Maharashtra Political Crisis Updates : राज्यात एकीकडे सत्तासंघर्षाची राजकीय सुंदोपसुंदी सुरू असताना दुसरीकडे शिर्डी संस्थानचं विश्वस्त मंडळ बरखास्त झाल्यावरून मोठी चर्चा सुरू झाली आहे. त्यासोबतच नितेश राणेंनी देवेंद्र फडणवीसंना हिंदुह्रदयसम्राट म्हटल्यामुळे त्यावरून राजकीय वातावरण चांगलंच तापलं आहे. आता गणेशोत्सव संपल्यामुळे दसरा मेळावा आणि त्याअनुषंगाने पुन्हा एकदा शिंदे गट आणि शिवसेना यांच्यात दावे-प्रतिदावे पाहायला मिळण्याची शक्यता आहे.
Maharashtra News Updates Today, 13 September 2022: महाराष्ट्रातील महत्त्वाच्या घडामोडी एका क्लिकवर!
महाराष्ट्र कृषी सेवा गट ‘अ’ मधील कृषी उपसंचालकांच्या बढतीचा मार्ग मोकळा झाला आहे. त्यांना अधीक्षक कृषी अधिकारी पदावर बढती मिळणार आहे. राज्याच्या सामान्य प्रशासन विभागाने २०२१-२२ च्या निवड सूचीमधील पात्र अधिकाऱ्यांच्या यादीला मान्यता दिली असून, त्यात ८१ अधिकाऱ्यांचा समावेश आहे. या बढतीमुळे कृषी तंत्रज्ञान व्यवस्थापन यंत्रणा (आत्मा) आणि मा. बाळासाहेब ठाकरे कृषी व्यवसाय व ग्रामीण परिवर्तन प्रकल्पाला (स्मार्ट) सर्वाधिक मनुष्यबळ उपलब्ध होणार आहे.
बाल न्याय मंडळाची (जेजेबी) दिशाभूल करून खून प्रकरणातील अल्पवयीन आरोपीला मुख्य आरोपी दाखवणाऱ्या दिंडोशी पोलीस ठाण्यातील एका पोलीस निरीक्षकवरील आरोपांच्या चौकशीचे आदेश उच्च न्यायालयाने अतिरिक्त पोलीस आयुक्तांना (उत्तर विभाग) दिले. बातमी वाचा सविस्तर…
पुणे, पिंपरी-चिंचवड शहरातील वाहतूक कोंडी सोडविण्यासाठी महाराष्ट्र राज्य रस्ते विकास महामंडळाने (महाराष्ट्र स्टेट रोड डेव्हलपमेंट कॉर्पोरेशन – एमएसआरडीसी) हाती घेतलेल्या वर्तुळाकार रस्त्यासाठी प्रत्यक्ष भूसंपादन सुरू करण्यात आले आहे. मावळ तालुक्यातील उर्से गावातील अडीच एकर क्षेत्र असलेला जमिनीचा व्यवहार पूर्ण करण्यात आला असून संबंधित बाधित शेतकऱ्याची मोबदल्याची रक्कम थेट बँक खात्यावर धनादेशाद्वारे वर्ग करण्यात आली आहे.
शहरात रविवारी सायंकाळी झालेल्या मुसळधार पावसाने स्मार्ट सिटी पाण्यात गेल्यानंतर महापालिका प्रशासनाला जाग आली. महापालिकेच्या अतिरिक्त आयुक्तांकडून सोमवारी पाहणी दौरा करण्यात आला. त्याबाबतचा अहवालही संबंधित अधिकाऱ्यांकडून मागविण्यात आला आहे. शहराला रविवारी सायंकाळी मुसळधार पावसाने झोपडून काढले.
पावसामुळे शहराच्या वेगवेगळ्या भागात वाहतूक कोंडी झाली. प्रमुख चौकातील सिग्नल यंत्रणा बंद पडल्याने वाहतूक विस्कळीत झाली. शहरात सोमवारी रात्रीपासून पाऊस सुरू झाला. मंगळवारी (१३ सप्टेंबर) सकाळी पावसाच्या सरी कोसळत होत्या. पावसामुळे शहरातील बहुतांश रस्त्यांवर खड्डे पडले आहे. सकाळपासून सुरू असलेल्या पावसामुळे शहरातील प्रमुख चौकातील सिग्नल यंत्रणा बंद पडली.
