Maharashtra Breaking News LIVE Updates: राज्य विधिमंडळाच्या अर्थसंकल्पीय अधिवेशनाला कालपासून राज्यपाल सी.पी.राधाकृष्णन यांच्या अभिभाषणानं सुरुवात झाली आहे. डिसेंबरमध्ये बीडच्या मस्साजोगचे सरपंच संतोष देशमुख यांची हत्या झाली होती. या हत्याकांडांमध्ये मंत्री धनंजय मुंडे यांच्या निकटवर्तीयांचा हात असल्याचा आरोप करत विरोधकांसह सत्ताधारी पक्षातील नेतेही त्यांच्या राजीनाम्याची मागणी करत आहेत. त्यामुळे मुंडे यांच्या राजीनाम्यावर आज विधिमंडळात जोरदार चर्चा होण्याची शक्यता आहे. दुसरीकडे समाजवादी पक्षाचे आमदार आबू आझमी यांनी शिवाजी महाराज आणि औरंगजेब यांच्याविषयी केलेल्या विधानामुळे त्यांच्यावर मोठ्या प्रमाणात टीका होत आहे. याचबरोबर स्वारगेट बस स्थानकावर एक तरुणीवर झालेल्या बलात्काराचे प्रकरण घडल्यानंतर विरोधकांनी राज्यातील कायदा व सुरक्षतेवर प्रश्न उपस्थित केले आहेत.
Maharashtra Live News Updates Today, 04 March 2025 : राज्यातील महत्त्वाच्या बातम्यांचा आढावा एकाच क्लिकवर.
जेएनपीएच्या गेटवे बंदरात मिथेनॉल इंधनावर चालणारे पहिले जहाज, केंद्रीय मंत्र्यांच्या हस्ते जहाजाचे नामकरण
उरण : हरित इंधन म्हणून मिथेनॉलवर चालणारे जहाज जेएनपीएच्या गेटवे टर्मिनल (जीटीआय) या बंदरात दाखल झाले. या दुहेरी इंधन मिथेनॉल जहाजाचे ‘अल्बर्ट मर्स्क’ असे नामकरण करण्यात आले आहे. १६ हजार कंटेनर वाहून नेणारे गे जहाज आहे. या कार्यक्रमाला जहाजबांधणी आणि जलमार्ग मंत्री सर्बानंद सोनोवाल व केंद्रीय युवा व्यवहार आणि क्रीडा राज्यमंत्री रक्षा खडसे उपस्थित होत्या.
Dhananjay Munde Live: "या हत्या प्रकरणात त्यांना सह-आरोपी बनवले पाहिजे", मुंडेंच्या राजीनाम्यानंतर रोहित पवार यांची मागणी
महाराष्ट्राचे मंत्री धनंजय मुंडे यांच्या राजीनाम्यावर राष्ट्रवादी काँग्रेसचे (शरद पवार) आमदार रोहित पवार म्हणाले, "बीड जिल्ह्यातील मस्साजोग गावचे सरपंच संतोष देशमुख यांना न्याय मिळावा यासाठी सामान्य लोक आणि देशमुख कुटुंब लढत होते. हे त्याचेच परिणाम आहे. सरकारने त्यात विलंब केला, पण शेवटी त्यांचा (धनंजय मुंडेंचा) राजीनामा घेतला. पण आम्ही असेही म्हणतो इच्छितो की त्यांना या हत्या प्रकरणात सह-आरोपी बनवले पाहिजे आणि पारदर्शक पद्धतीने चौकशी केली पाहिजे."
अंधश्रद्धेचा बाजार ! शुभशकून म्हणून काळ्या घोड्याची नाल बांधताय ? येथे चक्क घोड्यालाच…
वन्य जिवांबाबत आस्था ठेवून काम करणाऱ्या पीपल्स फॉर ऍनिमल्स या संघटनेने हा बाजार उजेडात आणला आहे.
बीड बंदची आज हाक
संतोष देशमुख यांची हत्या करतानाची छायाचित्रे पाहून त्यांचे बंधू धनंजय देशमुख यांचा बांध फुटला.
बौद्धगया येथील महाबोधी महाविहार; बौद्ध बांधव देशभर आंदोलन का करीत आहेत?
अनेक बौद्ध विहारांमध्येही आंदोलन करून केंद्र सरकारला निवेदन पाठवण्यात आले आहे.
पालिकेचा उत्पन्न स्त्रोत ठप्प, मालमत्ता कर विभागातील प्रणाली महिनाभरापासून बंद
नवी मुंबई : राज्यातील श्रीमंत महापालिकांमध्ये गणल्या जाणाऱ्या नवी मुंबई महापालिकेच्या उत्पन्नाचा महत्वाचा स्रोत असणाऱ्या मालमत्ता कर विभागात नोंदल्या जाणाऱ्या मालमत्तांचे मूल्यांकन करणारी महत्वाची प्रणाली मागील महिनाभरापासून ठप्प झाली आहे. परिणामी आर्थिक वर्षाच्या अखेरच्या सत्रातच या महत्वाच्या विभागाचे कामकाज थांबले आहे.
