मुख्यमंत्र्यांनी ‘वर्षा’ बंगला सोडला, ‘मातोश्री’वर हलवला मुक्काम

आमचा शिवसेनेला संमर्पित पक्ष होता. प्रहार संघटनेने शिवसेनेच्या माध्यमातून आघाडीला पाठिंबा दिला होता. मुळातच शिवसेनेचे ७५ टक्के आमदार या बाजूला आल्यामुळे हा निर्णय घेतला गेला. वेगळी अशी व्यक्तिगत नाराजी नाहीये. नाराजी फक्त निधीच्या वाटपाबाबत आहे. निधी कमी जास्त दिला जोता. निधी वाटपात विषमता होती. हे सगळं कव्हर झालं आहे. पण शिवसेनेच्या आमदारांकडे लक्ष दिलं जायला हवं होतं ते दिलं गेलं नाही,

गट स्थापन करण्याच्या हालचालीला सुरुवात झालेली आहे. राज्यातील भाजपा नेत्यांसोबत संपर्क सुरु आहे. संजय कुटे यांच्यासोबत संपर्क सुरु आहे, असे बच्चू कडू म्हणाले.

आज रात्रीपर्यंत काय ते समजेल. एक मिटिंग शिंदे यांच्यासोबत होणार आहे. त्यानंतर काय ते ठरेल. सध्या ३५ ते ३६ आमदार आहेत. अजून तीन ते चार जण जॉईन होणार. शिवसेनेचा आकडा ३८ ते ३९ पर्यंत जाईल आणि अपक्ष असे ५० पर्यंत जाण्याची शक्यता आहे. काँग्रेसमधील आमदार आमच्या संपर्कात आहेत. किती आमदार येतील हे सांगता येणार नाही. पण दोन ते तीन दिवसां हे स्पष्ट होईल.

एकनाथ शिंदे यांच्यसोबत असलेले बंडखोर आदार गुवाहाटीमधील रेनिसन्स हॉटेलमध्ये थांबलेले आहेत. या हॉटेलमध्ये कोणालाही येऊ दिले जात नाहीये. हॉटेलमध्ये जायचं असेल तर कसून चौकशी केली जात आहे.

बाहेर गेलेले लोक आमचेच आहेत. जनता शिवसेनेसोबत आहे. उद्धव ठाकरे यांच्या नेतृत्वावर आमचा विश्वास आहे. शिवसेनेचा रोष कोणावरही नाही. आम्ही सगळे उद्धव ठाकरे यांच्यासोबत आहोत. आजही आम्ही त्यांना सहकारी मानतो. त्यांनीही उद्धव ठाकरे यांच्या नेतृत्वावर विश्वास ठेवला पाहिजे, असे अंबादास दानवे म्हणाले.

नाराजीचा स्फोट राज्यसभा आणि विधान परिषद निवडणुकीनंतर नगरविकासमंत्री एकनाथ शिंदे यांनी काही आमदारांसह सुरतची वाट धरल्याचं स्पष्ट झाल्यानंतर रातोरात या आमदारांनी आपला मुक्काम थेट गुवहाटीला हलवला आहे. एकनाथ शिंदे हे आज (२२ जून) पहाटेच्या सुमारास गुवहाटी विमानतळावर एकूण ४० आमदारांसोबत पोहोचले आहेत. शिवसेनेचे ३३ बंडखोर आमदार आणि त्यांचे मतदारसंघ पुढीलप्रमाणे –

फोटो पाहण्यासाठी इथे क्लिक करा

राष्ट्रवादी काँग्रेसची नेत्यांसोबत बैठक घेऊन शरद पवार सिल्व्हर ओकवरुन निघाले आहेत. या बैठकीनंतर शरद पवार कोणाची भेट घेणार हे पाहणे महत्त्वाचे ठरणार आहे.

काँग्रेच्या महत्त्वाच्या नेत्यांमधील बैठकीला सुरुवात झाली आहे. काँग्रेसचे निरीक्षक कमलनाथ यांच्या उपस्थितीत ही बैठक होत आहे. बाळासाहेब थोरात यांच्या निवासस्थानी ही बैठक होत असून एकनाथ शिंदे यांच्या बंडानंतर काँग्रेस काय भूमिका घेणार हे पाहणे महत्त्वाचे ठरणार आहे.

शिवेसनेचे आमदार तसेच खासदार यांना वर्षा बंगल्यावर तातडीने बोलवण्यात आले आहे. सायंकाळी पाच वाजता शिवसेनेचे आमदार आणि खासदार यांच्यात बैठक होणार आहे. यावेळी उद्धव ठाकरे महत्त्वाची घोषणा करण्याची शक्यता आहे.

