Maharashtra Political Crisis Updates : राज्यात एकीकडे सत्तासंघर्षाची राजकीय सुंदोपसुंदी सुरू असताना दुसरीकडे शिर्डी संस्थानचं विश्वस्त मंडळ बरखास्त झाल्यावरून मोठी चर्चा सुरू झाली आहे. त्यासोबतच नितेश राणेंनी देवेंद्र फडणवीसंना हिंदुह्रदयसम्राट म्हटल्यामुळे त्यावरून राजकीय वातावरण चांगलंच तापलं आहे. आता गणेशोत्सव संपल्यामुळे दसरा मेळावा आणि त्याअनुषंगाने पुन्हा एकदा शिंदे गट आणि शिवसेना यांच्यात दावे-प्रतिदावे पाहायला मिळण्याची शक्यता आहे.
Maharashtra News Updates Today, 13 September 2022: महाराष्ट्रातील महत्त्वाच्या घडामोडी एका क्लिकवर!
श्रीमंत छत्रपती शिवाजी राजे शाहूमहाराज भोसले (वय ७५) यांचे वृद्धापकाळाने पुणे येथील खासगी रुग्णालयात निधन झाले.त्यांच्या मागे वृषालीराजे भोसले या कन्या आहेत.ते खासदार उदयनराजे, आमदार शिवेंद्रसिंहराजे व विक्रमसिंहराजे यांचे चुलते होते. रात्री उशीरा पार्थिव साताऱ्यातील अदालत वाड्यात आणले जाणार आहे.अंत्यसंस्कार बुधवारी होणार आहेत.
राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांच्याबाबत समाज माध्यमावर आक्षेपार्ह लिखाण करणाऱ्या महिलेवर वेगवेगळे गुन्हे दाखल करून अटक करण्यात आली आहे. समाजमाध्यमावर सक्रिय असलेल्या अमृता फडणवीस वेगवेगळ्या विषयावर भाष्य करतात. त्यामुळे त्यांच्या पोस्टला खूप प्रतिसाद मिळतो. त्यांनी समाजमाध्यमांवर टाकलेल्या एका पोस्टवर ७ सप्टेंबर रोजी एका महिलेने चार वेगवेगळे प्रतिसाद दिले.
आमदार जितेंद्र आव्हाड यांचे फेसबुक या समाजमाध्यामावर आक्षेपार्ह छायाचित्र प्रसारित केल्याप्रकरणी अनंत करमुसे यांच्याविरोधात वर्तकनगर पोलिसांनी ठाणे न्यायालयात दोषारोपपत्र दाखल केले आहेत. सुमारे दोन वर्षांपूर्वी करमुसे यांच्याविरोधात वर्तकनगर पोलीस ठाण्यात गुन्हा दाखल करण्यात आला होता. त्यानंतर हे दोषारोपपत्र दाखल करण्यात आले आहेत.
दिलेला अभ्यास नीट करत नाही म्हणून रागाच्या भरात शिकवणी शिक्षिकेने अमानुष पणाचा कहर करीत एका साडेतीन वर्षीय चिमुरडीला उलतणे गरम करून चटके दिल्याचा धक्कादायक प्रकार समोर आला आहे. या प्रकरणी बाल अत्याचार कलमान्वये शिक्षिकेवर गुन्हा दाखल करण्यात आला आहे. मात्र तिला अद्याप अटक करण्यात आले नाही.
गणेशोत्सव संपल्यानंतरही मंडळांचे मांडव, रनिंग मंडप, कमानी, रथ रस्त्यावरच असल्याने वाहतुकीला अडथळा निर्माण होत आहे. त्यामुळे मंडळांनी तातडीने कमानी, मंडप हटवून रस्ते मोकळे करावेत, असे आदेश महापालिकेच्या अतिक्रमण विभागाने दिले असून त्यासाठी गुरुवारपर्यंतची मुदत देण्यात आली आहे.
पिंपरी महापालिकेतील वादग्रस्त ठरलेले अतिरिक्त आयुक्त विकास ढाकणे यांचीही तडकाफडकी उचलबांगडी करण्यात आली आहे. त्यांच्या जागी महापालिकेतील उप आयुक्त स्मिता झगडे यांची वर्णी लागली आहे. पिंपरी पालिकेतील यापूर्वीचे आयुक्त राजेश पाटील यांचे सर्वात ‘खास’ अधिकारी म्हणून ढाकणे यांची ओळख होती.
तब्बल १५४ वर्षे जुना ब्रिटिशकालिन कर्नाक उड्डाणपुलाच्या रेल्वे हद्दीतील पाडकामाला सुरुवात झाली असून तीन तासांचे तब्बल ३० मेगाब्लाॅक घेऊन काही महत्त्वाची कामे पूर्ण करण्यात येणार आहेत. उड्डाणपुलाचे पाडकाम तीन महिने चालणार असून या कामांत एक २७ तासांचा मोठा मेगाब्लाॅक घेण्यात येणार आहे.
