Marathi Batmya Today: शरद पवारांनी राष्ट्रवादी काँग्रेसच्या अध्यक्षपदाचा राजीनामा दिल्यामुळे राजकीय वर्तुळात खळबळ उडाली आहे. यामुळे अनेक तर्क-वितर्कांना उधाण आलं आहे. सुप्रिया सुळे पक्षाच्या नव्या अध्यक्ष होणार असल्याच्या चर्चांपासून अजित पवारांसह राष्ट्रवादीतला मोठा गट भाजपाबरोबर जाणार असल्याचेही दावे केले जात आहेत. या पार्श्वभूमीवर शरद पवार निर्णय मागे घेणार की ठाम राहणार? याकडे सगळ्यांचं लक्ष लागलं आहे.
Mumbai News Update Today: शरद पवारांचा राजीनामा ते सुप्रिया सुळेंच्या अध्यक्षपदाची चर्चा! सर्व महत्त्वाच्या घडामोडी एका क्लिकवर!
पुणे: मैत्रिणीला कर्ज काढण्यास भाग पाडून कर्जाचे हप्ते न फेडता ६९ लाख रुपयांची फसवणूक करण्यात आल्याचा प्रकार उघडकीस आला आहे.
कल्याण: कल्याण रेल्वे स्थानकात धावत्या लोकलमधून प्रवास करणाऱ्या एक महिला हवालदाराच्या गळ्यातील मंगळसूत्र बुधवारी सकाळी एका सराईत चोरट्याने हिसकावून पळ काढला.
मुंबईः आर्थिक गुन्हे शाखेने निर्मल लाईफ स्टाईलच्या दोन संचालकांना ३४ सदनिका खरेदीदारांकडून ११ कोटी रुपये घेतल्याप्रकरणी नुकतीच अटक केली. या प्रकरणी २१ साक्षीदारांची पडताळणी करण्यात आली आहे.
बुलढाणा: जिल्ह्याच्या सीमावर्ती व सातपुडा पर्वतरांगातील आणि मेळघाट प्रकल्प अंतर्गत येणाऱ्या वाघांच्या अधिवासाने समृद्ध अंबाबरवा अभयारण्यात उद्या ५ मे रोजी प्राणिगणना करण्यात येणार आहे.
यवतमाळ : भाजपाने बुधवारी जाहीर केलेल्या प्रदेश कार्यकारिणीत यवतमाळ जिल्ह्यातून एकही पदाधिकारी नियुक्त झाला नाही. कार्यकारिणीत जिल्ह्यातील केवळ दोघांची सदस्य म्हणून वर्णी लागली आहे.
वाशीम : शासकीय कार्यालयात आर्थिक देवाणघेवाण केल्याशिवाय कुठलेच काम होत नाही याची अनेक उदाहरणे ताजी असताना रिसोड तालुक्यातील पेनबोरी ग्रामपंचायतमध्ये २०१७ मध्ये मृत मधुकर शांतीराम बोरकर यांच्या नावावर चक्क २०२२-२०२३ मध्ये पाणी पुरवठा योजनेअंतर्गत ४४ हजार ५३० रुपयाचे ‘व्हाउचर’ काढण्यात आले आहेत.
डोंबिवली: आकर्षक परताव्याचे आमीष दाखवून एका भुरट्या टोळीने ऑनलाईन गुंतवणूक माध्यमातून डोंबिवली शहर परिसरातील ३७ जणांची एकूण ३५ लाख रुपयांची वर्षभराच्या कालावधीत फसवणूक केली आहे.
नागपूर : राज्यात मागील काही दिवसांत वादळी वाऱ्यासह पाऊस पडत आहे. त्यामुळे सभांचे वेळापत्रक बदलण्याचा विचार झालेला आहे. वज्रमूठ सभा रद्द केलेल्या नाहीत. शिवसेना नेते उद्धव ठाकरे व राष्ट्रवादीचे नेते यांच्याबरोबर या विषयावर चर्चा झालेली आहे, लवकरच या सभांचे फेरनियोजन केले जाईल, असे काँग्रेस प्रदेशाध्यक्ष नाना पटोले यांनी सांगितले. ते प्रसार माध्यमांशी नागपुरात बोलत होते.
गोंदिया : भाजपाच्या प्रदेश कार्यकारिणीवर जिल्ह्यातून फक्त माजी खासदार व माजी आमदार यांचीच वर्णी लागली आहे. त्यांच्या जोडीला इतर म्हणून माजी जि.प.अध्यक्ष व माजी जि.प. उपाध्यक्ष अशा एकूण सातजणांची निवड झाली. भाजपाचे प्रदेशाध्यक्ष चंद्रशेखर बावनकुळे यांनी बुधवारी प्रदेश कार्यकारिणी जाहीर केली.
ऑनलाइन मोबाइल संच खरेदी व्यवहारात मागवण्यात आलेले मोबाइल संचांऐवजी खोक्यात साबणाच्या वड्या भ‌रुन फसवणूक करणाऱ्या ठाण्यातील चोरट्यांना खंडणी विरोधी पथकाने अटक केली.
