काँग्रेसला होत आहे.
जळगाव: शहरातील कालिंकामाता मंदिर परिसरातील स्टेट बँक ऑफ इंडियाच्या शाखेत गुरुवारी सकाळी दरोडा टाकून सुमारे १५ लाखांच्या रोकडसह लाखोंचे सोने लांबविल्याची धक्कादायक घटना समोर आली.
मुद्रांक शुल्कात एक टक्का सवलत मिळविण्यासाठी महिलांच्या नावावर सदनिका खरेदी केल्यावर १५ वर्षांपर्यंत त्या सदनिकेची विक्री करता येत नव्हती. आता मात्र राज्य सरकारने या जाचक अटीतून महिलांची सुटका केली आहे. त्यामुळे आता कधी आणि कोणालाही या सदनिकेची विक्री करणे शक्य होणार आहे. सविस्तर वाचा…
नदीसुधार प्रकल्पासाठी पुणे महापालिकेने पुढील सुनावणीपर्यंत एकही झाड तोडू नये, असे निर्देश राष्ट्रीय हरित न्यायाधिकरणाने (एनजीटी) बुधवारी दिले. प्रकल्पाच्या पर्यावरण मंजुरीवेळी एकही झाड तोडणार नाही, अशी कबुली देऊनही आता तुम्ही झाडे का तोडत आहात, असा सवालही न्यायाधिकरणाने केला. सविस्तर वाचा…
राष्ट्रवादीचे सर्वेसर्वा शरद पवार आणि अजित पवार यांचे निकटवर्तीय म्हणून ओळखले जाणारे भोसरीचे माजी आमदार विलास लांडे यांचे शिरूर लोकसभा मतदारसंघात भावी खासदार म्हणून फ्लेक्स लागले आहेत. माजी आमदार विलास लांडे यांचा आज वाढदिवस असून त्यानिमित्ताने भावी खासदार असा उल्लेख असलेले फ्लेक्स भोसरीमध्ये लावण्यात आले आहेत.
मटण न केल्याने दारु पिऊन घरी आलेल्या पतीने पत्नीच्य डोक्यात विळ्याने वार केल्याची घटना येरवड्यातील सुभाषनगर भागात घडली. भाग्यश्री संदीप मोरे (वय २९) असे गंभीर जखमी झालेल्या पत्नीचे नाव आहे. तिच्यावर रुग्णालयात उपचार सुरू आहेत.
शहरातील नाट्यगृहांचे नूतनीकरण करण्यासाठी जून अखेरपर्यंत नागरिक तसेच नाट्यकलावंतांकडून सूचना मागवाव्यात आणि १५ जुलैपर्यंत दुरुस्तीची कामे सुरू करून ऑगस्ट अखेरपूर्वी ती पूर्ण करावीत, असे आदेश राज्याचे उच्च आणि तंत्रशिक्षण मंत्री, पालकमंत्री चंद्रकांत पाटील यांनी दिले. सविस्तर वाचा…
पूर्व द्रुतगती मार्गावरील सुमन नगर सर्कल येथे बुधवारी रात्री भरधाव वेगात आलेल्या डंपरने एका दुचाकीला धडक दिली. या अपघातात दुचाकी चालवत असलेल्या पोलीस कर्मचाऱ्याच्या मुलाचा मृत्यू झाला. या अपघातामुळे पूर्व द्रुतगती मार्गावर बराच वेळ वाहतूक कोंडी झाली होती. सविस्तर वाचा…
वर्धा : बाहेरगावी शिकण्यासाठी वार्षिक साठ हजार रुपये देणारी ज्ञानज्योती स्वाधार योजना इतरांप्रमाणे ओबीसी घटकास का नाही, असा सवाल महात्मा फुले समता परिषदेने केला आहे. विधिमंडळात या योजनेस मंजुरी देत एकवीस हजार विद्यार्थ्यांना लाभ देण्याची घोषणा उपमुख्यमंत्री देवेंद्र फडणवीस यांनी २९ डिसेंबर २०२३ रोजी सभागृहात केली. त्याचे स्मरण देत संघटनेने आता आंदोलन करण्याचा इशारा दिला.
नाशिक: गरीबांसाठी घरकुल मिळावे म्हणून शासन एकीकडे प्रयत्न करीत असतांना दुसरीकडे काही शासकीय लोकसेवक या कामात लाच मागून अडथळे निर्माण करीत आहेत.