अनाथ आरक्षणासाठीचे प्रमाणपत्र देण्याचे अधिकार केवळ महिला आणि बालविकास विभागाच्या विभागीय उपायुक्तांना आहेत. मात्र, अन्य विभागाच्या अधिकाऱ्यांकडूनही बेकायदेशरित्या अनाथ प्रमाणपत्र देण्यात आल्याचे निदर्शनास आले आहे. त्यामुळे अन्य यंत्रणेकडून वितरित करण्यात आलेली अनाथ प्रमाणपत्रे भरती प्रक्रियेमध्ये स्वीकारू नयेत अशा सूचना देण्यात आल्या आहेत.
दोन वर्षानंतर यंदा उत्साहात झालेल्या गणेश विसर्जन मिरवणुकीच्या विलंबाची नैतिक जबाबदारी आम्ही स्वीकारत आहोत, अशी भावना मानाच्या गणपती मंडळाच्या पदाधिकाऱ्यांनी मंगळवारी व्यक्त केली. त्यासंदर्भात कार्यकर्त्यांच्या पातळीवर आत्मपरीक्षण सुरू असून पुढील वर्षी चित्र बदललेले असेल, असा विश्वास या पदाधिकाऱ्यांनी व्यक्त केला.
महागाव तालुक्यातील ब्राह्मी गावातील तरुणाला अहमदनगर जिल्ह्यातील गव्हाणवाडी येथील आठ जणांनी संगनमत करून अपहरण केल्याची धक्कादायक घटना उजेडात आली आहे. याप्रकरणी अपहृत तरुणाच्या आईने पुसद ग्रामीण पोलीस ठाण्यात आठ जणांविरोधात १२ सप्टेंबर रोजी दिलेल्या तक्रार दिली. त्यावरून पोलिसांनी गुन्हे दाखल केले आहे.
दोन धर्मांत तेढ निर्माण करण्याचा प्रयत्न केल्याचा आरोप करून अमरावतीच्या खासदार नवनीत राणा यांच्याविरुद्ध अकोल्यात पोलीस तक्रार दाखल करण्यात आली आहे. या तक्रारीनुसार, अमरावती येथे नवनीत राणा यांनी पोलीस अधिकाऱ्यांशी वाद घालून सतत ‘लव्ह जिहाद’ चा उल्लेख केला.
स्वारगेट परिसरात कालव्याजवळ सुरू असलेल्या जुगार अड्ड्यावर गुन्हे शाखेच्या सामाजिक सुरक्षा विभागाने छापा टाकला. या कारवाईत १२ जणांच्या विरोधात गुन्हा दाखल करण्यात आला असून १५ हजारांची रोकड जप्त करण्यात आली. स्वारगेट परिसरातील कालव्याजवळ एका पत्र्याच्या खोलीत जुगार अड्डा सुरू असल्याची माहिती सामाजिक सुरक्षा विभागाला मिळाली.
शासनाकडून सातत्याने येणाऱ्या नवनवीन आदेशामुळे अध्ययन व अध्यापन प्रक्रियेत अडथळा निर्माण होत आहे. या आदेशांमुळे विद्यार्थ्यांचा मेंदू व शिक्षणाची लय विचलित झाली आहे. प्रशासकीय शिक्षणयंत्रणा शिक्षकांनी काय करावे हे सांगण्यासाठी आहे, की शिक्षक काय करत आहेत, शाळाशाळांतून काय घडत आहे याकडे लक्ष ठेवून शिक्षकांना योग्यवेळी योग्य मार्गदर्शन करणारी असली पाहिजे?
महाराष्ट्र लोकसेवा आयोगाने (एमपीएससी) पदभरती परीक्षांमध्ये समान गुण धारण करणाऱ्या उमेदवारांच्या प्राधान्य क्रमवारीबाबतच्या निकषांमध्ये बदल केले आहेत. त्यात उमेदवारांच्या शिक्षणाला प्राधान्य देण्यात आले असून, या बदलाची अंमलबजावणी आगामी काळात प्रसिद्ध होणाऱ्या सर्व जाहिरातींपासून करण्यात येईल.
