Maharashtra Political Crisis : आणखी तीन आमदार शिंदे गटात सामील; वाचा प्रत्येक अपडेट…

“कायद्यात पक्षप्रमुखाने गटनेता निवडायचा असतो आणि गटनेत्याने प्रतोद निवडायचा असतो. याप्रमाणे शिवसेना पक्षप्रमुख उद्धव ठाकरे यांनी आधी एकनाथ शिंदे यांना गटनेतेपदी निवडलं होतं, त्यानंतर एकनाथ शिंदे यांच्याऐवजी अजय चौधरी यांना गटनेतेपदी नियुक्तीचं पत्र दिलं,” अशी माहिती नरहरी झिरवळ यांनी दिली.

विधानसभा उपाध्यक्ष नरहरी झिरवळ म्हणाले, “देशमुखांनी ते सुरतला होते असं सांगितलं, पण आता ते त्यांच्या गावी आहेत. त्यांनी मी इंग्रजी सही करतो मात्र पत्रावरील सही मराठी आहे. त्यामुळे माझी स्वाक्षरी गृहीत धरू नये असं प्रश्नांकीत केलंय. मी ते तपासून घेईल आणि माझी खात्री झाली की विचार करेन.”

विधानसभा उपाध्यक्ष नरहरी झिरवळ म्हणाले, “मुख्यमंत्री उद्धव ठाकरे यांनी शिवसेना गटनेतेपदाबाबत दिलेलं पत्र आम्ही स्विकारलं आहे. आता अजय चौधरी हे शिवसेनेचे गटनेते आहेत. बाकी काही आक्षेप असतील तर ते तपासावे लागतील.”

महाराष्ट्रात राजकीय पेच निर्माण झाला असताना तृणमूल काँग्रेसनेही आता यामध्ये उडी घेतली आहे. शिवसेना नेते एकनाथ शिंदे आमदारांसोबत थांबलेल्या गुवाहाटीमधील हॉटेलबाहेर तृणमूल काँग्रेसच्या कार्यकर्त्यांकडून आंदोलन केलं जात आहे. राज्यात पूर आल्याने लोकांचा जीव जात असताना महाराष्ट्रातील लोकांचं आदरातिथ्य केलं जात असल्याने तृणमूलच्या नेत्यांकडून आक्षेप घेतला जात आहे.

Eknath Shinde Maharashtra Government : जे स्वत:ला बछडे, वाघ समजून घ्यायचे ते म्हणजे पक्ष नाही अशा शब्दात शिवसेना प्रवक्ते आणि खासदार संजय राऊत यांनी बंडखोर आमदारांवर टीका केली आहे. आपण बाळासाहेबांचे भक्त आहोत इतकं म्हणणं पुरेसं नाही. दबावाला बळी पडून जर कोणी पक्ष सोडत असेल तर तो बाळासाहेबांचा भक्त असू शकत नाही असंही संजय राऊत मुंबईत प्रसारमाध्यमांशी बोलता म्हणाले आहेत.

सविस्तर बातमी

देवेंद्र फडणवीस यांच्या निवासस्थानी भाजपा नेत्यांची बैठक सुरु आहे. अभिमन्यू पवार, श्रीकांत भारतीय, आशिष शेलार, कालिदास कोळंबकर सागर बंगल्यावर दाखल झाले आहेत.

दीपाली सय्यद म्हणाल्या, “सन्माननीय एकनाथ शिंदे मला शिवसेनेत घेऊन आले. माननीय उद्धव ठाकरे यांनी मला शिवसेनेत वावरायला शिकवले. दोन्ही बाजु गुरूचरणी, विठ्ठला कोणता झेंडा घेऊ हाती? आमची निष्ठा प्रतिष्ठा शिवसेनेच्या चरणी भविष्यात जे होईल त्याचा स्विकार करू.”

मुख्यमंत्री उद्धव ठाकरे आज दुपारी १२.३० वाजता दूरदृश्य प्रणालीद्वारे मंत्रालयातील विभागांच्या सचिवांसमवेत बैठक घेणार