राज्य सरकारने २५ वर्षांपूर्वी नवी मुंबई पालिकेत समाविष्ट केलेली जुन्या मुंबई पुणे महामार्गावरील (दहिसर मोरी भागातील) ती १४ गावे नंतर ग्रामस्थांच्या तीव्र विरोधामुळे १५ वर्षांपूर्वी वगळण्याचा निर्णय सरकारला घ्यावा लागला होता. पण त्याच ग्रामस्थांच्या आग्रहाखातर अखेर ती १४ गावे मंगळवारी नवी मुंबई पालिकेत अधिकृतरीत्या समावेश करण्यात आली. तसा अध्यादेश नगरविकास विभागाने सोमवारी काढला आहे.
सर्वपक्षीय नगरसेवकांनी प्रशासनाच्या साथीने केलेले सिमेंट काँक्रिटचे रस्ते पाणी साचण्याच्या प्रकाराला जबाबदार असल्याचे स्पष्ट झाले आहे. महापालिकेचे अधिकारी आणि नगरसेवकांनी संगनमताने केलेली नालेसफाई आणि पावसाळापूर्व कामे, जागोजागी केलेली रस्ते खोदाई आणि सिमेंट काँक्रिटचे रस्ते या प्रकारामुळेच जोरदार पावसात शहर पावसात जात आहे.
सावित्रीबाई फुले विद्यापीठाने एप्रिलमध्ये घेतलेल्या विधी अभ्यासक्रमाच्या परीक्षेच्या निकालात अनेक विद्यार्थी अनुत्तीर्ण झाले आहेत. इतक्या मोठ्या प्रमाणावर विद्यार्थी नापास होणे ही परीक्षा विभागाची चूक असल्याने दुरुस्ती करून पुन्हा निकाल जाहीर करण्याची मागणी नगरच्या न्यू लॉ कॉलेज, पिंपरीच्या डॉ. डी. वाय. पाटील आणि इतर संलग्न विधी महाविद्यालयांच्या विद्यार्थ्यांनी सावित्रीबाई विद्यापीठाच्या परीक्षा आणि मूल्यमापन मंडळाकडे केली.
महापालिका कर्मचाऱ्यांकडून वेळेचे उल्लंघन होत असल्याने महापालिका प्रशासनाकडून सोमवारी १५७ कर्मचाऱ्यांना कारणे दाखवा नोटिसा बजाविण्यात आल्या. वेळेत कार्यालयात न आल्याने ही नोटीस बजाविण्यात आली आहे.
उरण : सोमवार पासून सुरू झालेल्या पावसामुळे उरण पनवेल मार्गावरील जेएनपीटी कामगार वसाहती जवळील रस्त्यावर पडलेल्या खड्ड्यामुळे मंगळवारी या मार्गावरील वाहतूक मंदावली आहे. त्यामुळे उरण वरून जाणाऱ्या व उरण मध्ये येणाऱ्या वाहनांची कोंडी होत असल्याने प्रवाशांनाही त्रास सहन करावे लागत आहे. बातमी वाचा सविस्तर…
राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांच्याबद्दल आक्षेपार्ह टिप्पणी करणाऱ्या महिलेला अटक करण्यात आली आहे. महिलेने फेसबुकवर बनावट अकाऊंट तयार करत, अमृता फडणवीस यांना शिवीगाळ करत आक्षेपार्ह शब्द वापरले होते. सायबर पोलिसांनी ठाण्यातून महिलेला अटक केली आहे.
खडकवासला धरणसाखळी प्रकल्पातील चारही धरणांत संततधार पाऊस सुरू आहे. त्यामुळे खडकवासला, पानशेत धरणे पूर्ण क्षमतेने म्हणजे १००% भरलेली आहेत. धरण क्षेत्रामध्ये पडणाऱ्या पावसाच्या प्रमाणात आणि येणाऱ्या पाण्यात वाढ होत आहे. परिणामी तरी येत्या दोन तासांमध्ये नदीपात्रामध्ये विसर्ग वाढविण्यात येण्याची दाट शक्यता जलसंपदा विभागाने व्यक्त केली.