चंद्रपूर : तेवीस वर्षांपासून रखडला दींडोरा बॅरेज प्रकल्प, १५०० कोटींचा; ४०० कोटी खर्च
तेवीस वर्षापासून रखडलेल्या दींडोरा बॅरेज प्रकल्पाच्या पूर्णत्वासाठी येथे पून्हा आंदोलन सुरू झाले आहे.
‘समृद्धी’वर घाणेरडे शौचालय! न्यायालय अधिकाऱ्यांना म्हणाले, एकदा जाऊन तर बघा….
मुंबई उच्च न्यायालयाच्या नागपूर खंडपीठाने तीव्र नाराजी व्यक्त करत थेट अधिकाऱ्यांना सुनावले आणि घाणेरडे शौचालय एकदा जाऊन तर बघा, असे निर्देश दिले.
Dhananjay Munde Live: सरकारने धनंजय मुंडेंना पाठीशी घातल्याची ठाकरे गटाची टीका
कॅबिनेट मंत्री धनंजय मुंडे यांनी राजीनामा दिल्यानंतर शिवसेना (यूबीटी) नेत्या प्रियंका चतुर्वेदी यांनी, महाराष्ट्र सरकारवर मुंडेंना पाठीशी घातल्याबद्दल टीका केली आहे. त्या म्हणाल्या, "हे लाजिरवाणे आहे की, मुंडेंना आरोप होऊनही मंत्रिमंडळात काय ठेवण्यात आले. त्यांचा बचाव करण्यात आला आणि सरकारने आजपर्यंत त्यांचे रक्षण केले. सत्य लपवता येत नाही. काल, संतोष देशमुख यांच्या हत्येची छायाचित्रे समोर आल्याने, लोकांच्या संतापामुळे सरकारला मुंडेंचा राजीनामा घ्यावा लागला."
डोंबिवलीतील उद्यानाच्या आरक्षणावरील बेकायदा इमारत जमीनदोस्त
डोंबिवली : डोंबिवली पूर्वेतील ठाकुर्ली खंबाळपाडा भागातील उद्यानाच्या आरक्षित भूखंडावर उभारलेली चार माळ्याची बेकायदा इमारत कल्याण डोंबिवली पालिकेच्या फ प्रभागाच्या साहाय्यक आयुक्त हेमा मुंबरकर यांनी तोडकाम पथकाच्या साहाय्याने भुईसपाट केली.
जिल्ह्यात अवैध दत्तक प्रक्रियेचे वाढते लोण ! चार महिन्यात तीन गंभीर प्रकरणं उघडकीस
ठाणे : बाळ नकोसे असल्याने अवैध पद्धतीने दत्तक देणे, अवघ्या काही पैशांसाठी विक्री यांसारख्या घटनांचे जिल्ह्यात लोण वाढत असल्याचे विविध घटनांतून समोर आले आहे. मागील चार महिन्याच्या कालावधीत जिल्ह्यात तीन बालकांची अवैध पद्धतीने दत्तक प्रक्रिया राबविल्याचे उघडकीस झाले असून तीनही प्रकरणं गंभीर स्वरूपाची होती.
घोडबंदर मार्गावरील कामांमुळे धुळधाण,रस्ते जोडणी आणि खोदकामामुळे सर्वत्र धुळीचे वातावरण, धुळीमुळे नागरिक हैराण
ठाणे : घोडबंदर मार्गावर मुख्य आणि सेवा रस्त्यांच्या जोडणीबरोबरच रस्त्याच्याकडेला मोठ्या गटाराच्या बांधणीची कामे मुंबई महानगर प्रदेश विकास प्राधिकरणामार्फत सुरू असून त्यासाठी गेल्या काही महिन्यांपासून सेवा रस्त्यांवर अनेक ठिकाणी खोदाईची कामे सुरू आहेत. या कामादरम्यान उडणारी धुळ इतरत्र उडू नये यासाठी कामाच्या ठिकाणी पुरेशी काळजी घेण्यात येत नसल्याचे चित्र आहे.
Maharashtra Live Updates: शिवसेना खासदाराने दाखल केला अबू आझमी यांच्याविरोधात गुन्हा
शिवसेना (एकनाथ शिंदे) खासदार नरेश म्हस्के यांनी वागळे इस्टेट पोलीस ठाण्यात समाजवादी पार्टीचे आमदार अबू आझमी यांच्याविरुद्ध बीएनएस कलम २९९, ३०२, ३५६(१), आणि ३५६(२) अंतर्गत गुन्हा दाखल केला आहे. औरंगजेबचे कौतुक करणाऱ्या अबू आझमी यांच्या वक्तव्यामुळे धार्मिक भावना दुखावल्या गेल्या आहेत, असा आरोप नरेश म्हस्के यांनी केला.
