Mumbai Maharashtra News Updates: लोकसभा निवडणुकांच्या पार्श्वभूमीवर आज मुंबईत शिवसेनेच्या वर्धापन दिनानिमित्त शिंदे गट व ठाकरे गट या दोन्ही बाजूंचा मेळावा आयोजित करण्यात आला आहे. त्यामुळे मुंबईतलं राजकीय वातावरण तापण्याची शक्यता आहे. दुसरीकडे अजित पवार गटाचे ज्येष्ठ नेते छगन भुजबळ पुन्हा उद्धव ठाकरे गटाकडे जाण्याच्या चर्चांना उधाण आलं आहे. भुजबळांनी आपण नाराज नसल्याचं स्पष्ट केलं असलं, तरी त्यांच्या 'घरवापसी'वर जोरदार तर्क-वितर्क सुरू झाले आहेत.