पनवेलमधील गणेश विसर्जनादरम्यान नूकतीच 11 जणांना विजेचा झटका लागला होता. या घटनेवेळी प्रसंगवधान ठेऊन या ठिकाणी कर्तव्यदक्षपणे राज्य राखीव पोलीस दलाचे (एस. आर. पी. एफ.) तीन जवान आणि पनवेल शहर पोलीस ठाण्याचे दलाच्या दोन अधिकारी यांनी वेळीच जनरेटरमधून सूरु असलेल्या विजप्रवाह वाहिनी बाजूला केल्याने या ठिकाणी बाप्पाला अखेरचा निरोप देण्यासाठी उभी असलेली पाचशे जण विजझटक्यापासून वाचू शकले. बातमी वाचा सविस्तर…
पुणे शहरात जोरदार झालेल्या पावसामुळे अनेक रस्त्यावर आणि घरांमध्ये पाणी साचलेले पाहायला मिळाले. मुसळधार पावसामुळे नागरिकांचे मोठ्या प्रमाणावर हाल झाले. रस्त्यावर आणि सखल भागात पाणी साचल्याने नागरिकांना त्रास सहन करावा लागला . बातमी वाचा सविस्तर…
दादरमध्ये शिवसेना आणि शिंदे गटात झालेल्या संघर्षानंतर मुंबई पोलिसांनी मोठी कारवाई केली आहे. शिंदे गटातील आमदार सदा सरवणकर यांचं परवाना असणारं पिस्तूल दादर पोलिसांनी जप्त केलं आहे. दादर पोलीस ठाण्यात गोळीबार केल्याच्या आरोपाखाली सदा सरवणकर यांच्याविरोधात रविवारी शस्त्रास्त्र प्रतिबंधक कायदयांतर्गत गुन्हा दाखल करण्यात आला होता. त्यानंतर पोलिसांनी ही कारवाई केली असून, जप्त करण्यात आलेलं पिस्तूल फॉरेन्सिकसाठी पाठवण्यात येणार आहे.
आम आदमी पक्षाचे राष्ट्रीय संयोजक आणि दिल्लीचे मुख्यमंत्री अरविंद केजरीवाल यांनी सोमवारी अहमदाबादमध्ये एका रिक्षाचालकाच्या घरी जेवणाचा आस्वाद घेतला. पण अरविंद केजरीवाल रिक्षाचालकाच्या घरी जात असताना पोलिसांनी सुरक्षेच्या कारणास्तव रोखल्यामुळे वातावरण चांगलंच तापलं होतं. अहमदाबादमधील रस्त्यावरच हाय व्होल्टेज ड्रामा पाहण्यास मिळाला. यावेळी अरविंद केजरीवाल यांनी पोलिसांना ‘तुम्हाला लाज वाटली पाहिजे’ अशा शब्दात सुनावलं.
हैदराबादमध्ये इमारतीला लागलेल्या भीषण आगीत होरपळून आठजणांचा मृत्यू झाला असून, काहीजण जखमी आहेत. सोमवारी रात्री सिकंदराबादमध्ये इलेक्ट्रिक दुचाकींच्या शोरुममध्ये ही आग लागली. ही आग नंतर वरच्या मजल्यावर असणाऱ्या हॉटेलमध्ये पोहोचली आणि इमारतीमध्ये पसरली.
उत्तर प्रदेशातील लखनऊ येथे न्यायालयाने १५ हजारांची लाच घेणाऱ्या आयआरएस (भारतीय महसूल सेवा) अधिकाऱ्याला सहा वर्षांच्या कारावासाची शिक्षा सुनावली आहे. महत्त्वाची बाब म्हणजे, अधिकाऱ्याने २३ वर्षांपूर्वी ही लाच घेतली होती. न्यायालयाने अधिकाऱ्याला दीड लाखांचा दंहडी ठोठावला आहे.
सविस्तर बातमी
सरन्यायाधीश उदय उमेश लळित यांचा १० सप्टेंबर रोजी मुंबई उच्च न्यायालयाच्या वतीने सत्कार करण्यात आल्याचा मुद्दा सध्या चर्चेचा विषय ठरत आहे.
“राज्य सरकारमधील अर्ध्याहून अधिक मंत्र्यांनी पितृपक्ष असल्याने अद्याप मंत्रालयातील दालनात कार्यभार स्वीकारलेला नाही, असे कळते. परंतु जग कुठे चालले आहे आणि यांचा पितृपक्षामुळे कारभार अडला आहे,” अशा शब्दांत विधानसभेचे विरोधी पक्षनेते अजित पवार यांनी शिंदे सरकारवर टीका केली.
