मुख्यमंत्र्यांनी ‘वर्षा’ बंगला सोडला, ‘मातोश्री’वर हलवला मुक्काम

मुख्यमंत्री उद्धव ठाकरे यांनी मुख्यमंत्री पदाचा राजीनामा देण्यापूर्वीचं मुख्यमंत्र्याचं निवासस्थान असणारा वर्षा बंगला सोडला आहे. काही वेळापूर्वीच त्यांनी आज आपण वर्षा बंगल्यावरून मुक्काम हलवणार असल्याचं सांगितलं होतं. त्यानुसार त्यांनी आपलं सामान हलवायला सुरुवात केली आहे. ते पुन्हा आपल्या घरी 'मातोश्री'वर राहायला जाणार आहेत. यावेळी वर्षा बंगल्याबाहेर शिवसैनिकांनी मोठी गर्दी केली असून घोषणाबाजी सुरू आहे.

शिवसेना नेते व आमदारांची बंडखोरी हे सर्व भाजपचे षडयंत्र आहे, त्यांना राज्य सरकार अस्थिर करायचे आहे. एकनाथ शिंदे यांनी सादर केलेल्या पत्रावरील स्वाक्षरी आपली नाही, ती बोगस आहे, असा खळबळजनक आरोप बाळापूरचे शिवसेना आमदार नितीन देशमुख यांनी केला आहे. उद्धव ठाकरे, शिवसैनिकांचा विचार करून एकनाथ शिंदे व आमदारांनी परत यावे, असे भावनिक आवाहनही त्यांनी केले आहे.

सविस्तर वाचा

शिवसेनेचे ज्येष्ठ नेते एकनाथ शिंदे यांनी बंडखोरी केल्याच्या पार्श्वभूमीवर मुख्यमंत्री उद्धव ठाकरे यांनी नुकताच जनतेची संवाद साधला आहे. शिवसेना आणि हिंदुत्व कदापी वेगळं होऊ शकत नाही, म्हणत त्यांनी बंडखोर आमदारांना भावनिक आवाहन केलं आहे. मी याक्षणी मुख्यमंत्री आणि शिवसेना प्रमुख पदाचा राजीनामा द्यायला तयार असल्याचंही त्यांनी म्हटलं आहे. दरम्यान शिवसेना प्रवक्ते आणि खासदार संजय राऊत यांनी सूचक विधान केलं आहे. सविस्तर बातमी

मुख्यमंत्री उद्धव ठाकरे यांनी भूमिका मांडल्यानंतर भाजपा आमदार अतुल भातखळकरांनी ट्विटच्या माध्यमातून टीका केली आहे. “अडीच वर्षाचा प्रवास…फेसबुक लाईव्ह ते फेसबुक लाईव्ह! ,” असे भातखळकर यांनी आपल्या ट्विटमध्ये म्हटले आहे.

शिवसेना नेते एकनाथ शिंदे यांनी बंड पुकारल्यानंतर मुख्यमंत्री उद्धव ठाकरे यांनी फेसबुकच्या माध्यमातून लाईव्ह करत आपली भूमिका मांडली आहे. उद्धव ठाकरे यांनी यावेळी बंडखोर आमदारांना समोर येऊन आपण मुख्यमंत्रीपदासाठी लायक नसल्याचं सांगावं असं आवाहन केलं आहे. तसंच मुख्यमंत्रीपद आणि शिवसेना पक्षप्रमुखपदाची जबाबदारी सोडण्याची तयारीही दर्शवली आहे. आपल्या भावना व्यक्त करताना उद्धव ठाकरेंनी यावेळी एक गोष्ट सांगत व्यथा मांडली.

“कुऱ्हाडीचा दांडा गोतास काळ ही म्हण आपल्या सर्वांना माहिती आहे. पण त्यामागची गोष्ट कोणाला माहिती नाही. ती गोष्ट अशी आहे की, एकदा एका जंगलात लाकूडतोड्या झाड तोडत होता. कुऱ्हाडीचे घाव घालत असताना तिथे राहणारे पक्षी कासावीस झाले. पण घाव घातले जात असताना झाडाला किती वेदना होत असतील. म्हणून ते पक्षी झाडासोबत बोलू लागले. पक्ष्यांनी दादा खूप दुखत असेल ना? वेदना होत असतील ना? असं विचारलं. त्यावर झाडाने मला वेदना आणि दु:ख घाव होत आहेत याचं नाही तर हा लाकूडतोड्या ज्या कुऱ्हाडीने घाव घालत आहे त्याचं लाकूड माझ्या फांदीचं आहे याच्या वेदना जास्त होत आहेत. हेच आज चाललं आहे,” अशी व्यथा उद्धव ठाकरेंनी मांडली.