भाजपाला हे सरकार कोसळेल असे वाटत असेल तर शिवसेनेमध्ये राखेतून जन्म घेण्याची ताकद आहे. शिवसेनेने अनेकदा राखेतून जन्म घेऊन गरुडझेप घेतली आहे. ५६ वर्षांचा हा इतिहास आहे. एकनाथ शिंदे यांच्यासोबत सकारात्मक चर्चा सुरु आहे.

राष्ट्रवादी तसेच काँग्रेसवर कोणी नाराज असेल असं मला वाटत नाही. त्यांच्यासोबत आम्ही सरकारमध्ये आहोत. आम्ही एकत्र आहोत. आज सकाळीच आमचं एकनाथ शिंदे यांच्यासोबत बोलणं झालं. एकनाथ शिंदे यांच्यासोबत संवाद सुरु आहे. त्यांनी सातत्याने शिवसेनेचे कार्य केलेले आहे. त्यांच्याविषयी कायम मनात सद्भावना आहे. चर्चा, संवाद सुरुच असतात. उद्धव ठाकरे यांनादेखील याबाबत कल्पना दिली आहे. बाहरे जे आहेत ते सगळेच शिवसैनिक आहेत. ते सगळे परत येतील.

सध्या राज्यपालांना करोना झालेला आहे. त्यांना बरं वाटू द्या. त्यानंतर कोणाकडे किती आमदार आहेत हे बघुयात. एकनाथ शिंदे तसेच आमचे सगळे लोक स्वगृही परततील याची आम्हाला खात्री आहे. हा आमच्या घरातील विषय आहे. ते सगळे आमच्या घरात परत येतील. त्यांच्यासोबत आमचा चांगला संवाद सुरु आहे.

काँग्रेसचे राष्ट्रीय पातळीवरील नेते कमलनाथ यांची मुख्यमंत्री उद्धव ठाकरे यांच्यासोबत १२.३० वाजता बैठक होईल. तसेच त्यानंतर त्यांची शरद पवार यांच्यासोबत बैठक होणार आहे.

एकनाथ शिंदे यांच्या बंडानंतर महाविकास आघाडीमध्ये घडामोडींना वेग आला आहे. शरद पवार यांच्या उपस्थितीत राष्ट्रवादीची बैठक होणार आहे. शरद पवार यांचे निवासस्थान असेलेल्या सिल्व्हर ओक या बंगल्यावर ही बैठक होणार आहे. या बैठकीसाठी उपमुख्यंत्री अजित पवार, राष्ट्रवादीचे प्रदेशाध्यक्ष जयंत पाटील तसेच इतर नेते उपस्थित राहणार आहेत.

गुवाहाटी येथील बंडखोर आमदार आपले मनोगत व्यक्त करत आहेत. तसेच या बैठकीत एकनाथ शिंदे या आमदारांना मार्गदर्शन करणार आहेत. तसेच या बैठकीनंतर एकनाथ शिंदे आमदारांच्या पाठिंब्याचं पत्र घेऊन मुंबईला येणार असल्याचं म्हटलं जातंय.

शिवसेनेचे नेते आणि मंत्री एकनाथ शिंदे यांच्या बंडाने राज्यातील राजकीय वातावरण तापले आहे. नाराज असलेले एकनाथ शिंदे शिवसेना आमदारांसह आधी सुरत तर आता गुवाहाटीमध्ये पोहोचले आहेत. गुवाहाटीला पोहोचल्यानंतर एकनाथ शिंदे यांनी बंडामागची भूमिका स्पष्ट केली आहे. वाचा सविस्तर…

आमचा गटनेता एकनाथ शिंदे हेच आहेत असे मत गुवाहाटीमधील बंडखोर आमदारांनी मांडले आहे. सध्या एकनाथ शिंदे यांच्या नेतृत्वाखाली या आमदारांची बैठक गुवाहाटी येथे सुरु आहे. याच बैठकीत आमदारांनी हे मत मांडले आहे.

