Maharashtra News Today, 07 November 2023 : मराठा समाजास सरसकट कुणबी प्रमाणपत्रे देणे म्हणजे मागील दाराने ओबीसीमध्ये प्रवेश देण्यासारखे आहे, अशी टीका राज्याचे मंत्री छगन भुजबळ यांनी केली. भुजबळांच्या विधानानंतर राज्यातील राजकीय वातावरण चांगलंच तापलं असून आरोप-प्रत्यारोप सुरू आहेत. तसेच, ग्रामपंचायत निवडणुकीतील विजयावरून दावे-प्रतिदावे करण्यात येते आहेत. यासह विविध घडामोडी जाणून घेणार आहोत….
Marathi News Updates Today : राजकीय, क्राइम आणि महाराष्ट्रातील अन्य घडामोडी एका क्लिकवर....
ठाणे : मुंबई पाठोपाठ ठाणे शहरात हवा प्रदुषणात वाढ झाल्यानंतर खडबडून जाग आलेल्या ठाणे महापालिका प्रशासनाने मुंबईहून शहरात येणाऱ्या राडारोड्याच्या गाड्या रोखण्यासाठी मुलूंड चेक नाक्यावर पथक नेमण्याचा तसेच बेकायदा बांधकामे रोखण्यासाठी भरारी पथके नेमण्याचा निर्णय घेतला आहे.
वाई: डॉ बाबासहेब आंबेडकर म्हणजे नव्या पिढ्यांसाठी, नवभारतासाठी प्रेरणेचा ऊर्जास्तोत्र आहेत. डॉ. बाबासाहेब आंबेडकरांचा शाळा प्रवेश दिन तथा विद्यार्थी दिन मोठ्या उत्साहातच साजरा करायला हवा, असे विचार विद्यार्थी दिवस सोहळ्याच्या कार्यक्रमात मान्यवरांनी व्यक्त केले. सातारा येथील श्रीमंत छत्रपती प्रतापसिंह महाराज हायस्कूल येथे मोठ्या उत्साहात शाळा प्रवेश दिन संपन्न झाला.
अरुण पोळ म्हणाले,डॉ. बाबासाहेब आंबेडकर एक प्रेणास्त्रोत असून भारतीय समाजाने आणि सबंध विद्यार्थी वर्गाने त्यांपासून प्रेरणा घेऊन वाटचाल केली पाहीजे. अरुण जावळे मागील अनेक वर्षे या दिवसाचे महत्व विषद करत आहेत, त्यामुळे हा विद्यार्थी देशपातळीवर लवकर होईल, असा विश्वासही त्यांनी व्यक्त केला.
बुलढाणा: चिखली तालुक्यातील भरोसा गावासाठी काल सोमवार (दि. ६) ची रात्र काळरात्र ठरली. चिमुकल्यासह विहिरीत उडी घेतलेल्या मातेचा शोध घेण्यासाठी उडी मारणाऱ्या युवकाचाही बुडून मृत्यू झाला. सुदैवाने उडी मारणारा अन्य युवक केवळ दैव बलवत्तर म्हणून बचावला.
नागपूर: जुनी पेन्शन योजना लागू करा या मागणीसाठी बुधवारी ८ नोव्हेंबरला राज्य सरकारी कर्मचारी मध्यवर्ती संघटना व इतर संघटनांच्या समन्वय संमितीतर्फे कर्मचाऱ्यांचा सहकुटुंब मोर्चा जिल्हाधिकारी कार्यालयावर नेण्यात येणार आहे.
नाशिक: दीपावलीच्या पार्श्वभूमिवर दुग्धजन्य पदार्थांसह मिठाईला असणारी मागणी लक्षात घेऊन या पदार्थांमध्ये भेसळीचे प्रमाणही वाढत असते.
नाशिक - नाशिक ग्रामीण पोलिसांकडून अवैध व्यवसायांविरूध्द मोहीम सुरू असून मालेगावसह धुळे जिल्ह्यातील पुरमेपाडा येथे छापा टाकून साडेसोळा लाख रुपयांचा गुटखा जप्त करण्यात आला. तीन विक्रेत्यांना अटक करण्यात आली.
डोंबिवली - कल्याण, डोंबिवली, अंबरनाथ, बदलापूर, पनवेल भागात २२ हून अधिक घरफोड्या करणाऱ्या एका सराईत चोरट्याला मानपाडा पोलिसांच्या गुन्हे प्रकटीकरण शाखेच्या पोलिसांनी उत्तर प्रदेशातील आझमगड येथून एका वीटभट्टीवरून अटक केली.