सविस्तर बातमी

ही शिवसेना बाळासाहेबांची राहिली नाही म्हणणाऱ्यांना माझ्याकडे उत्तर आहे. मी शिवसेनेचे नेतृत्व करायला लायक नाही. मी दोन्ही पद सोडायला तयार आहे. पण त्यानंतर जर शिवसेनेचा मुख्यमंत्री होणार असेल तर मना आनंद आहे, दुसऱ्या पक्षाचा होणार असेल तर तसं नको. समोर या आणि सांगा, असेही मुख्यमंत्री उद्धव ठाकरे म्हणाले.

राजकारणातील जन्मदात्री शिवसेनेवर तिचंच लाकूड वापरुन कोणी घाव घालू नका. मी आज राजीनाम्याचे पत्र तयार करुन ठेवतो. जे गायब आहेत त्यांनी माझे पत्र घ्यावे. मी पुन्हा एकदा सांगतो हा अगदिकपणा नाही, लाचारीचा प्रसंग नाही, मजबुरी नाही. मी आव्हानाला सामोरं जाणारा माणूस आहे, पाठ दाखवणारा नाही, असेही मुख्यमंत्री म्हणाले.

मला कशाचाही अनुभव नसताना मी इच्छेपेक्षा जिद्दीने काम करणारा माणूस आहे. त्याच जिद्दीने मी शिवसेनाप्रमुखांना दिलेला शब्द पुरा करणारच, असे मुख्यमंत्री म्हणाले.

२०१२ साली बाळासाहेब आपल्यातून गेले आणि त्यानंतर २०१४ साली आपण एकटे लढलो. तेव्हाही आपण हिंदूच होतो. त्यावेळी ६३ आमदार निवडून आले होते. मधल्या काळात जे काही मिळालं ते शिवसेनेमुळे मिळालं हे लक्षात ठेवा, असे मुख्यमंत्री म्हणाले

शिवसेना आणि हिंदुत्व कदापी एकमेकांपासून वेगळं होऊ शकत नाही. आदित्य ठाकरे, एकनाथ शिंदे काही दिवसांपूर्वी अयोध्येला जाऊन आलेत. हिंदुत्वाबद्दल विधानसभेत, विधीमंडळात बोलणारा मी पहिला मुख्यमंत्री असेल, असेही मुख्यमंत्री म्हणाले

माझी जी शस्त्रक्रीया झाली होती त्यानंतरचे दोन, तीन महिने फार विचित्र होते. तो काळ फार विचित्र होते. त्यानंतर मी आता भेटायला सुरुवात केलेली आहे. मी भेटत नव्हतो तर काम होतं नव्हती असं नाही. मी पहिली कॅबिनेट मिटींग अशीच ऑनलाइन केली होती – उद्धव ठाकरे

आपण शिवसेनेचे खासदार असून मुख्यमंत्री उद्धव ठाकरे यांच्या सोबत असल्याचा निर्वाळा पालघर चे खासदार राजेंद्र गावीत यांनी दिला आहे. आपण काल मुख्यमंत्री व इतर पक्षाच्या वरिष्ठ अधिकाऱ्यासोबत मुंबई होतो असे खासदार राजेंद्र गावीत यांनी सांगितले. शिवसेना आमदार खासदार यांच्या बैठकीचे आपल्याला निमंत्रण मिळाले नसले तरी आपण मुख्यमंत्री यांच्या सोबत आहोत असे गावीत यांनी सांगितले.

मुख्यमंत्री उद्धव ठाकरे हे राज्यात उद्धभवलेल्या राजकीय परिस्थितीवर फेसबुक लाईव्हद्वारे संवाद साधणार आहेत. त्यानंतर आता शिवसेना नेते एकनाथ शिंदेही पत्रकार परिकार परिषद घेत आपली भूमिका स्पष्ट करणार आहेत.

शिवसेनेते मंत्री एकनाथ शिंदे यांच्यामार्फत झालेल्या बंडानंतर मुख्यमंत्री उद्धव ठाकरे हे जनतेशी संवाद साधणार आहेत. संध्याकाळी पाच वाजता फेसबुक लाईव्ह आणि इतर सोशल मीडियाच्या माधम्यातून ते जनतेशी संवाद साधणार आहेत.

शिवसेना विधीमंडळाच्या मुख्य प्रतोदपदी शिवसेना आमदार भरत गोगावले यांची नियुक्ती करण्यात आल्याची माहिती एकनाथ शिंदे यांनी आपल्या ट्वीटमधून दिली आहे. आजच्या आमदारांच्या बैठकीबाबत सुनील प्रभू यांनी काढलेले आदेश कायदेशीरदृष्ट्या अवैध असल्याचंही त्यांनी म्हटलं आहे.