मुंबई महाराष्ट्र ब्रेकिंग न्यूज अपडेट, महाराष्ट्र न्यूज अपडेट
Maharashtra News Updates Today, 13 September 2022: महाराष्ट्रातील महत्त्वाच्या घडामोडी एका क्लिकवर!
Maharashtra News Updates Today, 13 September 2022: महाराष्ट्रातील महत्त्वाच्या घडामोडी एका क्लिकवर!
महाराष्ट्र कृषी सेवा गट ‘अ’ मधील कृषी उपसंचालकांच्या बढतीचा मार्ग मोकळा झाला आहे. त्यांना अधीक्षक कृषी अधिकारी पदावर बढती मिळणार आहे. राज्याच्या सामान्य प्रशासन विभागाने २०२१-२२ च्या निवड सूचीमधील पात्र अधिकाऱ्यांच्या यादीला मान्यता दिली असून, त्यात ८१ अधिकाऱ्यांचा समावेश आहे. या बढतीमुळे कृषी तंत्रज्ञान व्यवस्थापन यंत्रणा (आत्मा) आणि मा. बाळासाहेब ठाकरे कृषी व्यवसाय व ग्रामीण परिवर्तन प्रकल्पाला (स्मार्ट) सर्वाधिक मनुष्यबळ उपलब्ध होणार आहे.
बाल न्याय मंडळाची (जेजेबी) दिशाभूल करून खून प्रकरणातील अल्पवयीन आरोपीला मुख्य आरोपी दाखवणाऱ्या दिंडोशी पोलीस ठाण्यातील एका पोलीस निरीक्षकवरील आरोपांच्या चौकशीचे आदेश उच्च न्यायालयाने अतिरिक्त पोलीस आयुक्तांना (उत्तर विभाग) दिले. बातमी वाचा सविस्तर…
पुणे, पिंपरी-चिंचवड शहरातील वाहतूक कोंडी सोडविण्यासाठी महाराष्ट्र राज्य रस्ते विकास महामंडळाने (महाराष्ट्र स्टेट रोड डेव्हलपमेंट कॉर्पोरेशन – एमएसआरडीसी) हाती घेतलेल्या वर्तुळाकार रस्त्यासाठी प्रत्यक्ष भूसंपादन सुरू करण्यात आले आहे. मावळ तालुक्यातील उर्से गावातील अडीच एकर क्षेत्र असलेला जमिनीचा व्यवहार पूर्ण करण्यात आला असून संबंधित बाधित शेतकऱ्याची मोबदल्याची रक्कम थेट बँक खात्यावर धनादेशाद्वारे वर्ग करण्यात आली आहे.
शहरात रविवारी सायंकाळी झालेल्या मुसळधार पावसाने स्मार्ट सिटी पाण्यात गेल्यानंतर महापालिका प्रशासनाला जाग आली. महापालिकेच्या अतिरिक्त आयुक्तांकडून सोमवारी पाहणी दौरा करण्यात आला. त्याबाबतचा अहवालही संबंधित अधिकाऱ्यांकडून मागविण्यात आला आहे. शहराला रविवारी सायंकाळी मुसळधार पावसाने झोपडून काढले.
पावसामुळे शहराच्या वेगवेगळ्या भागात वाहतूक कोंडी झाली. प्रमुख चौकातील सिग्नल यंत्रणा बंद पडल्याने वाहतूक विस्कळीत झाली. शहरात सोमवारी रात्रीपासून पाऊस सुरू झाला. मंगळवारी (१३ सप्टेंबर) सकाळी पावसाच्या सरी कोसळत होत्या. पावसामुळे शहरातील बहुतांश रस्त्यांवर खड्डे पडले आहे. सकाळपासून सुरू असलेल्या पावसामुळे शहरातील प्रमुख चौकातील सिग्नल यंत्रणा बंद पडली.
राज्य सरकारने २५ वर्षांपूर्वी नवी मुंबई पालिकेत समाविष्ट केलेली जुन्या मुंबई पुणे महामार्गावरील (दहिसर मोरी भागातील) ती १४ गावे नंतर ग्रामस्थांच्या तीव्र विरोधामुळे १५ वर्षांपूर्वी वगळण्याचा निर्णय सरकारला घ्यावा लागला होता. पण त्याच ग्रामस्थांच्या आग्रहाखातर अखेर ती १४ गावे मंगळवारी नवी मुंबई पालिकेत अधिकृतरीत्या समावेश करण्यात आली. तसा अध्यादेश नगरविकास विभागाने सोमवारी काढला आहे.