छातीतील जळजळ किंवा ॲसिडिटीच्या त्रासाला नाहीसे करण्यासाठी झेन्टॅक हे औषध वापरले जाते. अमेरिकेत मात्र या औषधाच्या विक्रीवर बंदी घालण्यात आली आहे. दरम्यान अमेरिकेनंतर आता भारतानेही या औषधांबाबतीत एक मोठा निर्णय घेतला आहे. भारतीय आरोग्य मंत्रालयाने झेन्टॅक, रॅन्टॅक यांच्यासह एकूण २६ औषधांना अत्यावश्यक औषधांच्या यादीतून वगळले आहे. वाचा सविस्तर
तामिळनाडूतील डीएमके पक्षाचे खासदार ए राजा यांनी हिंदू धर्माविषयी बोलताना वादग्रस्त विधान केले आहे. ए राजा यांनी तुम्ही जोपर्यंत हिंदू होत नाहीत तोपर्यंत तुम्ही शूद्र आहात. जोपर्यंत तुम्ही हिंदू होत नाहीत, तोपर्यंत तुम्ही अस्पृश्य आहात असे म्हटले जाते, असे विधान केल्यानंतर भाजपाने आक्रमक पवित्रा धारण केला आहे. भाजपाकडून ए राजा तसेच डीएमके पक्षावर टीका केली जात असून एका समुदायाला खूष ठेवण्यासाठी विशिष्ट समुदायाला लक्ष्य केले जात आहे, असा आरोप केला आहे. वाचा सविस्तर
पश्चिम बंगालमध्ये भाजपाने तृणमूल काँग्रेसविरोधात आक्रमक पवित्रा धारण केला आहे. भाजपाकडून ‘चलो नबन्ना’ मोर्चाच्या माध्यमातून पश्चिम बंगालच्या मुख्यमंत्री ममता बॅनर्जी यांना खिंडीत गाठण्याचा प्रयत्न केला जातोय. याच नबन्ना मोर्चात सहभागी होण्यासाठी पश्चिम बंगालमधील भाजपाचे कार्यकर्ते कोलकात्याच्या दिशेने जात आहेत. मात्र येथील राणीगंज रेल्वे स्थानक परिसरात पोलीस आणि भाजपा कार्यकर्त्यांमध्ये वाद झाल्याचे पाहायला मिळाले. यावेळी पोलिसांनी काही भाजपाच्या कार्यकर्त्यांना ताब्यात घेतले. भाजपाच्या चलो नबन्ना मोर्चाला पोलिसांनी परावनगी नाकारलेली आहे. वाचा सविस्तर
मुंबईतील मनेसेचे नेते वृशांत वडके यांना बलात्काराच्या आरोपाखील अटक करण्यात आली आहे. आगामी मुंबई महानगरपालिकेच्या निवडणुकीत तिकीट मिळवून देतो, असे आमिष दाखवत वेगवेगळ्या ठिकाणी बलात्कार केला, असा आरोप वडके यांच्यावर करण्यात आला आहे. वाचा सविस्तर
महापालिका क्षेत्रातील रस्त्यावर पडलेले खड्डे गणेशोत्सवापुर्वी पालिकेच्या सार्वजनिक बांधकाम विभागाने बुजविले होते. परंतु गेल्या आठवड्यापासून सुरु झालेल्या मुसळधार पावसामुळे बुजवलेले खड्डे पुन्हा उखडण्यास सुरुवात झाली आहे. खड्डे बुजविण्यासाठी वापरलेली खडी रस्त्यावर इतरत्र पसरल्याने त्यावरून दुचाकी घसरून अपघात होण्याची भिती व्यक्त होत आहे.
मोबाइलमध्ये गाडीचे छायाचित्र टिपल्याच्या रागातून एका वाहनचालकाने वाहतूक पोलिसालाच मारहाण केल्याची घटना रविवारी रात्री मानखुर्द परिसरात घडली. याबाबत मानखुर्द पोलिसांनी गुन्हा दाखल करून वाहनचालकाला अटक केली.
कझाकिस्थान येथे होणाऱ्या १२ व्या आशियाई जिम्नॅस्टिक्स अजिंक्यपद स्पर्धेसाठी चेंबूरमधील झोपडपट्टीतील १४ खेळाडूंची निवड झाली आहे. मात्र या खेळाडूंच्या कुटुंबाची आर्थिक स्थिती बेताची असून कझाकिस्थानमध्ये जाण्यासाठी येणाऱ्या मोठ्या खर्चासाठी या खेळाडूंनी दानशूरांना साद घातली आहे.
भाजपाची ताकद प्रत्येक राज्यामध्ये दिवसेंदिवस वाढत आहे. उत्तरप्रदेशमध्ये पुन्हा एकदा योगी आदित्यनाथ यांचे सरकार आले. गोव्यात देखील भाजपाने सत्ता स्थापन केली. महाराष्ट्रात मात्र आमची फसवणूक झाली. यामुळे भाजपाने या फसवणुकीचा बदला घेऊन महाराष्ट्रात भाजपा युतीचे सरकार आणले. अशी स्पष्टोक्ती केंद्रीय माहिती व प्रसारण मंत्री अनुराग ठाकूर यांनी दिली.
