Mumbai Pune Live Updates Today, 27 September 2024 : विधानसभेची निवडणूक काही दिवसांवर आली आहे. त्यामुळे सर्वच राजकीय पक्षांनी मोर्चेबांधणीला जोरदार सुरुवात केली आहे. निवडणुकीच्या अनुषंगाने अनेक नेत्यांच्या बैठकांचा धडाका सुरु आहे. महायुती आणि महाविकास आघाडीतील पक्षांमध्ये जागावाटपाबाबत खलबतं सुरु आहेत. विधानसभेला महायुती विरुद्ध महाविकास आघाडी असा प्रमुख सामना रंगण्याची चिन्ह आहेत. निवडणुकीच्या आधीच राज्यात राजकारण तापलं आहे. यातच बदलापूर येथील लैंगिक अत्याचार प्रकरणातील आरोपी अक्षय शिंदे एन्काऊंटर प्रकरणावरूनही आरोप-प्रत्यारोप सुरु आहेत. तसेच पुण्यातील मेट्रोच्या उद्घाटनावरून महाविकास आघाडी आणि महायुतीमध्ये राजकारण तापलं आहे. दरम्यान, यासह राज्यातील आणि देशातील घडणाऱ्या घडामोडी जाणून घेऊयात.
Maharashtra News Live Today, 27 September 2024
Mumbai University Senate Election 2024 : मुंबई विद्यापीठाच्या सिनेट निवडणुकीचा आज (२७ सप्टेंबर ) निकाल लागत आहे. या सिनेट निवडणुकीसाठी २४ सप्टेंबर रोजी मतदान पार पडले होते. आता मतमोजणी सुरु असून शिवसेना ठाकरे गटाच्या युवा सेनेचे उमेदवार आघाडीवर असल्याची माहिती मिळत आहे. तसेच सिनेट निवडणुकीत ठाकरे गटाच्या युवासेनेने खाते उघडले असून मयूर पांचाळ ओबीसी प्रवर्गामधून विजयी झाल्याची माहिती समोर आली आहे. मयूर पांचाळ यांना ५ हजार ३५० मते मिळाली आहेत. दरम्यान, अजून मतमोजणी सुरु असून थोड्याच वेळात निकाल स्पष्ट होईल.
कल्याणीनगर अपघात प्रकरणात गु्न्हा दाखल झालेला बांधकाम व्यावसायिक विशाल अगरवाल याच्या मुलाला दिल्लीतील एका शैक्षणिक संस्थेने प्रवेश नाकारल्याची धक्कादायक बाब उघडकीस आली. सविस्तर वाचा…
मिठाई विक्री दुकानाचे कुलुप तोडून चोरट्यांनी रोकड आणि अडीच किलो आंबा बर्फी चोरून नेल्याची घटना येरवडा भागात घडली. याबाबत मिठाई विक्रेते सैतानसिंग सवाईसिंग देवडा (वय ४८, रा. एकता हाऊसिंग सोसायटी, गोल्फ क्लब रस्ता, येरवडा) यांनी येरवडा पोलीस ठाण्यात फिर्याद दिली आहे. सविस्तर वाचा…
नागपुरातील कार्यक्रमातही लाडकी बहीण योजनेचे सादरीकरण झाले. उद्योगाशी संबंधित कार्यक्रमात या योजनेच्या सादरीकरणावर खुद्द उदय सामंत यांनी भाष्य केले आहे.
धुळे : काँग्रेसचे माजी मंत्री रोहिदास पाटील (८४) यांचे शुक्रवारी सकाळी निधन झाले. त्यांच्या पश्चात पत्नी, मुलगी, दोन मुलेग, सुना आणि नातवंडे असा परिवार आहे.
ठाणे : शेअर बाजारात गुंतवणूक केल्यास जादा परतावा मिळेल असे सांगून भामट्यांनी ठाण्यातील दोघांची लाखो रुपयांना फसवणूक केल्याचा प्रकार समोर आला आहे.