सर्वपक्षीय नगरसेवकांनी प्रशासनाच्या साथीने केलेले सिमेंट काँक्रिटचे रस्ते पाणी साचण्याच्या प्रकाराला जबाबदार असल्याचे स्पष्ट झाले आहे. महापालिकेचे अधिकारी आणि नगरसेवकांनी संगनमताने केलेली नालेसफाई आणि पावसाळापूर्व कामे, जागोजागी केलेली रस्ते खोदाई आणि सिमेंट काँक्रिटचे रस्ते या प्रकारामुळेच जोरदार पावसात शहर पावसात जात आहे.
सावित्रीबाई फुले विद्यापीठाने एप्रिलमध्ये घेतलेल्या विधी अभ्यासक्रमाच्या परीक्षेच्या निकालात अनेक विद्यार्थी अनुत्तीर्ण झाले आहेत. इतक्या मोठ्या प्रमाणावर विद्यार्थी नापास होणे ही परीक्षा विभागाची चूक असल्याने दुरुस्ती करून पुन्हा निकाल जाहीर करण्याची मागणी नगरच्या न्यू लॉ कॉलेज, पिंपरीच्या डॉ. डी. वाय. पाटील आणि इतर संलग्न विधी महाविद्यालयांच्या विद्यार्थ्यांनी सावित्रीबाई विद्यापीठाच्या परीक्षा आणि मूल्यमापन मंडळाकडे केली.
महापालिका कर्मचाऱ्यांकडून वेळेचे उल्लंघन होत असल्याने महापालिका प्रशासनाकडून सोमवारी १५७ कर्मचाऱ्यांना कारणे दाखवा नोटिसा बजाविण्यात आल्या. वेळेत कार्यालयात न आल्याने ही नोटीस बजाविण्यात आली आहे.
उरण : सोमवार पासून सुरू झालेल्या पावसामुळे उरण पनवेल मार्गावरील जेएनपीटी कामगार वसाहती जवळील रस्त्यावर पडलेल्या खड्ड्यामुळे मंगळवारी या मार्गावरील वाहतूक मंदावली आहे. त्यामुळे उरण वरून जाणाऱ्या व उरण मध्ये येणाऱ्या वाहनांची कोंडी होत असल्याने प्रवाशांनाही त्रास सहन करावे लागत आहे. बातमी वाचा सविस्तर…
राज्याचे उपमुख्यमंत्री देवेंद्र फडणवीस यांच्या पत्नी अमृता फडणवीस यांच्याबद्दल आक्षेपार्ह टिप्पणी करणाऱ्या महिलेला अटक करण्यात आली आहे. महिलेने फेसबुकवर बनावट अकाऊंट तयार करत, अमृता फडणवीस यांना शिवीगाळ करत आक्षेपार्ह शब्द वापरले होते. सायबर पोलिसांनी ठाण्यातून महिलेला अटक केली आहे.
खडकवासला धरणसाखळी प्रकल्पातील चारही धरणांत संततधार पाऊस सुरू आहे. त्यामुळे खडकवासला, पानशेत धरणे पूर्ण क्षमतेने म्हणजे १००% भरलेली आहेत. धरण क्षेत्रामध्ये पडणाऱ्या पावसाच्या प्रमाणात आणि येणाऱ्या पाण्यात वाढ होत आहे. परिणामी तरी येत्या दोन तासांमध्ये नदीपात्रामध्ये विसर्ग वाढविण्यात येण्याची दाट शक्यता जलसंपदा विभागाने व्यक्त केली.
