Marathi Breaking News Highlights : उपमुख्यमंत्री एकनाथ शिंदे व मनसे अध्यक्ष राज ठाकरे यांची तासभर भेट झाल्यानंतर त्यावरून तर्क-वितर्कांना उधाण आलेलं आहे. दुसरीकडे नाशिकमध्ये धार्मिक प्रार्थनास्थळ हटवल्यामुळे तणाव निर्माण झाला असून पोलिसांनी परिस्थिती नियंत्रणात आणली आहे. यासंदर्भात राजकीय आरोप-प्रत्यारोप होत आहेत. अमरावती-मुंबई विमान सेवेला आजपासून सुरुवात होत असून उद्घाटनासाठी अनेक मान्यवरांची उपस्थिती अपेक्षित आहे.
Mumbai-Maharashtra News Live Today, 16 April 2025 : नाशिकसह महाराष्ट्रभरातील महत्त्वाच्या घडामोडी एका क्लिकवर!
Aaditya Thackeray on Mahayuti Govt: १०० दिवसांत एकही चांगली योजना नाही – आदित्य ठाकरे
या सरकारला १०० दिवस उलटून गेले आहेत. पहिले १०० दिवस हनिमून पिरियड मानला जातो. या काळात मुख्यमंत्री जे काही करतात, त्याचं कौतुक साधारणपणे केलं जातं. पहिल्या १०० दिवसांत एकही चांगली योजना कुणासाठी आणलेली नाही – आदित्य ठाकरे</p>
Aaditya Thackeray on Sanjay Raut – संजय राऊत पटकन काहीतरी बोलून जातात – आदित्य ठाकरे
मी राऊत साहेबांना फोन केला. त्यांना विचारलं की संजय काका उद्या काय बोलायचंय, मला विषय काय दिलाय? तुम्हाला त्यांची स्टाईल माहिती आहे, ते पटकन काहीतरी बोलून जातात. त्यांनी मला सांगितलं महाराष्ट्र नेमका चाललाय कुठे यावर बोल – आदित्य ठाकरे</p>
सांगलीत गुन्हेगारांचा धारदार शस्त्राने खून, दोघांना अटक
अहिल्यानगरमध्ये आठ मंडळांच्या अध्यक्षांसह, स्पिकर मालकांविरुद्ध गुन्हे, आंबेडकर जयंती मिरवणुकीत ध्वनिप्रदूषण
आधी राज ठाकरे-एकनाथ शिंदेंची भेट, नंतर नेत्यांची सूचक विधानं; महायुतीत मनसे येणार का?
राज्यात दुचाकी टॅक्सीविरोधात आंदोलन पेटणार…संतप्त ऑटोरिक्षा व ऑनलाईन टॅक्सीचालक म्हणतात…
लातूरच्या तंत्रनिकेतनमध्ये जूनपासून अभियांत्रिकी महाविद्यालय, मंत्रिमंडळ बैठकीतील निर्णय
माजलगावात भाजप कार्यकर्त्याचा खून
छत्रपती संभाजीनगर : बीड जिल्ह्यातील माजलगाव शहरात मंगळवारी दुपारी दोनच्या सुमारास भाजप कार्यालयासमोर पक्षाच्या विस्तारकाची सत्तुराचे वार करून हत्या करण्यात आली. बाबासाहेब आगे (वय ३५, रा. किट्टीआडगाव) असे हत्या झालेल्या भाजप कार्यकर्त्याचे नाव आहे. तर नारायण शंकर फपाळ असे आरोपीचे नाव असल्याची माहिती माजलगाव शहर पोलीस ठाण्याचे निरीक्षक राहुल सूर्यतळ यांनी दिली.
हत्येच्यावेळी नारायण फपाळ हा बलात्कारी, बलात्कारी असे म्हणत जाेरजोरात ओरडत होता. त्यानंतर तो स्वत: पोलीस ठाण्यात जाऊन हजर झाल्याचे प्रत्यक्षदर्शींचे म्हणणे आहे. आरोपी नारायण फपाळ याला पोलिसांनी अटक केल्याचे पोलीस निरीक्षक सूर्यतळ यांनी सांगितले. आरोपी नारायण फपाळ याची सासुरवाडी ही किट्टीआडगाव आहे आणि हेच भाजप कार्यकर्ते बाबासाहेब आगे यांचे गाव आहे.
