Maharashtra News Update : राज्यात पाऊस आणखी आठवडाभर मुक्कामी, महाराष्ट्रातील महत्त्वाच्या घडामोडी एका क्लिकवर!

जमीन खरेदी विक्री व्यवहार करणाऱ्या दलालाचा खून करण्यासाठी सराईतांना ३० लाखांची सुपारी दिल्याचे उघडकीस आले आहे. जमीन दाखविण्याच्या बहाण्याने दलालाला मुळशीत नेऊन त्याला पिस्तुलाचा धाक दाखवून सराईतांनी ६० लाख रुपयांची खंडणी मागितल्या प्रकरणी चौघांच्या विरोधात चतु:शृंगी पोलिसांनी गुन्हा दाखल केला आहे. वाचा सविस्तर बातमी…

मुख्यमंत्री एकनाथ शिंदे गटाच्या बंडखोरीमुळे शिवसेना महाराष्ट्रातील सरकारमधून बाहेर पडली आहे. पण आता ठाकरे कुटुंबीयांनी पक्ष वाचवण्याचा प्रयत्न सुरू केला आहे. पक्षाच्या कार्यकर्त्यांची जुळवाजुळव करण्यासाठी आदित्य ठाकरे यांनी शुक्रवारपासून निष्ठा यात्रा सुरु केली आहे. भायखळ्यातील बंडखोर आमदार यामिनी जाधव  यांच्या मतदारसंघातून आदित्य ठाकरेंनी या यात्रेची सुरुवात केली. यावरुनच आता मनसेने आदित्य ठाकरेना टोला लगावला आहे. वाचा सविस्तर…

राज्यात शिंदे गट आणि भाजपा (BJP) यांचे संयुक्त सरकार स्थापन झाले आहे. सध्या या सरकारचे नेतृत्व एकनाथ शिंदे<u> यांनी स्वीकारले असून ते मुख्यमंत्री तर उपमुख्यमंत्री म्हणून देवेंद्र फडणवीस कारभार हाकत आहेत. दरम्यान, सत्ताबदल आणि एकनाथ शिंदे यांच्या बंडावर भाजपाचे नेते तथा केंद्रीय मंत्री नारायण राणे (Narayan Rane) यांनी प्रतिक्रिया दिली आहे. शिंदे बंड करणार आहेत, याबाबत कल्पना होती का? असे विचारताच हो मी ज्योतिषी आहे, असे मिश्किल भाष्य राणे यांनी केले आहे. वाचा सविस्तर

संजय राऊत यांच्याविरोधात अटक वॉरंट निघाल्यानंतर भाजपाचे नेते तथा केंद्रीय मंत्री नारायण राणे (Narayan Rane) यांनी राऊतांवर टीका केली आहे. संजय राऊत हे काही धुतल्या तांदळासारखे नाहीत. त्यांनी कोणतातरी गुन्हा केला असेल, असे राणे म्हणाले आहेत. वाचा सविस्तर

सातारा-ठोसेघर रस्त्यावर सज्जनगड जवळ दरड कोसळली आहे. मुसळधार पावसामुळे दरड कोसळल्याची धक्कादायक माहिती समोर आली आहे. या घटनेमुळे दोन्ही बाजूची वाहतूक ठप्प झाली आहे. वाचा सविस्तर बातमी…

पूर्व विदर्भात करोनाचे संक्रमण वाढत असतानाच गेल्या सात दिवसांत डेंग्यूचे ३४ नवीन रुग्ण आढळल्याने चिंता वाढली आहे. सर्वाधिक रुग्ण हे गोंदिया, नागपूर जिल्ह्यातील आहेत, हे विशेष. वाचा सविस्तर बातमी…

पुणे शहराला पाणीपुरवठा करणाऱ्या खडकवासला धरणसाखळी प्रकल्पात सुरू असलेला दमदार पाऊस  कायम आहे. त्यामुळे खडकवासला धरणसाखळी प्रकल्पातील पाणीसाठा २१ टक्क्यांवर पोहोचला आहे. वाचा सविस्तर बातमी…

शिवसेना आणि शिंदे गट यांच्यामध्ये आरोप-प्रत्यारोपांचा कलगीतुरा रंगताना पाहायला मिळत आहे. शिवसेना खासदार संजय राऊत यांनी आज टीव्ही ९ शी बोलताना बंडखोर आमदारांच्या आमदारकीवरून खोचक टोला लगावला आहे. तसंच, त्यांना जाहीर आव्हान देखील दिलं आहे.

सविस्तर वाचा

राज्यात पुढील ३ दिवस (११ जुलै पर्यंत) हवामान खात्याने अतिवृष्टीचा इशारा दिला आहे. विशेषतः कोकण विभागातील सर्व जिल्ह्यांना मुसळधार ते अति मुसळधार (६४ ते २०० मिमी) पावसाची शक्यता वर्तवण्यात आली आहे.

वाचा सविस्तर