Mumbai Maharashtra News Updates, 30 August 2024: सिंधुदुर्ग जिल्ह्यातील मालवण समुद्रकिनारी छत्रपती शिवाजी महाराजांच्या पुतळ्याचे अनावरण पंतप्रधान नरेंद्र मोदी यांच्या हस्ते ४ डिसेंबर २०२३ रोजी झाले होते. आज पुन्हा एकदा पंतप्रधान नरेंद्र मोदी मुंबई आणि महाराष्ट्राच्या दौऱ्यावर येत आहेत. त्यांच्या हस्ते पालघर जिल्ह्यातील वाढवण बंदर आणि मुंबईत विविध प्रकल्पाचे उदघाटन होणार आहे. या दौऱ्यासाठी महायुतीचे नेते आज पुन्हा एकत्र येणार आहेत. दरम्यान शिवसेना शिंदे गटाचे नेते आणि राज्याचे आरोग्य मंत्री तानाजी सावंत यांनी अजित पवार यांच्या राष्ट्रवादी काँग्रेसबाबत वादग्रस्त विधान केल्यामुळे महायुतीमध्ये धुसफूस निर्माण झालेली पाहायला मिळत आहे. या विधानानंतर अजित पवार गटाने सत्तेतून बाहेर पडण्याचा इशारा दिला आहे. या सर्व घडामोडींवर आज प्रतिक्रिया येण्याची शक्यता आहे.