रिपब्लिकन पार्टी ऑफ इंडियाचे (आठवले गट) शहराध्यक्ष परशुराम वाडेकर यांना जीवे मारण्याची धमकी देऊन जातीवाचक शिवीगाळ केल्याप्रकरणी एका डॉक्टरविरुद्ध गुन्हा दाखल करण्यात आला. याबाबत परशुराम बाळकृष्ण वाडेकर (वय ५३, रा. कुंदन हेरिटेज, मुंबई-पुणे रस्ता, खडकी) यांनी बंडगार्डन पोलीस ठाण्यात फिर्याद दिली आहे.
नाना पेठेत एका जुगार अड्ड्यावर पोलिस कारवाई करण्यासाठी गेले होते. मात्र त्यावेळी पोलिसांच्या कारवाईच्या भीतीने जुगार खेळणाऱ्यांमधील एकाने इमारतीच्या दुसऱ्या मजल्यावरून खाली उडी मारली आणि त्या व्यक्तिचा मृत्यू झाल्याची घटना घडली आहे.
Mumbai University Senate Election: मुंबई विद्यापीठाच्या सिनेट निवडणुकीचा आज (२७ सप्टेंबर ) निकाल लागणार आहे. या सिनेट निवडणुकीसाठी २४ सप्टेंबर रोजी मतदान पार पडले होते. आता मतमोजणीला सुरुवात झाली असून शिवसेना ठाकरे गटाच्या युवा सेनेचे मयूर पांचाळ ओबीसी प्रवर्गामधून विजयी झाल्याची माहिती समोर आली आहे.
देशाचे पंतप्रधान नरेंद्र मोदी व केंद्रीय मंत्री अमित शहा यांचे राष्ट्रवादी काँग्रेस पक्ष शरद पवार यांच्या वतीने व सर्व राज्यातील कार्यकर्त्यांच्या वतीने मी आभार मानतो की त्यांनी आमच्या पक्षातील सर्व दोष काढून घेतले आणि ते स्वतःकडे घेतले आहे. सविस्तर वाचा…
मुंबई: मुसळधार पावसामुळे बुधवारी रात्री लोकल विस्कळीत झाली आणि कार्यालयीन काम आटोपून घरी निघालेल्या असंख्य कर्मचाऱ्यांची कोंडी झाली. परिणामी, लोकलमध्ये प्रवाशांची प्रचंड गर्दी झाली होती. गर्दीमुळे लोकलमधून पडून एका पोलीस शिपायाचा मृत्यू झाला.
बदलापूर: अंबरनाथ आणि बदलापूर शहरासाठी उल्हास नदीतून अतिरिक्त ७ दशलक्ष घनमीटर पाण्याचे आरक्षण मंजूर करण्यात आले आहे.
वसई विरार शहरात एकापाठोपाठ एक अशा खदाणीत बुडून मृत्यू होण्याच्या घटना घडत आहेत.
विमानतळ विकास कंत्राटाची संपूर्ण प्रक्रिया रद्द करण्यात आल्यानंतर जीएमआर एयरपोर्ट व जीएमआर नागपूर इंटरनॅशनल एयरपोर्ट या कंपन्यांनी उच्च न्यायालयात याचिका दाखल केली होती.
डोंबिवली : डोंबिवली एमआयडीसी भागातील घरडा सर्कल ते के. व्ही. पेंढरकर महाविद्यालय दरम्यानच्या रस्त्यावर दुतर्फा वाहन चालक दुचाकी, मोटारी उभ्या करून ठेवत आहेत.
मुंबई : म्हाडाच्या पुणे मंडळाने सुमारे पाच हजार घरांची सोडत काढण्याचा निर्णय घेतला आहे. या सोडतीसाठी ऑक्टोबरच्या पहिल्या आठवड्यात जाहिरात प्रसिद्ध करण्याचे मंडळाचे नियोजन आहे.
साताऱ्यातील ठोसेघर या ठिकाणी बोरणे घाटात भीषण अपघातात झाल्याची माहिती समोर आली आहे. या अपघातात दुचाकी आणि चारचाकीची समोरासमोर जोरदार धडक झाली आहे. या अपघातानंतर गाडी दोनशे फूट दरीत कोसळली आहे. यामध्ये दोन महिला व तीन पुरुष गंभीर जखमी झाले आहेत
गोंड गोवारी समाजाच्या प्रलंबित मागण्यांसाठी नागपूरमध्ये आंदोलन सुरु करण्यात आलं आहे. या आंदोलनात हजारो नागरिकांनी सहभाग घेतला आहे. यावेळी सरकारकडे काही प्रलंबित मागण्या मान्य करण्याची मागणी त्यांनी केली आहे. नागपूरमधील या आंदोलनानंतर आता राज्य सरकार त्यांच्या मागण्या मान्य करणार का? याकडे अनेकांचे लक्ष लागले आहे.