शिवसेना नेते एकनाथ शिंदे यांनी बंड पुकारल्याने महाविकास आघाडी सरकार अडचणीत आलं आहे. शिंदे आपल्यासोबत ४० हून अधिक आमदारांना घेऊन गुवाहाटीला गेल्याचं समजत आहे. हे सर्व कटकारस्थान एकटे शिंदे करू शकत नाहीत. भारतीय जनता पार्टीच्या पाठिंब्याशिवाय आमदारांचं अपहरण शक्य नाही, असा खळबळजनक आरोप शिवसेना प्रवक्ते आणि खासदार संजय राऊत यांनी केला आहे. सविस्तर बातमी

केंद्रीय मंत्री नारायण राणे विरोधी पक्षनेते देवेंद्र फडणवीस यांच्या भेटीसाठी मलबार हिल येथील सागर बंगल्यावर पोहोचले आहेत. राज्यातील राजकीय घडामोडींना वेग आलेला असतानाच या भेटीमध्ये दोन्ही नेत्यांमध्ये नेमकी काय चर्चा होते याकडे लक्ष लागून राहिलेलं आहे.

राज्याचे नगरविकास मंत्री एकनाथ शिंदे यांच्या बंडानंतर ठाणे जिल्ह्यातील शिवसेनेत उभी फुट टाळण्यासाठी वरिष्ठ नेत्यांकडून पक्षाच्या पदाधिकाऱ्या संपर्क साधला जात असला तरी जिल्ह्यातील शिवसेनेत फुट पडण्याची चिन्हे दिसू लागली आहेत. अनेक शिवसैनिकांनी समाजमाध्यमांवरून शिंदे समर्थक असल्याचे संदेश दिले आहेत. तर, काहींनी शहरात तशाप्रकारचे फलक लावले आहेत. विशेष म्हणजे, शिंदे यांच्याविरोधात प्रतिक्रीया उमटताना दिसून येत नाही. तसेच शिंदे यांच्या बंडानंतर काही शिवसेनेचे पदाधिकारी आणि शिवसैनिक गोंधळून गेले असून शिवसेनेसोबत की शिंदे यांच्यासोबत राहयचे, अशी त्यांची दुहेरी मनस्थिती झाली आहे. त्यामुळे त्यांनी आस्ते कदम ची भुमिका घेत मौन धारण केल्याचे दिसून येत आहेत.

सविस्तर वाचा

Maharashtra Political Crisis: काँग्रेसचे ज्येष्ठ नेते कमलनाथ यांनी राष्ट्रवादी काँग्रेसचे अध्यक्ष शरद पवार यांची भेट घेत राज्यातील स्थितीवर चर्चा केली आहे. काँग्रेस महाविकास आघाडीच्या पाठीशी असल्याचं शरद पवारांना सांगितलं असल्याची माहिती कमलनाथ यांनी दिली आहे. शरद पवार भेटीनंतर कमलनाथ यांनी सिल्व्हर ओकच्या बाहेर प्रसारमाध्यमांशी संवाद साधला. यावेळी त्यांनी शिवसेनेचे बंडखोर छत्रपती शिवाजी महाराजांच्या राज्याला कलंकित करणार नाहीत असा विश्वास व्यक्त केला.

सविस्तर बातमी

कॅबिनेटची बैठक संपली असून या बैठकीमध्ये सध्या सुरु असणाऱ्या सत्तासंघर्षाच्या पार्श्वभूमीवर कोणताही ठोस निर्णय घेण्यात आला नसल्याची माहिती समोर आली आहे.

शिवसेनेचे नेते एकनाथ शिंदे यांनी पुकारलेल्या बंडामुळे राज्यातील महाविकास आघाडी सरकार पडणार असल्याचे संकेत शिवसेनेचे खासदार आणि प्रवक्ते संजय राऊत यांनी दिलेत. “महाराष्ट्रातील राजकीय घडामोडींचा प्रवास विधानसभा बरखास्तीच्या दिशेने,” असं राऊतांनी ट्विटरवरुन म्हटलंय. या ट्विटनंतर आता राज्यामध्ये सत्तेत असणारं महाविकास आघाडी सरकार पडणार आणि नव्याने सरकार सत्तेत येणार अशी शक्यता अधिक बळावलीय. असं असतानाच महाराष्ट्रामध्ये बहुमताचा जादुई आकडा म्हणजेच १४५ चा आकडा कोणता पक्ष आणि कशा माध्यमातून गाठू शकतो यासंदर्भातील शक्यतांची चर्चा सुरु झाली आहे. याच आकडेमोडीवर टाकलेली नजर… येथे वाचा सविस्तर वृत्त.

