Maharashtra News : मुख्यमंत्री एकनाथ शिंदे यांची प्रकृती बिघडल्याने ते त्यांच्या सातारा येथील गावी गेले आहेत. तर अजित पवार आणि शरद पवार यांच्यात पार पडलेल्या गुप्त बैठकीनंतर महाराष्ट्र म्हणजे गंमत जंमत नाही असं म्हणत सामनातून अग्रलेख लिहित टीका करण्यात आली आहे. तर शिंदे गटातले दहा आमदार नाराज असून ते ठाकरे गटात परतू शकतात असा दावा रोहित पवार यांनी केला आहे. तसंच त्यांना परत आपल्या गटात घ्यायचं की नाही हा निर्णय उद्धव ठाकरेंचा असेल असंही त्यांनी म्हटलं आहे. महाराष्ट्राचं राजकारण २०१९ पासून निरनिराळ्या वळणांवर गेलं आहे. अगदी मागच्याच महिन्यात अजित पवार उपमुख्यमंत्री झाले आहेत. तिथपर्यंत ही वळणं येतच होती. अशात आता पुढे आणखी काही घडामोडी घडणार का? हे पाहणं महत्त्वाचं असणार आहे. तसंच राज्यात पावसाने ओढ दिली आहे. त्यामुळे शेतकऱ्यांची चिंता वाढली आहे. महाराष्ट्राच्या राजकीय, सामाजिक आणि इतर सर्व महत्त्वाच्या घडामोडी आपण जाणून घेणार आहोत लाइव्ह ब्लॉगच्या माध्यमातून.
Maharashtra Live Today, 14 August 2023 | शिंदे गटाचे १० नाराज आमदार ठाकरे गटात परतण्याच्या तयारीत! रोहित पवारांचा दावा आणि महत्त्वाच्या घडामोडी
कोल्हापूर: येथील चार खेळाडूंची प्रो-कबड्डीच्या आगामी दहाव्या सिझनसाठी विविध संघातून निवड झाली आहे. कबड्डी राव’ज अकडमीमध्ये प्रशिक्षण घेणारे तेजस मारुती पाटील, ओंकार नारायण पाटील, आदित्य शंकर पोवार व दादासो शिवाजी पूजारी अशी त्यांची नावे आहेत.
गडचिरोली: नक्षल्यांशी मुकाबला करताना उत्कृष्ट कामगिरी बजावणाऱ्या ३३ गडचिरोली पोलीस जवानांना राष्ट्रपती शौर्य पदक जाहीर करण्यात आले आहे.
वर्धा: येथील महात्मा गांधी आंतरराष्ट्रीय हिंदी विद्यापीठाचे कुलगुरू प्रा.रजनीश कुमार शुक्ल यांनी अखेर आपल्या पदाचा राजीनामा दिला. त्यांनी चार वर्ष हे पद भूषविले.
नागपूर: पतीने पत्नीच्या डोक्यात सिलिंडर घालून खून केला. ही घटना सोमवारी पहाटेच्या सुमारास हुडकेश्वरमध्ये उघडकीस आली. नायरा शफी खान (वय ३५, टेक ऑफ गार्डन सीटी, हुडकेश्वर) असे मृत महिलेचे तर समीर मोहम्मद हनीफ अन्सारी (वय ४८) असे आरोपी पतीचे नाव आहे.
नवी मुंबई: नवी मुंबई पोलीस आयुक्तालय क्षेत्रातील विविध गुन्हयात जप्त केलेल्या मुद्देमालाचे हस्तांतरण समारंभ आज पार पडला. सिडको ऑडीटोरियम मध्ये पार पडलेल्या कार्यक्रम वेळी आमदार मंदा म्हात्रे, गणेश नाईक, महेश मालदी, प्रशांत ठाकूर, पोलीस आयुक्त मिलिंद भांबरे यांच्या सह सर्व उच्च पदस्थ पोलीस अधिकारी व फिर्यादी उपस्थित होते.
