Maharashtra Breaking News Highlights : ‘चंद्रकांत खैरे अन् अंबादास दानवेंची उद्धव ठाकरेंना गरज नाही’, शिंदे गटाच्या नेत्याची टीका

पंढरपूर : मंत्री असलं म्हणजे भाव असणे, असे वाटत नाही. नवीन लोकांना संधी द्यायची होती. त्याबाबत पक्षाने निर्णय घेतला. पक्षाने मला डावलले नाही, असे भाजपा नेते सुधीर मुनगंटीवार यांनी सांगितले. यावेळी त्यांनी राऊत, वडेट्टीवार यांच्यावर टीका केली. भाजप नेते सुधीर मुनगंटीवार येथील विठ्ठल दर्शनासाठी आणि खासगी कार्यक्रमासाठी आले होते. यावेळी त्यांनी माध्यमांशी संवाद साधला. एकनाथ शिंदे हे अमित शहा यांच्याकडून अजितदादांना बोलणार नाहीत. शिंदे थेट कॅबिनेटमध्ये अजितदादा यांच्याशी बोलू शकतील. एकनाथ शिंदे हे चांगले नेते आहेत. त्यांच्या मनात कुठलीही तक्रार नसणार, असे मुनगंटीवार म्हणाले.

नाशिकच्या प्रमोशनबाबतच्या वक्तव्याबद्दल काही लोकांनी ट्विस्ट करायचे ठरवले होते. कारण, माझ्या व्याख्यानानंतर विरोधी नेत्यांचे व्याख्यान होते. त्यामुळे याठिकाणी आमचे सरकार आले पाहिजे, असे आपण म्हणालो होतो. दीनानाथ मंगेशकर रुग्णालयावरून चालू असलेल्या वादावरही मुनगंटीवार बोलले. ज्यांना आपण भारतरत्न दिला, महाराष्ट्र भूषण दिले. त्यांच्याबद्दल चुकीचे बोलू नये. तुम्हाला शंका होती तर तुमचे सरकार असताना तुम्ही कारवाई करायला पाहिजे होती. अशी खोचक टिप्पणी विजय वडेट्टीवारांवर मुनगंटीवार यांनी केली. दरम्यान, मुनगंटीवार यांनी श्री विठ्ठल आणि रखुमाईचे दर्शन घेतले. या वेळी भाजपाचे आमदार समाधान आवताडे, प्रशांत परिचारक आदी उपस्थित होते. विठ्ठलाचे दर्शन घेतले की सात्विक आनंद मिळतो. सर्वांना सुखी ठेव, अशी प्रार्थना देवापुढे केल्याचे मुनगंटीवार यांनी सांगितले.

लातूर : जिल्ह्यातील रेणापूर- लातूर महामार्गावर जेसीबीने दुचाकीला दिलेल्या धडकेत एक तरुण जागीच ठार झाल्याची घटना नेहरू नगर तांडा येथे रविवारी रात्री आठच्या सुमारास घडली. जोपर्यंत आरोपीला अटक केली जात नाही तोपर्यंत मृतदेह ताब्यात घेणार नाही असा पवित्रा घेतल्याने तणाव निर्माण झाला होता व वाहतूकही विस्कळीत झाली होती.

पोलिसांनी सांगितलेल्या माहितीनुसार राजू मलिक शेख वय ३६ राहणार राजे नगर रेणापुर हा बांधकाम मिस्त्री म्हणून लातूर येथे काम करत होता. रविवारी रात्री आपल्या दुचाकीवरून तो घराकडे येत असताना नेहरूनगर तांडयाजवळ आरसखेडा पांदण रस्त्यावरून शेतकाम करून जेसीबी लातूर महामार्गावर येत होता यावेळी जेसीबी आणि दुचाकीची जोरात धडक झाली यामध्ये राजु शेख गंभीर झाला व त्याचा जागीच मृत्यू झाला.

नातेवाईक संतप्त झाले होते आरोपी जेसीबीसह पसार झाल्याने अपघातातील आरोपीला जोपर्यंत ताब्यात घेत नाही तोपर्यंत मृतदेह ताब्यात घेणार नसल्याचा इशारा नातेवाईकाने दिला. पोलिसांनी घटनेचे गांभीर्य लक्षात घेऊन तातडीने आरोपीला अटक केली याप्रकरणी रेणापूर पोलीस ठाण्यात गुन्हा दाखल करण्यात आला आहे.