पनवेलमधील गणेश विसर्जनादरम्यान नूकतीच 11 जणांना विजेचा झटका लागला होता. या घटनेवेळी प्रसंगवधान ठेऊन या ठिकाणी कर्तव्यदक्षपणे राज्य राखीव पोलीस दलाचे (एस. आर. पी. एफ.) तीन जवान आणि पनवेल शहर पोलीस ठाण्याचे दलाच्या दोन अधिकारी यांनी वेळीच जनरेटरमधून सूरु असलेल्या विजप्रवाह वाहिनी बाजूला केल्याने या ठिकाणी बाप्पाला अखेरचा निरोप देण्यासाठी उभी असलेली पाचशे जण विजझटक्यापासून वाचू शकले. बातमी वाचा सविस्तर…
पुणे शहरात जोरदार झालेल्या पावसामुळे अनेक रस्त्यावर आणि घरांमध्ये पाणी साचलेले पाहायला मिळाले. मुसळधार पावसामुळे नागरिकांचे मोठ्या प्रमाणावर हाल झाले. रस्त्यावर आणि सखल भागात पाणी साचल्याने नागरिकांना त्रास सहन करावा लागला . बातमी वाचा सविस्तर…
दादरमध्ये शिवसेना आणि शिंदे गटात झालेल्या संघर्षानंतर मुंबई पोलिसांनी मोठी कारवाई केली आहे. शिंदे गटातील आमदार सदा सरवणकर यांचं परवाना असणारं पिस्तूल दादर पोलिसांनी जप्त केलं आहे. दादर पोलीस ठाण्यात गोळीबार केल्याच्या आरोपाखाली सदा सरवणकर यांच्याविरोधात रविवारी शस्त्रास्त्र प्रतिबंधक कायदयांतर्गत गुन्हा दाखल करण्यात आला होता. त्यानंतर पोलिसांनी ही कारवाई केली असून, जप्त करण्यात आलेलं पिस्तूल फॉरेन्सिकसाठी पाठवण्यात येणार आहे.
आम आदमी पक्षाचे राष्ट्रीय संयोजक आणि दिल्लीचे मुख्यमंत्री अरविंद केजरीवाल यांनी सोमवारी अहमदाबादमध्ये एका रिक्षाचालकाच्या घरी जेवणाचा आस्वाद घेतला. पण अरविंद केजरीवाल रिक्षाचालकाच्या घरी जात असताना पोलिसांनी सुरक्षेच्या कारणास्तव रोखल्यामुळे वातावरण चांगलंच तापलं होतं. अहमदाबादमधील रस्त्यावरच हाय व्होल्टेज ड्रामा पाहण्यास मिळाला. यावेळी अरविंद केजरीवाल यांनी पोलिसांना ‘तुम्हाला लाज वाटली पाहिजे’ अशा शब्दात सुनावलं.
हैदराबादमध्ये इमारतीला लागलेल्या भीषण आगीत होरपळून आठजणांचा मृत्यू झाला असून, काहीजण जखमी आहेत. सोमवारी रात्री सिकंदराबादमध्ये इलेक्ट्रिक दुचाकींच्या शोरुममध्ये ही आग लागली. ही आग नंतर वरच्या मजल्यावर असणाऱ्या हॉटेलमध्ये पोहोचली आणि इमारतीमध्ये पसरली.
उत्तर प्रदेशातील लखनऊ येथे न्यायालयाने १५ हजारांची लाच घेणाऱ्या आयआरएस (भारतीय महसूल सेवा) अधिकाऱ्याला सहा वर्षांच्या कारावासाची शिक्षा सुनावली आहे. महत्त्वाची बाब म्हणजे, अधिकाऱ्याने २३ वर्षांपूर्वी ही लाच घेतली होती. न्यायालयाने अधिकाऱ्याला दीड लाखांचा दंहडी ठोठावला आहे.
सविस्तर बातमी
सरन्यायाधीश उदय उमेश लळित यांचा १० सप्टेंबर रोजी मुंबई उच्च न्यायालयाच्या वतीने सत्कार करण्यात आल्याचा मुद्दा सध्या चर्चेचा विषय ठरत आहे.
“राज्य सरकारमधील अर्ध्याहून अधिक मंत्र्यांनी पितृपक्ष असल्याने अद्याप मंत्रालयातील दालनात कार्यभार स्वीकारलेला नाही, असे कळते. परंतु जग कुठे चालले आहे आणि यांचा पितृपक्षामुळे कारभार अडला आहे,” अशा शब्दांत विधानसभेचे विरोधी पक्षनेते अजित पवार यांनी शिंदे सरकारवर टीका केली.
मुंबई महाराष्ट्र ब्रेकिंग न्यूज अपडेट, महाराष्ट्र न्यूज अपडेट
Maharashtra News Updates Today, 13 September 2022: महाराष्ट्रातील महत्त्वाच्या घडामोडी एका क्लिकवर!