अमरावती: शहरात जागोजागी कचरा साचला आहे, स्वच्छता नाही, ठिकठिकाणी गटारी तुंबल्या आहेत. या अडचणीच्या वेळोवेळी तक्रारी करूनही महापालिका प्रशासनाने दखल न घेतल्याच्या निषेधार्थ सोमवारी शिवसेनेच्या उद्धव ठाकरे गटाच्‍या वतीने ‘कचरा फेको’ आंदोलन करण्यात आले.
जिल्हा परिषद अंतर्गत आरोग्य विभागात कंत्राटी पद्धतीने पद भरती करण्याचा कंत्राट पुण्यातील एका खासगी कंपनीला दिला. त्या कंपनीने लपून छपून मुलाखती घेण्याचा घाट घातला होता. मात्र काही राजकीय व सामाजिक संघटनांनी हा गंभीर प्रकार उजेडात आणल्यानंतर कंपनीने सारवासारव करीत शुद्धिपत्रक काढून मुलाखती स्थगित केल्याचे सांगितले.
रविवारी सायंकाळी जुहू चौपाटी येथे सहा पर्यटकांना जेलीफिशने दंश केल्यामुळे सहा जणांना रुग्णालयात दाखल करावे करावे लागले. त्यात तीन बालकांचा समावेश आहे. त्यांच्यावर उपचार करून त्यांना घरी सोडण्यात आले. सविस्तर वाचा
जुलै महिन्याच्या अखेरपर्यंत महाराष्ट्रात जोरदार पाऊस बरसला. ऑगस्ट महिन्यात बऱ्याच भागातून पावसाने उसंत घेतली. राज्यात आता काही ठिकाणी हलक्या सरी कोसळताहेत, पण जोरदार पावसाची अजूनही प्रतिक्षाच आहे.
महारेराच्या प्रशिक्षणांतर्गत स्थावर संपदा क्षेत्रातील दलालांच्या ६ ऑगस्टला झालेल्या दुसऱ्या परीक्षेचा निकाल जाहीर झाला असून ३०१० पैकी २८१२ उमेदवार यशस्वी झाले आहेत. दुसऱ्या परीक्षेचा निकाल ९४ टक्के लागला आहे. पहिल्या परीक्षेचा निकाल ९६ टक्के लागला होता. सविस्तर वाचा
सर्वोच्च न्यायालयाने जामीन मंजूर केल्यानंतर सोमवारी नवाब मलिक यांची सुटका होणार आहे. त्यामुळे त्यांच्या कार्यकर्त्यांनी कुर्ल्यातील रुग्णालयाबाहेर गर्दी केली आहे.
पिंपरी-चिंचवडचे पोलीस आयुक्त विनयकुमार चौबे यांना ‘राष्ट्रपती पोलीस पदक’ जाहीर झाले आहे. उत्कृष्ठ सेवेसाठी हे पदक जाहीर झाले आहे. स्वातंत्र्य दिनाचे औचित्य साधत केंद्रीय गृह मंत्रालयाकडून दरवर्षी देशातील पोलिसांच्या शौर्यासाठी पोलीस पदक जाहीर करण्यात येतात.
सडक सख्याहरी तरुणाच्या त्रासामुळे शाळकरी मुलीने गळफास घेऊन आत्महत्या करण्याचा प्रयत्न केल्याच्या धक्कादायक घटना ओैध भागात घडली. याप्रकरणी चतु:शृंगी पोलिसांनी एका तरुणाविरुद्ध गुन्हा दाखल केला आहे. सविस्तर वाचा
राजकारणामध्ये सहनशीलता संपली की, त्यातून होणारा स्फोट हा राजकारणाची दिशा बदलणारा ठरत आला आहे. पुण्यात सध्या शिस्तप्रिय भाजप आणि शिस्तीच्या नियमांमध्ये अडकलेली काँग्रेस या दोन्ही पक्षांमध्ये अंतर्गत धुसफूस उफाळून आल्याने दोन्ही पक्षांची पांघरलेली शिस्तप्रियता पडद्यावर आली आहे.