घुग्घुस आणि परिसरातील नागरिकांना प्रदूषणामुळे गाव सोडण्याशिवाय दुसरा पर्याय नाही. त्यामुळे पर्यावरणवाद्यांनी या प्रकल्पाला तीव्र विरोध सुरू केला आहे.
पुणे : गोखले राज्यशास्त्र आणि अर्थशास्त्र संस्थेत सुरू असलेल्या प्रकरणात नवेच वळण आले आहे. डॉ. बिबेक देबराय यांनीच पदाचा राजीनामा दिल्याचे समोर आले आहे.
ठाणे : घोडबंदर येथील गायमुख भागातील खाडी किनारी भागात चौपाटी विकसित करण्यात आली असतानाच, त्यापाठोपाठ आता या प्रकल्पाच्या तिसऱ्या टप्प्यात गायमुख ते नागलाबंदर खाडी किनारा विकसित करून आरामाराची प्रतिकृती उभारण्यात येणार आहे.
मृतदेहाच्या खिशात मिळालेल्या डायरीनुसार त्याचे नाव संदीप शिरगावे असल्याचे स्पष्ट झाले. त्याच डायरीत त्याच्या पत्नीचा मोबाइल नंबर मिळाला.
आरोपीला पकडण्यासाठी गेलेल्या पोलीस अधिकाऱ्यांच्या अंगावर गाडी घालून जीवे मारण्याचा प्रयत्न केल्याची घटना समोर आली आहे.
पुणे : राष्ट्रवादी काँग्रेसचे माजी नगरसेवक वनराज आंदेकर खून प्रकरणातील आरोपींना पिस्तूल पुरविणाऱ्या सराइताला गुन्हे शाखेने अटक केली. आंदेकर खून प्रकरणात आतापर्यंत २१ आरोपींना अटक करण्यात आली असून, दोन अल्पवयीनांना ताब्यात घेण्यात आले आहे.
पुणे : शहरातील पावसाळी गटारांची स्वच्छता संबंधित ठेकेदारांकडून करून घ्यावी, अशा सूचना महापालिका आयुक्त डॉ. राजेंद्र भोसले यांनी प्रशासनाला केल्या आहेत.
पुणे : प्रगत संगणन विकास केंद्राने (सी-डॅक) विकसित केलेले भारतीय बनावटीचे ‘परम रुद्रा’ ही महासंगणन प्रणाली देशातील तीन संशोधन संस्थांना देण्यात आली आहे. या महासंगणन प्रणालीमुळे विविध प्रकारच्या वैज्ञानिक संशोधनाला गती मिळणे शक्य होणार आहे.
नाशिक : शेतजमिनीवर कर्ज काढण्यासाठी नोंदीत फेरफार करून देण्यासाठी लाच स्वीकारतांना लाचलुचपत प्रतिबंधक विभागाने दिंडोरी तालुक्यातील वणी येथील तलाठी शांताराम गांगुर्डे यास ताब्यात घेतले.
कल्याण : कल्याण पश्चिमेतील खडकपाडा भागातील राधानगर भागातील रस्त्यांवर दररोज वाहतूक कोंडी होत आहे. या सततच्या वाहन कोंडीमुळे या भागातील रहिवासी हैराण आहेत
साकोली तालुक्यातील खांबा वडेगाव मार्गावरील वडगाव नाल्यावर आज पहाटे ही घटना घडली.
पुणे शहरातील शिवाजीनगर ते स्वारगेट या भूमिगत मेट्रोचे उद्घाटन पुढे ढकल्यानंतर पुण्यात राजकारण तापलं आहे. महाविकास आघाडीच्या पुण्यातील स्थानिक नेत्यांनी या मेट्रोचे उद्घाटन करण्याचा इशारा दिला आहे. त्यामुळे महाविकास आघाडीचे नेते आणि महायुतीच्या नेत्यांमध्ये आरोप-प्रत्यारोप सुरु आहेत.
