चिपळूण आणि रत्नागिरीला पावसाने झोडपलं; राज्यभरात पुढील दोन ते तीन दिवसात मुसळधार पावसाचा अंदाज

गेल्या १६ तासांपासून चिपळूणला पावसानं झोडपलं

हवामान विभागाच्या अंदाजानुसार, चिपळूण आणि रत्नागिरीमध्ये मुसळधार पावसाला सुरुवात झाली आहे. गेल्या १६ तासांपासून चिपळूणला पावसानं झोडपलं आहे. मुसळधार पावसामुळे शहरातील अनेक ठिकाणी पाणी भरलं आहे. पावसाचा जोर असाच कायम राहिला तर समुद्र भरतीच्या वेळी शहरात पाणी भरण्याची भीती देखील व्यक्त केली जात आहे. दरम्यान, हवामान विभागाकडून देण्यात आलेल्या इशाऱ्यानंतर चिपळूण शहरातील प्रशासकीय यंत्रणा सज्ज झाली आहे. चिपळूण नगरपालिका आणि प्रशासनाने नागरिकांसाठी हेल्पलाईन नंबर जाहीर केले आहेत. त्याचसोबत, आपत्ती व्यवस्थापन समिती देखील सज्ज झाली आहे.

आणखी वाचा

पाच वर्षांत पन्नास हजार एकर द्राक्ष लागवड क्षेत्रात घट, उत्पादन खर्च वाढल्याने अन्य पिकांकडे कल

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

राज्यात ५० हजार एकर द्राक्षबागेवर कुऱ्हाड ? जाणून घ्या, नोटबंदी, कोरोना टाळेबंदी, नैसर्गिक आपत्तींचा परिणाम

दाम्पत्याला भाट्ये समुद्रात खेळणे पडले महागात; स्थानिक मच्छीमारांनी वाचविले प्राण

चंद्रपूर जिल्ह्यात सातवाहनकालीन वस्तीचे अवशेष; कधी होते मोठे शहर, आज आहे गर्द वनराई…

थंडी पुन्हा कमी होण्याची शक्यता?

उत्तरेत ऐन थंडीत बटाटा तापला; पश्चिम बंगालने राज्याबाहेर बटाटा, कांदा विक्री, वाहतुकीस घातली बंदी

रत्नागिरीत सीएनजी टँकरमधून मोठ्या प्रमाणात वायू गळती

खेड, दापोलीसह रत्नागिरीत देखील पावसाचा तडाखा

चिपळूणमध्ये बाजारपूल पाण्याखाली गेला आहे. पुढील २४ तास देखील जिल्ह्यात मुसळधार पाऊस होणार असल्याचा अंदाज हवामान विभागाने व्यक्त केला आहे. वाशिष्ठी नदीच्या पाणीपातळीत देखील वाढ झाली आहे. तर चिपळूणसह खेड, दापोली भागात देखील मुसळधार पाऊस पडत आहे. इतकंच नव्हे तर दापोली शहरातील केळस्कर नाका येथे ढगफुटी सदृश्य पाऊस झाला आहे. दुसरीकडे, रत्नागिरी जिल्ह्यात देखील मुसळधार पाऊस सुरु आहे. रत्नागिरी जिल्ह्यात उत्तरेकडे तुलनेने पावसाचा जोर जास्त आहे.