कल्याण- कल्याण, डोंबिवली शहरांमध्ये नियमित घनकचरा विभागाकडून शहराचा प्रत्येक कोपरा साफ केला जातो की नाही याची पाहणी करण्यासाठी मंगळवारी अतिरिक्त आयुक्त मंगेश चितळे यांनी कल्याण शहराचा दुचाकीवरून पाहणी दौरा केला.
मुंबई : दादर येथील महानगरपालिकेच्या कोहिनूर सार्वजनिक वाहनतळात सोमवारी मध्यरात्री भीषण आग लागली होती. या आगीत १६ चारचाकी आणि दोन दुचाकी जळून खाक झाल्या. मध्यरात्री २.३० च्या सुमारास ही आग विझवण्यात अग्निशमन दलाला यश आले.
विलेपार्ले येथील संभाजी नगरमधील दुधविक्रेता साईदुळू मल्लेशवर कारवाई करून अमूल कंपनीचे ५ हजार ७९८ रुपये किमतीचे १०७ लिटर भेसळयुक्त दूध नष्ट करण्यात आले.
"मराठा आणि ओबीसी समाज समोर येतोय, त्यासाठी उद्धव ठाकरे जबाबदार आहेत. उद्धव ठाकरेंनी देवेंद्र फडणवीसांच्या मुख्यमंत्रीपदाला विरोध केला नसता, तर सर्वोच्च न्यायालयात मराठा आरक्षणाजा न्याय मिळवून दिला असता," असं विधान भाजपा प्रदेशाध्यक्ष चंद्रशेखर बावनकुळेंनी केलं आहे.
नागपूर: सोन्याच्या दरात गेल्या काही महिन्यांपासून सातत्याने मोठी चढ- उतार बघायला मिळत आहे. मध्यंतरी नागपुरात हे दर प्रति दहा ग्राम ६२ हजार रुपयांच्या जवळपास गेले होते.
सोने – चांदी गलाई व्यावसायिकांच्या चार भट्टी, धुराड्यांवर ‘सी’ विभागाने हातोडा चालविला.
बुलढाणा: जिल्हा परिषद शाळेच्या शिक्षकाने एका १३ वर्षीय विद्यार्थीनिवर अत्याचार केल्याचे उघड झाले आहे. मलकापूर मार्गावरील बालाजी मंदिर परिसरात एका वाहनात त्याने हे दुष्कृत्य केले.
पालींच्या विविध जातींचा अभ्यास करण्यासाठी अमित सैय्यद आणि त्यांच्या चमूतील दोन सहकारी तामिळनाडूच्या घनदाट जंगलात अनेक वर्ष शोध घेत होते.
नाशिक - मालेगाव शहरासह तालुक्यातील अमली पदार्थांच्या निर्मूलनासाठी आता स्वतंत्र पोलीस पथक तयार करण्यात आले आहे. दुसरीकडे, नाशिक ग्रामीण पोलिसांकडून गुटखा विरोधी अभियान चालूच राहणार असून अवैध प्रवासी वाहतूकविरूध्द कारवाई करण्यात येणार आहे.
नागपूर: आष्टीतील भवन्स शाळेतील विद्यार्थी सारंग नागपुरे याच्या मृत्यूमुळे शहरातील पालक वर्ग चिंतेत असतानाच आणखी एका घटनेने पालक वर्गाच्या चिंतेत भर घातली आहे. नंदनवनमधील स्टार पॉईंट शाळेतील एका विद्यार्थिनीशी शाळेच्या सुरक्षारक्षकाने अश्लील वर्तन केल्याची घटना उघडकीस आली.
नागपूर : मोसमी पावसाने काढता पाय घेतला असला तरीही अरबी समुद्रात पुन्हा एकदा कमी दाबाचा पट्टा तयार झाला आहे. त्यामुळे कोकण व मध्य महाराष्ट्रात पुढील सहा ते सात दिवस हलक्या पावसाचा अंदाज हवामान खात्याने दिला आहे.
रेरा कायद्यानुसार कोणत्याही गृहप्रकल्पाची जाहिरात वा सदनिकांची विक्री करण्यासाठी महारेरा नोंदणी क्रमांक आणि क्यूआर कोड बंधनकारक आहे.