मुंबई : पायाभूत सुविधा विकास महामंडळ स्थापन करण्याच्या राज्य सरकारच्या निर्णयास राजकीय झालरही असून रस्ते विकास विभागाचा ताबा या माध्यमातून भाजपच्या मंत्र्यांकडे येणार आहे. रस्तेविकास महामंडळ मुख्यमंत्री एकनाथ शिंदे यांच्या अखत्यारित असून राजकीय कुरघोडी करण्यासाठी नवीन महामंडळ हे भाजप नेते व सार्वजनिक बांधकाम मंत्री रवींद्र चव्हाण यांच्या ताब्यात दिले जाणार आहे. त्यामुळे ग्रामीण भागांमधील पायाभूत सुविधांच्या कामांची कंत्राटे देण्याचा अधिकार भाजपच्या मंत्र्यांकडे जाणार आहे.
नागपूर : दिवाळखोरीत निघालेल्या गो फर्स्टच्या कर्मचाऱ्यांना नागपूर विमानतळावर प्रवाशांच्या रोषाला जावे लागले. पुण्यासाठी विमान नियोजित वेळेत निघाले नाही, त्यामुळे प्रवासी संतापले. प्रवाशांचा संताप पाहून गो फर्स्टच्या कर्मचाऱ्यांनी एअरलाइन्सच्या काउंटरमध्ये स्वत:ला बंद करून घेतले. डॉ. बाबासाहेब आंबेडकर आंतरराष्ट्रीय विमानतळावर मंगळवारी सकाळी हे चित्र होते.
कल्याण- येथील पश्चिमेतील गांधारे भागातील एका सोसायटीच्या उद्वाहनाच्या खड्डयात पडून एका तेरा वर्षाच्या मुलाचा बुधवारी मृत्यू झाला. मयत मुलगा याच भागातील एका लाॅन्ड्रीवाल्याचा मुलगा होता.हिमांशु कनोजा (१३) असे मयत मुलाचे नाव आहे.
चंद्रपूर : पक्षादेश झुगारत चंद्रपूर कृषी उत्पन्न बाजार समितीच्या निवडणुकीत भाजपाशी उघड युती करून निवडणूक लढणारे आणि खासदार बाळू धानोरकर गटाचा पराभव केल्याच्या आनंदात ढोलताशा व गुलालाची उधळण करत भाजपा जिल्हाध्यक्षांसोबत डान्स करणारे काँग्रेस जिल्हाध्यक्ष प्रकाश देवतळे यांना कार्यमुक्त करण्यात आले आहे. बाजार समितीच्या निवडणुकीत देवतळे यांनी पक्ष विरोधी कारवाई केली म्हणून त्यांना पद गमवावे लागले आहे.
गडचिरोली : भारतीय जनता पक्षाने नुकतीच जाहीर केलेल्या कार्यकारिणीमध्ये गडचिरोलीतील केवळ आठजणांची वर्णी लागल्याने कार्यकर्त्यांनी नाराजी व्यक्त केली आहे. जिल्ह्यात दोन आमदार, एक खासदार असूनही शेजारच्या चंद्रपूर जिल्ह्याला अधिक झुकते माफ देण्यात आल्याने गडचिरोलीतील नेत्यांमध्ये असंतोष दिसून येत आहे.
मुंबई: महाराष्ट्र स्थावर संपदा प्राधिकरणाने (महारेरा) जारी केलेल्या वसुली आदेशाच्या (वॅारंट) पार्श्वभूमीवर पनवेलपाठोपाठ पुण्यातही विकासकाच्या मालकीच्या सदनिकेचा लिलाव जाहीर करण्यात आला आहे.
मुंबई : पनवेलमधील कोन परिसरातील गिरणी कामगारांच्या २,४१७ घरांची दुरुस्ती पुन्हा लांबणीवर पडण्याची चिन्हे आहेत. कोनमधील ११ इमारतींच्या दुरुस्तीसाठी म्हाडाच्या मुंबई मंडळाने निविदा मागविल्या होत्या. मात्र यापैकी ८ इमारतींच्या निविदेला प्रतिसादच मिळालेला नाही.
सांगली: विट्याजवळ नेवरी रस्त्यावर गुरुवारी सकाळी खासगी प्रवासी बस आणि मोटारीची समोरासमोर धडक होऊन झालेल्या भीषण अपघातात एका महिलेसह चार जण ठार झाले.
उद्या, अर्थात ५ मे रोजी राष्ट्रवादी काँग्रेसच्या अध्यक्षपदाच्या निवड समिती बैठकीनंतर दुसऱ्याच दिवशी ६ मे रोजी शरद पवार सोलापूर दौऱ्यावर जाणार आहेत. शरद पवारांनी राजीनाम्याचा निर्णय मागे न घेतल्यास, हा अध्यक्षपदावरून पायउतार झाल्यानंतरचा शरद पवारांचा पहिला दौरा असेल.
