Maharashtra News : वंचित आघाडीचा समावेश मविआमध्ये झालेला नाही असं का म्हणाले प्रकाश आंबेडकर?

सांगली : आमदार अनिल बाबर यांच्या पार्थिवावर सायंकाळी चार वाजता गार्डी येथील जीवन प्रबोधिनी विद्यालयाच्या प्रांगणात अंत्यसंस्कार करण्यात येणार आहेत. तत्पुर्वी विट्यापासून गार्डीपर्यंत पार्थिवाची अंत्ययात्रा काढण्यात येणार आहे. आमदार बाबर यांचे पार्थिव सांगलीतील हॉस्पिटलमधून विटाकडे रवाना झाले. विटा येथे अंत्यदर्शन यात्रा काढून पार्थिव बाबर यांच्या गार्डी या मूळ गावी नेण्यात येणार आहे. गार्डी मध्ये जीवन प्रबोधिनीच्या मैदानावर बाबर यांच्यावर शासकीय इतमामात अंत्यसंस्कार करण्यात येणार असून यावेळी मुख्यमंत्री एकनाथ शिंदे यांच्यासह अनेक मंत्री उपस्थित राहणार आहेत. आमदार बाबर यांच्या आकस्मिक निधनाने विट्यासह खानापूर-आटपाडी मतदारसंघावर शोककळा पसरली आहे.

मराठा आणि ओबीसीमध्ये कोणताही संघर्ष नाही. तीन पिढ्यांपासून कुणबी नोंदी आहेत. त्या नोंदीनुसार कुणबी प्रमाणपत्र देण्यात येत आहेत. असं चंद्रशेखर बावनकुळेंनी म्हटलं आहे. मराठा समाजाला वेगळ आरक्षण देण्यासाठी सर्व्हे सुरू आहे. मराठा समाजाला टिकणारं आरक्षण सरकार देणार आहे. याबाबत जो गैरसमज निर्माण झालाय तो कुणबी समाजाबाबत आहे. कुणबींमधील व्यक्ती ओबीसीमध्ये येण्यास कोणाची हरकत नाही. तीन पिढ्यांपासून ज्यांच्या कुणबी नोंदी आहेत. त्यांना ओबीसमध्ये घेण्यास कोणतीही अडचण नाही. पण मराठा समाजाला वेगळ आरक्षण दिलं पाहिजे. कुणबी नोंदी असणारा समाजच ओबीसीमध्ये येऊ शकतो. असं चंद्रशेखर बावनकुळेंनी म्हटलं आहे.

नागपूरच्या दिक्षा भूमीतून आज ओबीसी जनजागर रथ यात्रेला सुरुवात होत आहे. राष्ट्रीय ओबीसी संघाचे राष्ट्रीय अध्यक्ष डॉ. बबनराव तायडे यांच्या नेतृत्वात या यात्रेचे आयोजन करण्यात आले आहे. ओबीसींच्या विविध मागण्यांसह जातनिहाय जनगणना करून त्याआधारे ओबीसींना आरक्षण देण्यात यावे, ही प्रमुख मागणी या यात्रेच्या माध्यमातून असणार आहे. आमच्या ताटात वाढलेलं इतरांना देण्यात येऊ नये, ही भूमिका ओबीसी समाजाची आहे. देशभरात ६० टक्के असलेल्या ओबीसी समाजाला तुटपुंज्या आरक्षण असल्याने जातनिहाय जनगणना करून जनगणनेच्या आधारे आम्हाला आरक्षण देण्यात यावं, यासह विविध मागण्या घेऊन आजपासून या रथयात्रेला सुरुवात झाली आहे. जिल्हाभर ही यात्रा लोकांना जागृत करेल आणि 5 फेब्रुवारीला कामठी येथे महासभा पार पडून यात्रेचा समारोप होणार आहे.