Maharashtra News : “एकत्र बसा आणि ठरवा…”, शिवसेना फुटीवरून संजय राऊतांचे भाजपावर टीकास्त्र

शिवसेनेचा आज ५७ वा वर्धापन दिन आहे. या वर्धापन दिनाकरता दोन्ही गटांकडून जोरदार तयारी सुरू आहे. वरळीतील नेस्को मैदानात शिंदे गटाचा कार्यक्रम होणार आहे. तर, षण्मुखानंद सभागृहात ठाकरे गटाचा कार्यक्रम होणार आहे. या कार्यक्रमाच्या निमित्ताने दोन्ही पक्षांत आज भाषणांची जुगलबंदी रंगण्याची शक्यता आहे. दरम्यान, या कार्यक्रमाच्या निमित्ताने आज राज्याचे उद्योगमंत्री आणि शिंदे गटाचे आमदार उदय सामतं यांनी पत्रकारांशी संवाद साधला. यावेळी त्यांनी उद्धव ठाकरेंसह राष्ट्रावादीवरही जोरदार निशाणा साधला.

सविस्तर वाचा

महाराष्ट्रातील शिवदूत येथे येत आहेत. पदाधिकाऱ्यांचा हा मेळावा आहे. मुख्यमंत्र्यानी गेल्या दहा महिन्यांत काय केलं, हे जनतेसमोर आहे. अजून आम्ही भविष्यात काय करणार आहोत, हे मार्गदर्शनातून समजेल. आमच्या दृष्टीने आजचा दिवस अतिशय महत्त्वाचा. वंदनीनय बाळासाहेबांचा विचार कशापद्धतीने विचार पुढे नेला, कशामुळे दोन वर्धापन दिन कशामुळे झाले हे सर्वांना माहितये. हा शिवसेना आणि भाजपासोबत नैसर्गिक युती झाल्यानतंर हा पहिलाच वर्धापन दिन आहे. बाकीचे वर्धापन दिन हे महाविकास आघाडीचे आहेत, अशी टीका उद्योगमंत्री उदय सामंत यांनी केली.

संघटनात्मक काम करणे माझा पिंड आहे. सभागृहाच्या आत आणि बाहेर पक्षाची भूमिका मी भक्कमपणे मांडली. काही गोष्टी पटत होत्या, काही नव्हत्या. पण पक्षप्रमुखांची साथ सोडायची नाही हा विषय नेहमी मनात आणि हृदयात होता. परंतु, विचारधारा आता भरकटतेय. ती विचारधारा, मूळ हिंदुत्त्वाची विचारधारा खूप दूर जातेय, ते मनाला पटत नव्हतं, अशी प्रतिक्रिया शिंदे गटात गेलेल्या विधानपरिषदेच्या आमदार मनिषा कायंदे यांनी आज दिली.