वर्धा : पाळल्या जात नसला तरी लग्नासाठी मुहूर्त पाहूनच बँड वाजतो. मार्च व एप्रिल महिन्यात लग्नासाठी मोजकेच मुहूर्त होते. त्यामुळे वर-वधू पित्यांनी मे व जून महिन्यावर भिस्त ठेवली होती. आता असे अनेक असल्याने बँड, मंगलकार्यालय, कॅटरिंग व अन्य व्यावसायिकांची चंगळ आहे.
चंद्रपूर : ताडोबा अंधारी व्याघ्र प्रकल्पात एक दोन नाही तर ११५ टायगर अर्थात पट्टेदार वाघ आहेत, ३०० पेक्षा अधिक बिबट, हरण, चितळ, नीलगाय, अस्वल तथा विविध वन्यप्राणी आहेत. तर चला ताडोबा सफारी करा, असे आवाहन सिनेसृष्टीतील टायगर म्हणून ओळखल्या जाणाऱ्या प्रसिद्ध अभिनेता सलमान खान तथा अभिनेता आयुष्यमान खुराणा यांनी सिनेसृष्टीतील सर्व कलावंतांना केले.
यवतमाळ: लग्नसराई आणि उन्हाळ्याच्या सुट्यांमुळे बसस्थानकावर प्रवाशांची प्रचंड गर्दी झाल्याने चोरांचे फावत आहे. बुधवारी सायंकाळी चोरट्यांनी लग्नात नवरी मुलीस देण्यासाठी आणलेले तीन लाखांचे दागिने लंपास केल्याने खळबळ उडाली.
बदरंग दलावर बंदी घालायची भाषा कुणी करत असेल, तर बजरंगाची ताकद दाखवण्याची वेळ आली आहे. बजरंग दलावर बंदी घालायची तुमच्या बापाचं राज्य आहे का? - देवेंद्र फडणवीसांचं बेळगावातील प्रचारसभेत काँग्रेसवर टीकास्र
बुलढाणा : भरधाव मालमोटारीने दिलेल्या धडकेत दुचाकीस्वार ठार झाला. ही धडक इतकी भीषण होती की दुचाकीने क्षणार्धात पेट घेतला. खामगाव चिखली मार्गावरील लोखंडा फाट्याजवळ बुधवारी रात्री उशिरा ही दुर्घटना घडली.
डोंबिवली पश्चिमेतील देवीचापाडा येथील गोपीनाथ चौकात कल्याण डोंबिवली पालिकेने स्मार्ट सिटी प्रकल्पांतर्गत मंद प्रकाशाचे पथदिवे लावले आहेत. या दिव्यांमधील एक दिवा मागील तीन महिन्यांपासून तांत्रिक बिघाडामुळे लुकलुक करत आहे. त्यामुळे मुख्य वर्दळीचा रस्ता अंधारात आहे.
नागपूर : भारतीय जनता पक्षाच्या प्रदेश कार्यकारिणीत विदर्भ व विशेषत: नागपूरला झुकते माप देण्यात आले आहे. पक्षाचे विदर्भातील ज्येष्ठ नेते चैनसूख संचेती यांना उपाध्यक्ष करून पक्षाने जुन्या नेत्यांची दखल घेतली. तर काही नव्या चेहऱ्यांनाही संधी देऊन नव्या-जुन्यांचा मिलाफ करण्याचा प्रयत्न करण्यात आला.
शरद पवारांना राजीनामा मागे घेण्याची विनंत करण्यासाठी कार्यकर्त्यांनी रक्तानं लिहिला संदेश! राष्ट्रवादी काँग्रेसचे पदाधिकारी गुरुज्योत सिंग म्हणाले, हे मी पक्षासाठी नाही, तर देशासाठी करत आहे.
पुणे : शहरातील तीन बांधकाम व्यावसायिकांवर प्राप्ती कर विभागाने गुरुवारी छापे घातले. प्राप्ती कर विभागाच्या अधिकाऱ्यांनी बांधकाम व्यावसायिकांचे कार्यालय आणि निवासस्थानी जाऊन कारवाई केली.
नाशिक: कधीकाळी राज्यात नावाजलेल्या आणि अलीकडेच वाढत्या अनुत्पादक मालमत्तेच्या (एनपीए) प्रमाणामुळे अडचणीत आलेल्या जिल्हा मध्यवर्ती बँकेसमोर थकीत कर्जाच्या वसुलीचे मोठे आव्हान आहे.
या घडामोडींचा महाविकास आघाडीवर कोणताही परिणाम होणार नाही. आम्ही पक्ष म्हणून महाविकास आघाडीमध्ये आहोतच. महाविकास आघाडीला तडा जाईल असं मला वाटत नाही - जयंत पाटील
महाराष्ट् न्यूज लाइव्ह
Mumbai Live News Update Today: शरद पवारांचा राजीनामा ते सुप्रिया सुळेंच्या अध्यक्षपदाची चर्चा! सर्व महत्त्वाच्या घडामोडी एका क्लिकवर!
