Maharashtra News : छत्रपती संभाजी महाराजांना धर्मवीर म्हणायचे असेल तर…”, शरद पवार यांचे मोठे वक्तव्य, वाचा प्रत्येक अपडेट फक्त एका क्लिकवर…

नागपूर येथे मंगळवारपासून सुरू झालेल्या १०८ व्या भारतीय विज्ञान काँग्रेसच्या निमित्ताने देश- विदेशातील वैज्ञानिक, संशोधकांचा मेळा भरला आहे. या परिषदेच्या निमित्ताने विज्ञान प्रदर्शन आयोजित करण्यात आले आहे. स्पेस ऑन व्हील्स’ हा त्यातलाच एक प्रकार आहे. आंतराळविषयी माहिती देणारे फिरते प्रदर्शन असून ते नागपूरकरांचे लक्ष वेधून घेत आहे.

सविस्तर बातमी

राज्यातील निवासी डॉक्टरांच्या महाराष्ट्र असोसिएशन ऑफ रेसिडंट डॉक्टर्स (मार्ड) या संघटनेने पुकारलेल्या संपामध्ये पुण्यातील ससून सर्वोपचार रुग्णालयातील निवासी डॉक्टरही सहभागी झाले आहेत. रुग्णालयातील सुमारे ६०० निवासी डॉक्टर या संपात सहभागी झाले असून राज्य सरकारकडून अनेक प्रलंबित मागण्या पूर्ण करण्याबाबत योग्य ती कार्यवाही होत नसल्याने हा संप पुकारण्यात आल्याचे ‘मार्ड’कडून स्पष्ट करण्यात आले आहे.

सविस्तर बातमी…

देशातील पहिल्या मुलींच्या शाळेचे यथोचित स्मारक आणि मजुर अड्ड्यावरील अतिक्रमण हटवून, त्या जागी मजूर भवन उभारण्यात यावे, या मागणीसाठी ज्येष्ठ कामगार नेते बाबा आढाव यांच्याकडून उपोषण करण्यात येत आहे. श्रीमंत दगडूशेठ हलवाई गणपती मंदिराच्या बाजूला असलेल्या मजुर अड्डा येथे लाक्षणिक उपोषणास करण्यात येत आहे. क्रांतिज्योती सावित्रीबाई फुले यांच्या जयंतीच्या निमित्त सुरु केलेल्या या लाक्षणिक उपोषणाला विविध संघटनांनी पाठिंबा दर्शविला आहे.

सविस्तर बातमी…

बनावट ओळखपत्र दाखवून सीबीआय अधिकारी असल्याची बतावणी करून घाटकोपर येथील लॉजवर शोध मोहीम राबवणाऱ्या तोतयाला पोलिसांनी रंगेहाथ पकडले.. तोतयागिरी केल्याप्रकरणी घाटकोपर पोलिसांनी आरोपीविरोधात गुन्हा दाखल केला असून त्याला अटक करण्यात आली.

सविस्तर बातमी…