उष्णतेपासून बचावासाठी पालिकेच्या नागरिकांना सूचना
भंडारा वन परिसरात १४ वर्षांनंतर दिसला ‘इंडियन ग्रे वुल्फ’
नाशिकमध्ये अनधिकृत धार्मिक स्थळ हटविण्यास जमावाचा विरोध; अश्रुधुराच्या नळकांड्यांचा वापर, १५ ते २० जण ताब्यात
Sanjay Raut on Nashik Violence : भाजपाचे लोक दंगलीसाठी मुहूर्त काढून बसलेले असतात – संजय राऊत
ते नंतरही कारवाई करू शकत होते. पण आजचा दिवस निवडला. कारण आज शिवसेनेचं नाशिकमध्ये शिबिर होतंय. म्हणून आजचा दिवस कारवाईसाठी निवडला. तुम्ही आमच्यावर जळताय, जळू आहात तुम्ही. तुम्ही घाबरट आहात. तुम्हाला आमच्या अस्तित्वाची भिती वाटते. म्हणून तुम्हाला असले फालतू उद्योग करत आहात. भाजपचे लोक कधी कुठे दंगल घडवायची वगैरेचे मुहूर्त आधी काढून ठेवतात. त्याचे मुहूर्त काढण्यासाठी पंचांग घेऊन यांचे लोक बसलेले असतात – संजय राऊत</p>
उल्हासनगरात पुन्हा स्लॅब कोसळला; एक जखमी, जीवितहानी नाही
धोकादायक इमारतींमधील रहिवाशांना लवकरच ना हरकत प्रमाणपत्र; शिवसेनेच्या शिष्टमंडळाला सिडकोचे आश्वासन
Eknath Shinde-Raj Thackeray Meet: दोघांमध्ये बंद दरवाजाआड चर्चा झाली? उदय सामंत म्हणतात…
अर्धा तास बंद दाराआड चर्चा झाली हे मी आज सकाळी माध्यमांमधून ऐकतोय. काल राज ठाकरेंना एकनाथ शिंदे का भेटले याचा खुलासा एकनाथ शिंदेंनी केला आहे. त्यांना स्नेहभोजनाचं निमंत्रण होतं. शिवसेनेच्या प्रवासावर, पूर्वीच्या कार्यप्रणालीवर दोघांमध्ये चर्चा झाली. त्यामुळे बंद दरवाजाआड कोणतीही चर्चा झाली नाही. तिथे मनसेचे अमेय खोपकर, संदीप देशपांडे व अभिजीत पानसे होते. मीही तिथे होतो. देवेंद्र फडणवीस व एकनाथ शिंदेंचं बाँडिंग पक्कं आहे. त्यामुळे कालच्या भेटीचा कोणताही राजकीय संदर्भ नाही – उदय सामंत
Amravati Airport Inauguration : लवकरच स्टार एअरलाईन्स, इंडिगोच्याही सेवा सुरू होणार…
यवतमाळ, अकोला भागातले प्रवासीही अमरावती विमानतळाहून मुंबईला जातील. येत्या काळात स्टार एअरलाईन्स व इंडिगो एअरलाइन्सदेखील इथे सेवा सुरू करत आहेत. भविष्यात अमरावती ते दिल्ली व अमरावती ते पुणे अशा सेवांसाठी आम्ही प्रयत्न करत आहोत. अमरावती विमानतळाला भाऊसाहेब पंजाबराव देशमुख यांचं नाव मिळावं अशी माझी इच्छा आहे – रवी राणा
Amravati Airport Inauguration : पुढच्या वर्षीपासून अमरावतीत पायलट ट्रेनिंग स्कूल
नवनीत राणा खासदार असताना त्यांनी या विमानतळासाठी निधी आणला. देवेंद्र फडणवीस मुख्यमंत्री असताना एमएसआरडीसीच्या माध्यमातून अनेक कामं केली. स्वत: मुख्यमंत्री व नवनीत राणा दिल्लीला परवानग्यांसाठी गेले होते. अमरावतीतच पायलट ट्रेनिंग स्कूल पुढच्या वर्षीपासून सुरू होत आहे – रवी राणा
Amravati Airport Inauguration : अमरावती विमानतळ उद्घाटनासाठी मुख्यमंत्री-उपमुख्यमंत्री मुंबईहून विमानानं रवाना
सगळ्यांचं हे स्वप्न होतं. तो मुहूर्त आज साधला गेला आहे. अत्यंत उत्साहाचं वातावरण अमरावतीमध्ये आहे. त्या विमानातून मुख्यमंत्री देवेंद्र फडणीस, उपमुख्यमंत्री एकनाथ शिंदे, उपमुख्यमंत्री अजित पवार, माजी खासदार नवनीत राणा, केंद्रीय हवाई वाहतूक मंत्री, राज्यमंत्री असे अनेक मान्यवर या उद्घाटनासाठी मुंबईहून विमानाने अमरावतीला येत आहेत – रवी राणा
अमरावतीमधील नवीन विमानतळ (फोटो – MADC X Handle)
Mumbai-Maharashtra News Live Today, 16 April 2025 : महाराष्ट्राची बित्तंबातमी…