राज्यातील सरकार सैरभैर झाले असून विद्यमान मुख्यमंत्री एकनाथ शिंदे यांना बदलून उपमुख्यमंत्री अजित पवार यांना मुख्यमंत्रीपदी बसविण्याचा भाजपचा डाव असल्याचा खळबळजनक दावा विधानसभेचे विरोधीपक्षनेते विजय वडेट्टीवार यांनी केला आहे. म्हणूनच शिंदे आजारी असल्याचा बनाव करण्यात येत आहे. असेही वडेट्टीवार म्हणाले. ते गडचिरोली येथे आयोजित पत्रकारपरिषदेत बोलत होते.
रविवारी सायंकाळी जुहू चौपाटी येथे सहा पर्यटकांना जेलीफिशने दंश केल्यामुळे सहा जणांना रुग्णालयात दाखल करावे करावे लागले. त्यात तीन बालकांचा समावेश आहे. त्यांच्यावर उपचार करून त्यांना घरी सोडण्यात आले. सविस्तर वाचा…
तालुक्यातील चाळीसगाव-धुळे मार्गावरील तिखी फाट्याजवळ वैद्यकीय व्यावसायिकास अडवून बंदुकीचा धाक दाखवित तिघांनी त्याची मोटार सायकल, भ्रमणध्वनी आणि आठ हजार रुपये याप्रमाणे २८ हजार रुपयांच्या मुद्देमालाची लूट केली. सविस्तर वाचा…
पुणे: शाळकरी मुलीला धमकावून तिच्यावर शिकवणी चालकाने बलात्कार केल्याची धक्कादायक घटना उघडकीस आली आहे.
राज्यात एकूण लार्भार्थी संख्या ९७ लाख, अनुदान वाटप झालेले ८५ लाख, अनुदानापासून वंचित १२ लाख. हे सरकारी आकडे आहेत पंतप्रधान नरेंद्र मोदी यांच्या नावाने राज्य शासनाने या वर्षीच्या अर्थसंकल्पात घोषित केलेल्या नमो शेतकरी महासन्मान योजनेचे. यातून योजनेपासून वंचित शेतकऱ्यांची संख्या कळते.
भाजपकडून उत्तर भारतीयांसाठी आता अधिक श्रावणमासानिमित्ताने शिवआराधना केली जाणार आहे. चुनाभट्टी येथील पुरातन शिवमंदिरात सोमवारी शिव महोत्सवाचे आयोजन करण्यात आले असून मुंबई भाजप अध्यक्ष अँड. आशिष शेलार यांच्यासह अनेक आमदार त्यास उपस्थित होते. सविस्तर वाचा…
पिंपरी- चिंचवडमध्ये इंद्रायणी नदीत दोन तरुण बुडाले असून गेल्या ४८ तासांपासून त्यांचा शोध सुरू आहे. अद्याप ते मिळून न आल्याने भीती व्यक्त केली जात आहे. शक्तिमान कुमार आणि सोनू कुमार (दोघांचे वय- २० वर्ष) असं इंद्रायणी नदीत बुडालेल्या तरुणांची नावे आहेत.
सरळसेवेने भरण्याकरीता पात्र उमेदवारांकडून महाराष्ट्र औद्योगिक विकास महामंडळाच्या http://www.midcindia.org या संकेतस्थळावर फक्त ऑनलाईन पध्दतीने २ सप्टेंबर, २०२३ पासून ते २५ सप्टेंबर, २०२३ पर्यंत अर्ज मागविण्यात येत आहेत.
अकोला: अकोला जिल्ह्याच्या पालकमंत्री पदाची जबाबदारी उपमुख्यमंत्री देवेंद्र फडणवीस यांच्याकडे आहे. त्यांच्याकडे सहा जिल्ह्यांच्या पालकमंत्री पदाचा पदभार असल्याने ते अकोल्याला वेळ देऊ शकत नसल्याचे चित्र आहे.
राजुरा शहरालगत असलेल्या धोपटाला पेट्रोल पंप जवळ रात्री रविवारी ८ वाजता राजुराकडून सास्तिकडे जाणाऱ्या भरधाव ट्रकने मोटारसायकलने आपल्या पत्नी व मुलीला घेऊन येणाऱ्या निलेश वैद्य (३२ वर्ष) रुपाली वैद्य (२६ वर्ष), मधू वैद्य (३ वर्ष) यांचा जोरदार धडक दिली.