तीन दिवसांच्या तांडवानंतर पावसाचा जोर आता कमी झाला आहे. मात्र केवळ तीन दिवसांतच अतिवृष्टीमुळे जिल्हयात तब्बल १५ हजारांपेक्षा जास्त हेक्टरवरील खरीप पिकांचे नुकसान झाले आहे. यामुळे बळीराजा हवालदिल झाला आहे.
मोहाळी नदीवरील पूल ओलांडत असताना आजोबा आणि नातू दोघेही नदीच्या प्रवाहात वाहून गेल्याची घटना अकोट तालुक्यातील तांदूळवाडी-सोनबर्डी पुलावर घडली. या घटनेत आजोबांचा मृत्यू झाला, तर नातवाचा शोध सुरू आहे.
शहरात कार्यरत एका पोलीस उपनिरीक्षकाने मागच्या काही दिवसांपासून समाज माध्यमावर आक्षेपार्ह मजकूर टाकण्याची जणू मोहीमच उघडली होती. पण, कुणीच आक्षेप घेत नसल्याने त्याचे धाडस वाढले व त्याने चक्क पंतप्रधान नरेंद्र मोदी यांच्यावरच टीका केली. ही टीका त्याला चांगलीच भोवली असून त्याला थेट निलंबित करण्यात आले आहे.
खासदार नवनीत राणा यांनी पोलिसांचा अवमान केल्याच्या विरोधात, आज सेवानिवृत्त पोलीस अधिकारी व कर्मचारी मोठ्या संख्येने पोलीस आयुक्तालयावर धडकले. पोलिसांशी अरेरावी, उद्धट वागणूक आणि शासकीय कामात अडथळा आणल्‍या प्रकरणी नवनीत राणा यांच्यावर गुन्हा दाखल करण्‍याची मागणी, त्यांनी पोलीस आयुक्त डॉ. आरती सिंह यांच्‍याकडे केली.
वातानुकूलित डबा, आरामदायी आसन, काचेच्या खिडक्या आणि छत यासह वैशिष्ट्यपूर्ण असलेला विस्टाडोम डबा (पारदर्शक डबा) आता सीएसएमटी-करमाळी-सीएसएमटी तेजस एक्स्प्रेसलाही जोडण्यात येणार आहे. येत्या १५ सप्टेंबरपासून विस्टाडोम डबा प्रवाशांच्या सेवेत दाखल होत आहे. त्याचे आरक्षण १४ सप्टेंबरपासून करता येईल, अशी माहिती कोकण रेल्वेच्या अधिकाऱ्यांनी दिली. बातमी वाचा सविस्तर...
सात वर्षांपूर्वी कोकण रेल्वे मार्गावरील प्रवाशांसाठी सुरू करण्यात आलेल्या वातानुकूलित डबल डेकर एक्स्प्रेसची ‘डबर डेकर’ही ओळख काळाच्या पडद्याआड जाणार आहे. या गाडीत वरती आणि खालती बसण्यासाठी केलेल्या विशिष्ठ व्यवस्थेमुळे ही गाडी आकर्षण बनली होती. आता द्वि साप्ताहिक आणि साप्ताहिक अशा चालणाऱ्या दोन डबल डेकरचे विलीनीकरण करण्यात येणार असून त्या ४ नोव्हेंबर २०२२ पासून नव्याने चालविण्यात येणार आहेत. बातमी वाचा सविस्तर...
वसुली पथकाच्‍या माध्यमातून अमरावतीच्या पोलीस आयुक्‍तांनी तत्‍कालीन मुख्यमंत्री उद्धव ठाकरे यांना गेल्या अडीच वर्षांत महिन्‍याला ७ कोटी रुपये पोहचवून दिले, असा गंभीर आरोप करताना याची चौकशी सीआयडीमार्फत केली जाणार असल्‍याच्‍या आमदार रवी राणांच्‍या दाव्‍यावरच आता प्रश्‍नचिन्‍ह निर्माण झाले असून अशा कोणत्‍याही चौकशीचे आदेश नसल्‍याची माहिती गृहमंत्रालयातील सूत्रांनी दिली आहे.
कर्ज प्रकरणात जामीनदार असलेल्याला सातत्याने नोटीस बजावत त्याच्याकडून पैसे उकळून त्रास दिल्याने एकाने आत्महत्या केल्याची घटना घडली. आत्महत्येस प्रवृत्त केल्याप्रकरणी समर्थ पोलीस ठाण्यातील दोन पोलिसांसह तिघांच्या विरोधात गुन्हा दाखल करण्यात आला आहे. दरम्यान, पोलिसांवर गुन्हा दाखल झाल्याने शहर पोलीस दलात खळबळ उडाली आहे.
मुंबई महाराष्ट्र ब्रेकिंग न्यूज अपडेट, महाराष्ट्र न्यूज अपडेट
Maharashtra News Updates Today, 13 September 2022: महाराष्ट्रातील महत्त्वाच्या घडामोडी एका क्लिकवर!
