Maharashtra Breaking News Updates : प्रशांत कोरटकरला दिलासा, कोल्हापूर सत्र न्यायालयाकडून जामीन मंजूर

राज्याचे कॅबिनेट मंत्री आशिष शेलार हे पाकिस्तानी क्रिकेटपटूंसह काम करणार असे वृत्त सामना वृत्तपत्रा छापल्यानंतर, शेलार यांनी संतप्त प्रतिक्रिया दिली आहे. ते म्हणाले, "हे लोक डोक्यावर पडलेले आहेत. यांचा मेंदू आता बद्ध झालेला आहे. त्यामुळे ते अशा बातम्या छापत आहेत. जावेद मियाँदाद कोणाच्या घरी बिर्याणी खायला आला होता हे आम्ही विसरलेलो नाही."

कॉमेडियन कुणाल कामराने काही दिवसांपूर्वी उपमुख्यमंत्री एकनाथ शिंदे यांच्यावर विडंबणात्मक गाणे सादर केले होते. यानंतर राज्यभरात हे प्रकरण गाजत आहे. अशात आता शिवसेनेचे (एकनाथ शिंदे) शिवसेना संजय निरूपमय यांनी मोठा आरोपी केला आहे. ते म्हणाले की, "या प्रकरणात मातोश्रीचा सहभाग आहे. कुणाल कामराने पैसे घेऊन, एकनाथ शिंदें यांच्यावरील विडंबनात्मक गाणे सादर केले आहे."

मनसेच्या वतीने नाशिक मध्ये रामकुंडात उड्या घेत गोदावरी प्रदूषण मुक्तीसाठी आंदोलन करण्यात आले. मनसे अध्यक्ष राज ठाकरे यांनी राज्यातील नद्यांच्या प्रदूषणाचा मुद्दा आपल्या सभांमध्ये उपस्थित करतात मनसे कार्यकर्त्यांनी देखील आता आक्रमक भूमिका घेतली आहे. यावेळी मोठ्या प्रमाणात मनसे कार्यकर्ते उपस्थित होते.

डोनाल्ड ट्रम्प यांनी अनेक देशांवर व्यापार कर लादले आहेत. ज्या देशांवर व्यापार कर लादले आहेत. त्यामध्ये भारताचाही समावेश आहे. यावरून, शिवसेनेचे (उद्धव ठाकरे) खासदार संजय राऊत यांनी पंतप्रधान नरेंद्र मोदी यांच्यावर टीका केली आहे. संजय राऊत म्हणाले की, "तिकडे ट्रम्प भारताला धुताहेत आणि इकडे विष्णूचे अवतार गप्प आहेत. या टेरिफच्या विरोधात संपूर्ण जग अमेरिकेविरोधात लढत आहे."

बारामतीच्या खासदार सुप्रिया सुळे मतदारसंघातील विविध मागण्यांसाठी पुणे जिल्हाधिकारी कार्यालयासमोर आंदोनला बसल्या आहेत. यावेळी पत्रकारांशी संवाद साधताना सुप्रिया सुळे यांनी दीनानाथ मंगेशकर रुग्णालय प्रकरणावरही भाष्य केले आहे.

या प्रकरणी बोलताना सुप्रिया सुळे म्हणाल्या की, "यामध्ये डॉक्टरांची तर चूक आहेच. पण, मी आजही म्हणजे की ही हत्याच आहे. कारण साडेपात तास ती बाई तिथे कळा देत होती. तरी तुम्ही तिला तयारी करून दुसऱ्या रुग्णालयात पाठवता. यामध्ये व्यवस्थापनातील ४-५ लोकही सहभागी आहेत. त्यामुळे यातून कोणाची सुटका नाही. जो जो यामध्ये सहभागी आहे त्याला माफी नाही."