संसद भवनाबाहेरच्या महिला कुस्तीपटूंची लढाई आणि माझी लढाई सारखीच आहे - सुषमा अंधारे
संजय शिरसाट यांना क्लीनचिट मिळाल्याप्रकरणी सुषमा अंधारेंची टीका. म्हणाल्या, "क्लीनचिट मिळाल्याचं स्वत: आरोपी कसं सांगू शकतो? ही बाब सगळ्यात आधी तपास अधिकाऱ्यांनी सांगायला हवी. महत्त्वाचं म्हणजे हा अहवाल त्यांनी महिला आयोगाकडे सादर करायला हवा. पण तो महिला आयोगाकडे आलाच नाहीये. मग आधीच तो लीक कसा झाला? यासाठी संबंधित अधिकारी जबाबदार असतील तर त्यांचं निलंबन व्हायला हवं. मला देवेंद्र फडणवीसांना विचारायचंय की जर एखाद्या प्रकरणात चौकशी समिती नेमली असेल, ज्या फिर्यादीच्या म्हणण्यावर ती समिती नेमली असेल, तर त्या फिर्यादीला त्याची माहिती का देण्यात आली नाही? मला माहिती नाही याबाबत काही. यात फिर्यादीचं म्हणणं ऐकून घेतलं पाहिजे. मला का बोलावलं नाही. मला बोलावलं असं त्यांचं म्हणणं असेल, तर कसं बोलावलं? मला काहीही न विचारता एकांगी निर्णय का घेतला? हेच करायचं होतं, तर चौकशीचं नाटक का केलं? फडणवीसांचं असं काही ठरलंय का की ज्या ४० लोकांच्या पाठिंब्यावर त्यांचं सरकार चालू आहे, अशा लोकांना काहीही करून वाचवायचंच असं ठरलंय का? फडणवीसांनी काय ती उत्तरं द्यायला पाहिजे".
राष्ट्रवादी काँग्रेस पक्षाचे अनेक पदाधिकारी भाजपमध्ये गेले असल्याने पक्षातील निष्ठावंत अशा भाजप सहकाऱ्यांना कुठे बसवायचे हा प्रश्न त्यांच्यासमोर निर्माण झाला आहे - जयंत पाटील
नाशिक: मुख्यमंत्री एकनाथ शिंदे यांनी विविध घटकांसाठी घेतलेले निर्णय आणि शेतकरी हिताच्या राबविलेल्या योजना यांची माहिती तळागाळापर्यंत पोहोचविण्यासाठी शहरात विभागनिहाय शिवदुतांची नेमणूक करण्यात येणार आहे.
बुलढाणा : महाविकास आघाडीत राज्य स्तरावर ‘मोठा भाऊ’ कोण यावरून वादंग उठला आहे. तिन्ही मित्र पक्षांत कलगीतुरा रंगला असतानाच दूरवरच्या बुलढाण्यातदेखील याचे पडसाद उमटू लागले आहेत. बुलढाणा लोकसभा मतदारसंघावर तिन्ही मित्र पक्षांकडून आत्तापासूनच दावे-प्रतिदावे करण्यात येत आहेत. दुसरीकडे ‘मिशन-४५’ मध्ये समाविष्ट असलेल्या मतदारसंघावर भाजपनेही दावा केल्याने युतीतही सर्वच आलबेल नसल्याचे चित्र आहे.
जळगाव: पाचोरा तालुक्यातील दुसखेडा येथील प्रगतिशील तरुण शेतकर्‍याने चक्क शेतात वाजतगाजत कपाशी लागवडीला सुरुवात केली.
नागपूर : एका वयोवृद्ध प्रवाशाला बॅटरी कारने एका फलाटावरून दुसऱ्या फलाटावार जायचे होते. त्यांच्यासोबत एक नातवाईक होते. बॅटरी कार चालकाने तिकडे जाण्यास नकार दिल्याने प्रवाशाच्या नातेवाईकाने तलवार काढली. ही थरारक घटना मध्यवर्ती नागपूर रेल्वे स्थानकावर गुरुवारी सकाळी घडली.
नागपूर : शेतीत विविध प्रयोग केल्यास त्यातून लाखो रुपयांचे उत्पन्न घेणे शक्य आहे. फक्त गरज आहे कल्पकतेची आणि कष्ट करण्याची. ही किमया साधली एका उच्च शिक्षित शेतकऱ्याने. पाच एकराच्या शेतीत दहा लाखांचे आंब्याचे उत्पन्न घेऊन.
महाराष्ट् न्यूज
Maharashtra News Today: महाराष्ट्रातील सर्व महत्त्वाच्या घडामोडी एका क्लिकवर!
