Mumbai Maharashtra News Updates, 04 September 2024 : महाराष्ट्राची विधानसभा निवडणूक तोंडावर आली आहे. त्यामुळे सर्वच राजकीय पक्षांनी मोर्चेबांधणी सुरू केली आहे. मुख्यमंत्री माझी लाडकी बहीण योजनेच्या प्रचारानिमित्त महायुती सरकारमधील नेते राज्यव्यापी दौरे करत आहेत. तर दुसऱ्या बाजूला महाविकास आघाडी सरकारमधील नेत्यांनी देखील वेगवेगळ्या यात्रा सुरू केल्या आहेत. राष्ट्रवादी काँग्रेस पार्टी शरदचंद्र पवार या पक्षाचे प्रमुख व ज्येष्ठ नेते शरद पवार हे सध्या कोल्हापूर दौऱ्यावर आहेत. कोल्हापुरातून त्यांनी महायुती सरकारवर जोरदार हल्लाबोल केला. दुसऱ्या बाजूला सिंधुदुर्ग किल्ल्यावरील छत्रपती शिवाजी महाराजांचा पुतळा कोसळल्याच्या घटनेनंतर राज्यातील विरोधक सरकारविरोधात आक्रमक झाले आहेत. त्याचबरोर बदलापूरमधील घटनेनंतर राज्यातील कायदा व सुव्यवस्थेचा प्रश्न ऐरणीवर आला आहे. यावरून विरोधक सरकारला धारेवर धरत आहेत. यासंबंधीच्या सर्व राजकीय घडामोडींवर आपलं या लाईव्ह ब्लॉगच्या माध्यमातून लक्ष असेल. राज्यासह देशभरातील राजकीय व सामाजिक घडामोडी तुम्हाला येथे पाहायला मिळतील.