कमालनथ शरद पवार यांच्याकडे जाणार आहेत. त्यांचे उद्धव ठाकरे यांच्याशी बोलणे झाले आहे. आम्ही पूर्ण ताकदीने सोबत आहोत, अशी सोनिया गांधी यांची भूमिका कमलनाथ यांनी उद्धव ठाकरे यांना सांगितली आहे. मंत्रिमंडळाच्या बैठकीत सरकार बरखास्तीवर चर्चा होणार नाही. महाविकास आघाडी सरकार पूर्ण ताकदीने चालेल. या सरकारचे नेतृत्व उद्धव ठाकरे करतील.

आज मुख्यमंत्री उद्धव ठाकरे मंत्रिमंडळाला मार्गदर्शन करतील. मुख्यमंत्री उद्धव ठाकरे करोना पॉझिटिव्ह आहेत. ते आभासी पद्धतीने मंत्रिमंडळाला संबोधित करतील. विधानसभा बरखास्त करण्याचा कोणताही मानस नाहीये, असं उद्धव ठाकरे यांनी सांगितलं आहे, असं नाना पटोले यांनी सांगितले.

काही आमदारांना मारण्यात आलं. आजच्या कॅबिनेट मिटिंगमध्ये सरकार बरखास्तीवर कोणतीही चर्चा होणार नाही. महाविकास आघाडी सरकार पूर्ण ताकदीने काम करणार. या सरकारचे नेतृत्व उद्धव ठाकरे करतील, असे नाना पटोले म्हणाले.

पंतप्रधान देहूमध्ये संत तुकारामाच्या भेटीला आले आणि एकनाथाला घेऊन गेले असा टोला राष्ट्रवादी काँग्रेसचे नेते छगन भुजबळ यांनी राज्यातील राजकीय स्थितीवर बोलताना लगावला आहे. दरम्यान आजच्या मंत्रिमंडळ बैठकीत मुख्यमंत्री उद्धव ठाकरे काही महत्वाची भूमिका घेतली असं वाटत नसल्याचंही छगन भुजबळ म्हणाले आहेत. राजकीय पक्षाने नेहमीच निवडणुकीसाठी तयार राहिलं पाहिजे असा सल्लाही त्यांनी दिला.

सविस्तर बातमी

राष्ट्रवादीचे अध्यक्ष शरद पवार सध्या वायबी चव्हाण सेंटरमध्ये गेले असून येथे ते राष्ट्रवादीच्या नेत्यांशी चर्चा करणार आहेत. याआधी त्यांनी राष्ट्रवादीचे प्रदेशाध्यक्ष जयंत पाटील, गृहमंत्री दिलीप वळसे पाटील यांच्याशी चर्चा केली आहे. त्यामुळे शरद पवार काय निर्णय घेणार याकडे सर्वांचेच लक्ष लागले आहे.

शिवसेना नेते एकनाथ शिंदे यांनी मंगळवारी मुख्यमंत्री उद्धव ठाकरेंशी फोनवरुन चर्चा केली. यावेळी एकनाथ शिंदे यांनी उद्धव ठाकरेंकडे शिवसेना नेते संजय राऊतांबद्दल नाराजी जाहीर केली. संजय राऊत माझ्याशी फोनवर चांगलं बोलतात आणि वारंवार प्रसारमाध्यमांसमोर माझ्याविरोधात बोलत आहेत असं एकनाथ शिंदे म्हणाले. दरम्यान एकनाथ शिंदेंच्या या आरोपावर शिवसेना प्रवक्ते आणि खासदार संजय राऊत यांनी प्रसारमाध्यमांशी बोलताना प्रतिक्रिया दिली आहे.

सविस्तर बातमी

आज संध्याकाळी उद्धव ठाकरे एक बैठक घेणार आहेत. या बैठकीचा अजेंडा एकच आहे की या परिस्थितीला कसे समोरे जायचे. मुळात शिवसेना ही आमदारांमुळे नाहीये. शिवसेना ही शिवसैनिकांमुळे आहे. विधानसभा बरखास्तीबाबत निर्णय होणार का यावरही चर्चा होईल, असे सावंत म्हणाले.

मताधिक्य आणण्याची राष्ट्रवादीला नवी गोष्ट नाहीये. राजकीय पक्षांनी निवडणुकीसाठी नेहमीच तयार राहिले पाहिजे. सरकार एवढ्या लवकर कोसळेल असं वाटलं नव्हतं. मात्र आता सध्या ही परिस्थिती समोर आली आहे, त्यावर काय करणार, असं भुजबळ म्हणाले.

एकनाथ शिंदे यांनी बंडखोरी केलेली असताना शिवसेनेचे खासदार संजय राऊत यांनी अतिशय महत्त्वाचे ट्वीट केले आहे. महाराष्ट्रातील राजकीय घडामोडींचा प्रवास विधान सभा बरखास्तीच्या दिशेने, असे संजय राऊत म्हणाले आहेत.