Maharashtra News LIVE Updates : ६० पैकी एकही आमदारा शिंदेंच्या आदेशाशिवाय काम करत नाही – संजय शिरसाट

नागपूर : पटन्यात( बिहार )राहणाऱ्या अकरावीच्या विद्यार्थिनीचे नागपुरातील अकरावीच्या विद्यार्थ्यासह सूत जुळले. दोघांनीही घरातून पळून जाऊन प्रेमविवाह करण्याचा निर्णय घेतला. ती पाटणन्यावरुन रेल्वेने नागपुरात पोहचली तर तो रेल्वेस्थानकावर तिची वाट बघत उभा होता. मात्र, यादरम्यान, तरुणीच्या आईने मुलगी पळाल्याची तक्रार केली. पोलिसांनी रेल्वेस्थानकावर सापळा रचला. प्रियकर आणि प्रेयसीची भेट होण्यापूर्वीच पोलिसांनी मुलीला ताब्यात घेतले आणि आईवडिलांच्या ताब्यात दिले. अशाप्रकारे ‘एक अधुरी प्रेम कहाणी’ रेल्वेस्थानकावर बघायला मिळाली.

सविस्तर वाचा...

पुणे : सुश्रुषेसाठी ठेवलेल्या कामगाराकडून मनोरुग्ण महिलेवर बलात्कार करण्यात आल्याची धक्कादायक घटना उघडकीस आली आहे. याप्रकरणी भारती विद्यापीठ पोलिसांकडून कामगाराला अटक करण्यात आली.याबाबत एका पीडित महिलेने भारती विद्यापीठ पोलीस ठाण्यात फिर्याद दिली आहे. तिने दिलेल्या फिर्यादीनुसार, सुश्रुषेसाठी ठेवलेल्या ३४ वर्षीय तरुणाला अटक करण्यात आली आहे. पोलिसांनी दिलेल्या माहितीनुसार, ३८ वर्षीय पीडित महिला मनोरुग्ण आहे.

सविस्तर वाचा...

वर्धा : भाजपचे सदस्यता नोंदणी अभियान जोरात सुरू आहे. प्रत्येक जिल्ह्यात सदस्य नोंदणीचे टार्गेट पाऊन ते एक लाखाचे देण्यात आले आहे. हा आकडा पार करण्याची बाब जिल्हा पदाधिकाऱ्यांना अवघड ठरत असल्याचे चित्र उमटले होते. जिल्ह्यात दहा हजार पार देखील होत नसल्याचे चित्र राज्यभरात दिसून आले. परिणामी १ ते १५ जानेवारी ही मुदत आता वाढविण्यात आली आहे.

सविस्तर वाचा...

अकोला : नव्या वर्षात पहिल्या महिन्याच्या उत्तरार्धात दिवसा फक्त सूर्य आणि रात्री सर्व ग्रह एका बाजूला येणार आहेत. रात्रीच्या प्रारंभी व कृष्ण पक्षातील अंधाऱ्या वेळी हा अनोखा आकाश नजारा खूपच सुंदर व मनोवेधक असेल, अशी माहिती विश्वभारती केंद्राचे प्रमुख प्रभाकर दोड यांनी दिली.आकाशातील ग्रह ताऱ्यांचा नजारा प्रत्येक मानवी जीवाला भुरळ घालतो.

सविस्तर वाचा...