"सरकारनं जरांगे-पाटील आणि मराठा समाजाची फसवणूक केली आहे. निवृत्त न्यायाधीश आणि संबंध नसलेल्या मंत्र्यांना पाठवून दबाव आणण्याचं काम केलं. त्यातून जरांगे-पाटील यांनी २ महिन्यांचा वेळ दिला. सरकारला वेळ देण्याची गरज नव्हती. ३१ डिसेंबरला आमदार अपात्र होणार असल्याने शिंदे सरकारनं राजकीय निवृत्तीचं मरण पुढं ढकलण्यासाठी २ महिन्यांची मुदत वाढवून घेतली," अशी टीका विनायक राऊत यांनी केली आहे.
ठाणे : ठाणे ते कळवा रेल्वे स्थानकादरम्यान लोकल डब्यामध्ये एका तरूणावर धारदार ब्लेडने हल्ला करण्यात आल्याचा प्रकार उघडकीस आला आहे. याप्रकरणी सोमवारी ठाणे रेल्वे पोलीस ठाण्यात गुन्हा दाखल करण्यात आला असून पोलीस आरोपीचा शोध घेत आहेत.
कल्याण - कल्याण पूर्व भागातील मलंग रस्ता, कोळसेवाडी, चिंचपाडा, काटेमानिवली या वर्दळीच्या भागातील रस्त्यांवर उभारण्यात आलेले फटाक्यांचे स्टाॅल सोमवारी आय, ड प्रभागाच्या साहाय्यक आयुक्तांच्या पथकाने जमीनदोस्त केले.
वाशिम: गेल्या १५ ते २० वर्षांपासून राष्ट्रीय आरोग्य अभियान अंतर्गत विविध संवर्गातील डॉक्टर, औषध निर्माण अधिकारी, आरोग्य सेविकांसह इतर कर्मचारी तुटपुंज्या मानधनावर कार्यरत आहेत.
मिलिंद वाणी असे या अभियंत्याचे नाव असून ते झोपडपट्टी पुनर्वसन प्राधिकरणात कार्यकारी अभियंता या पदावर कार्यरत आहेत.
डोंबिवली: डोंबिवली पश्चिमेतील भागशाळा मैदानावर फटाके विक्री स्टॉलना परवानगी देण्यात आली तर त्याला कठोर विरोध केला जाईल, असा इशारा या मैदानावर नियमित खेळणे, फिरण्यासाठी येणाऱ्या नागरिकांनी दिला आहे.
कल्याण- डोंबिवली पश्चिम रेल्वे स्थानकाजवळील डोंबिवली ग्रंथसंग्रहालयाची नव्याने नुतनीकरण केलेली अभ्यासिका ग्रंथसंग्रहालयाकडून काढून राजाश्रय लाभलेल्या एका वजनदार संस्थेला देण्याच्या जोरदार हालचाली सध्या महापालिका वर्तुळात सुरु आहेत. कल्याण डोंबिवली महापालिकेने ४० लाखाचा खर्च करुन या ग्रंथसंग्रहालयाचे नूतनीकरण केले आहे.
कोपरीगाव सेक्टर २६ येथे हनुमान मंदिराच्या मागच्या बाजूस एक इसम संशयास्पद वावरताना पोलीस हवालदार सुनील पाटील यांना आढळून आला.
वाशिम: पावसाचे पाणी इतरत्र वाहून गेल्याने जिल्ह्यात शेतीसाठी व पिण्याच्या पाण्याची चणचण भासू लागते. मात्र, यावर्षी जिल्ह्यात मृद व जलसंदारण विभागाच्यावतीने सहाही तालुक्यात ८४ कोल्हापुरी बंधारे, गेटेड बंधारे बांधून पाणी अडवण्यात आले.
पनवेल महापालिकेने १५ पैकी १२ आरोग्यवर्धिनी केंद्र सूरू केल्याची माहिती पालिकेच्या आरोग्य विभागाने दिली.
धक्कादायक बाब म्हणजे आरोपी सनदी लेखापाल (चार्टर्ड अकाउंटंट ) असून एका खाजगी कंपनीत उच्च पदस्थ अधिकारी आहे.
एकनाथ शिंदे लोकाभिमुख मुख्यमंत्री आहेत. ते आमदारांचे म्हणणे ऐकून घेतात. ते प्रभाविपणे काम करत आहेत . उद्धव ठाकरे यांच्यात कृतीशिलतेचा अभाव आहे. ते कर्यकर्त्यांना वेळ देत नाहीत. त्यांच्या कार्यशैलीवर कार्यकर्ते आजही नाराज आहेत, अशी टीका विधान परिषदेच्या उपसभापती डॉ. नीलम गोऱ्हे यांनी केली.