टोमॅटोने काही कालावधीसाठी दरांमध्ये चमक दाखवून अनेक शेतकऱ्यांसह व्यापाऱ्यांना लाभ मिळवून दिला. आता टोमॅटोचे भाव स्थिरावण्यास सुरुवात झाली आहे. मात्र, आगामी काळात कांद्याच्या दरात मोठी वाढ होणार अशी चर्चा सुरू झाली आहे.
कौटुंबिक वादात जावयाने एका मित्राच्या मदतीने दारुड्या मेहुण्याला संपविले. दारव्हा तालुक्यातील लाडखेड पोलीस ठाण्याच्या हद्दीत येणार्‍या मोझर शिवारात १५ दिवसांपूर्वी झालेल्या खुनाचा उलगडा करण्यात अखेर पोलिसांना यश आले. खूनप्रकरणात दोघांना अटक करण्यात आली आहे.
घरात पाणी भरण्यास सांगितल्याचा राग आल्याने पतीने पत्नीच्या डोक्यात कुऱ्हाड घालून खून केला. ही घटना रविवारी सकाळी आठ वाजता शंभूनगरात उघडकीस आली. मुकुल कुमारी सिन्हा (६३) असे खून झालेल्या महिलेचे नाव आहे तर पुरुषोत्तम कुमार सिंह (६५) असे आरोपीचे नाव आहे.
कारागृहात चांगली वर्तणूक असलेल्या राज्यातील १८६ कैद्यांची शिक्षा माफ करण्यात आली आहे. त्यानुसार मंगळवारी (१५ ऑगस्ट) विशेष माफी देण्यात आलेल्या कैद्यांची कारागृहातून मुक्तता करण्यात येणार आहे. सविस्तर वाचा…
महामेट्रोच्या ‘एक पुणे कार्ड’ या बहुउद्देशीय कार्डचे लोकार्पण करण्यात आले आहे. पुणे मेट्रोतून दैनंदिन प्रवास करणाऱ्या प्रवाशांसाठी हे प्रीपेड कार्ड असून, ते बहुउद्देशीय आहे. हे कार्ड पुणे मेट्रोच्या प्रवासाबरोबरच देशात कुठेही किरकोळ ऑनलाइन व्यवहारांसाठी वापरता येऊ शकते. सविस्तर वाचा…
राज्यात अनेक भागांत डोळे येण्याची साथ मोठ्या प्रमाणात सुरू आहे. राज्यभरात ११ ऑगस्टपर्यंत रुग्णसंख्या सुमारे चार लाखांवर पोहोचली आहे. सर्वाधिक रुग्णंसख्या बुलढाण्यात असून, त्यानंतर पुणे, जळगाव, नांदेड आणि चंद्रपूरमध्ये प्रमाण जास्त आहे.
एकनाथ शिंदे यांनी ४० आमदारांना बरोबर घेत वेगळा गट स्थापन केला. परिणामी राज्यातलं महाविकास आघाडीचं सरकार कोसळलं. त्यानंतर एकनाथ शिंदे यांनी भारतीय जनता पार्टीच्या १०५ आमदारांच्या पाठिंब्यावर राज्यात सत्ता स्थापन केली.
मुख्यमंत्री एकनाथ शिंदे यांची प्रकृती बिघडल्याने ते त्यांच्या सातारा येथील गावी गेले आहेत. तर अजित पवार आणि शरद पवार यांच्यात पार पडलेल्या गुप्त बैठकीनंतर महाराष्ट्र म्हणजे गंमत जंमत नाही असं म्हणत सामनातून अग्रलेख लिहित टीका करण्यात आली आहे. तर शिंदे गटातले दहा आमदार नाराज असून ते ठाकरे गटात परतू शकतात असा दावा रोहित पवार यांनी केला आहे. तसंच त्यांना परत आपल्या गटात घ्यायचं की नाही हा निर्णय उद्धव ठाकरेंचा असेल असंही त्यांनी म्हटलं आहे.
