Marathi News, 23 June 2023 : बिपरजॉय चक्रीवादळामुळे लांबलेल्या पावसाने अखेर महाराष्ट्रात आगमन केले आहे. विदर्भात मान्सूनचे वारे सक्रिय झाले आहेत. उपराजधानीसह अमरावती, चंद्रपूर आदी जिल्ह्यांत काही ठिकाणी संथ तर काही ठिकाणी मुसळधार पावसाला सुरुवात झाली. त्यामुळे शेतकऱ्यांसह सर्वसामान्यांनी सुटकेचा श्वास सोडला. तर, मुंबईतही आज पावसाच्या हलकी सरी कोसळल्या. हवामान खात्याने २३ जूनपासून कोकणातील काही भाग, मध्य महाराष्ट्र, आणि विदर्भात पावसाचा अंदाज वर्तविला होता. तसेच २४ ते २५ जूनपासून पावसाचा जोर वाढण्याचा अंदाज आहे. दुसरीकडे राज्यातील राजकारणात विविध घडामोडी घडत आहेत. आज संयुक्त विरोधी पक्षांची बिहारच्या पाटण्यात बैठक होत असून या बैठकीसाठी उद्धव ठाकरे आणि शरद पवार गेले आहेत. त्या पार्श्वभूमीवर आजच्या बैठकीत काय ठरतंय याकडे सर्वांचं लक्ष लागून राहिलं आहे. यासह राज्यातील इतर घडामोडी वाचा.