शिवसेना नेते एकनाथ शिंदे यांच्या बंडानंतर ठाणे जिल्ह्यात त्याचे राजकीय पडसाद उमटण्यास सुरुवात झाली आहे. कळवा तसेच ठाणे परिसरात शिंदे समर्थकांनी आम्ही साहेबांसोबत असे बॅनर लावण्यास सुरुवात केली आहे. ठाणे शहरातील महापालिकेतील ९० टक्क्यांपेक्षा अधिक माजी नगरसेवक शिंदे यांच्या सोबत राहतील असे दावे त्यांचे समर्थक करू लागले आहेत. शिंदे यांचे काही निकटवर्तीय गुवाहाटी येथे त्यांच्या समवेत असल्याचे बोलले जाते. त्यात काही माजी नगरसेवकांचा समावेश आहे.

राज्यपाल भगतसिंह कोश्यारी यांनी करोनाची लागण झाली आहे. त्यामुळे आता राज्यपालपदाचा कारभार गोव्याच्या राज्यपालांकडे जाण्याची शक्यता आहे. त्यामुळे एकनाथ शिंदे आमदारांच्या पाठिंब्याचे पत्र घेऊन गोव्याला जाणार का? हे पाहणे महत्त्वाचे ठरणार आहे.

एकनाथ शिंदे समर्थक बंडखोर आमदारांचामध्ये गुवाहाटी येथे बैठक सुरु झाली आहे. या बैठकीमध्ये एकनाथ शिंदे यांची गटनेतेपती निवड होण्याची शक्यता आहे.

एकनाथ शिंदे यांनी पुकारलेल्या बंडानंतर शिवसेनेचे आमदार संजय शिरसाठ यांनी प्रतिक्रिया दिली आहे. हळुहळू सगळे आमदार जमा होत आहेत. दुपारपर्यंत हा आकडा ४६ च्या पुढे जाईल. यामध्ये शिवसेनेचे ४० पेक्षा जास्त आमदार आहेत. आमची काँग्रेस आणि राष्ट्रवादी यांच्यावर नाराजी आहे. शिवसेनेच्या नेतृत्वावर नाराजी नाही. भाजपाच्या साथीने पुढे जाणार; की राष्ट्रवादी, काँग्रेससोबत जुळवून घेणार? याचा निर्णय एकनाथ शिंदे घेतील,” असे संजय शिरसाठ यांनी सांगितले.

उद्धव ठाकरे यांच्याशी कोणतीही चर्चा किंवा प्रस्तावावर चर्चा झाली नाही. चर्चा करायला येत असताना मी कुठलेही पक्षविरोधी काम केलेले नाही. असे असताना मला गटनेतेपदावरून काढलं. मला बदनाम केलं जातंय. याबद्दल मी उद्धव ठाकरे यांना सांगितलं. हे बरोबर नाही असं सांगितलं. आमदारांच्या मनातील भावना मी तुमच्याकडे याआधीही मांडलेली आहे, असं मी उद्धव ठाकरे यांना सांगितलं. शिवसेनेने निवडलेला गटनेता हा नियमबाह्य आहे. आमच्याकडे बहुमताचा आकडा आहे. त्यामुळे ही निवड अवैध आहे. हा कायदेशीर मुद्दा होऊ शकतो, असे एकनाथ शिंदे म्हणाले.

माझ्यासोबत जबरदस्तीने आमदार आलेले नाहीत. स्वत:च्या मर्जीने आमदार आमच्यासोबत आहेत. जवळपास चाळीसपेक्षा जास्त आमदार माझ्यासोबत आहेत.

कालही मी बाळासाहेबांचा कट्टर शिवसैनिक होतो. आजही आहे. बाळासाहेब आणि दिघे साहेब आमच्यासाठी आदर्श आहोत. काल आज आणि उद्या आम्ही बाळासाहेबांचे शिवसैनिक आहोत. आमची भूमिका सुरुवातीपासूनच हिंदुत्त्वाची होती. असे एकनाथ शिंदे म्हणाले.

अद्यापतरी शिवसेना सोडण्याचा आम्ही निर्णय घेतलेला नाही. सत्तेसाठी आम्ही हिंदुत्ताशी तडजोड करणार नाही. बाळासाहेबांच्या मार्गदर्शनाखाली काम करणारे आम्ही कार्यकर्ते आहोत. बाळासाहेबांच्या विचाराचे आमदार आज माझ्यासोबत आलेले आहे. विकासाचे राजकारण आणि बाळासाहेबांचे राजकारण पुढे घेऊन जाण्याचा आमचा प्रयत्न आहे.

एकनाथ शिंदे यांच्यासोबत शिवसेनेचे ३३ तर अपक्ष सात असे एकूण चाळीस आमदार आहेत. या सर्व आमारांना घेऊन शिंदे सुरतहून गुवाहाटी येथे दाखल झाले आहेत.