Maharashtra Assembly Election 2024 : “…तर रक्तरंजित क्रांती करणार”, एकनाथ शिंदेंच्या उमेदवाराची भरसभेत धमकी

सांगली : गोपीनाथ मुंडे यांनी पाणी आणि महिला विकासावर काम करण्याचा विचार मला दिला. यानुसार आम्ही काम करत आहोत. पंतप्रधान नरेंद्र मोदी यांच्या नेतृत्वाखाली राज्यातील महायुती सरकारने महिलांचा सन्मान केला. यापुढेही महिलांना सन्मान आणि सुरक्षा देण्याचे काम महायुती सरकारच करेल, असे प्रतिपादन आमदार पंकजा मुंडे यांनी बेडग येथे प्रचार सभेत केले.

जिल्ह्याचे पालकमंत्री तथा मिरज विधानसभा मतदारसंघातील भाजपचे उमेदवार सुरेश खाडे यांच्या प्रचारार्थ आज बेडग (ता. मिरज) येथे श्रीमती मुंडे यांच्या प्रचार सभेचे आयोजन करण्यात आले होते. या वेळी भाजपचे ग्रामीण जिल्हाध्यक्ष दीपक शिंदे, नीता केळकर व पक्षाचे पदाधिकारी उपस्थित होते.

सांगली : विकास की दडपशाही करणारा प्रतिनिधी निवडायचा याचा निर्णय मतदारांनी या निवडणुकीत घ्यायचा असून मतदार जागरूकतेने विकास कामांसाठीच योग्य उमेदवार निवडतील, असा विश्वास तासगाव-कवठेमहांकाळचे राष्ट्रवादी काँग्रेस (शरद पवार) पक्षाचे उमेदवार रोहित पाटील यांनी व्यक्त केला.

वायफळे (ता. तासगाव) येथील बस स्थानक चौकात आयोजित जाहीर सभेत ते बोलत होते. ते म्हणाले, गेल्या अनेक वर्षांपासून आम्ही सामान्य लोकांसाठी काम करतोय. लोकांच्या सुख-दु:खात जातोय. आम्ही काम करतोय, हे लोकांनी जवळून बघितले आहे. आबांचा वारसा आम्ही चालवत असून काम केले. त्यामुळे जिल्हा परिषद व पंचायत समिती निवडणुकीमध्ये विरोधकांचा चिंचणी गट सोडला तर इतर सर्व ठिकाणी आमचे उमेदवार निवडून आले.

सोलापूर : काँग्रेसच्या विरोधात सतत खोटे बोलून, देशवासीयांची दिशाभूल करून सत्तेवर आलेले पंतप्रधान नरेंद्र मोदी यांनी केवळ अदानी-अंबानींचेच भले केले आहे. उर्वरित देशाला वाऱ्यावर सोडून दिले आहे. आता पुन्हा धर्माच्या नावे केवळ सत्तेसाठी फोडाफोडीचे राजकारण करीत ' बटेंगे तो कटेंगे ' चा खोटा सापळा मोदींनी रचला आहे. त्यापासून जनतेने सावध राहावे, असे आवाहन काँग्रेसचे अध्यक्ष मल्लिकार्जुन खरगे यांनी केले आहे.

विधानसभा निवडणुकीत अक्कलकोट येथे काँग्रेसचे उमेदवार सिद्धाराम म्हेत्रे यांच्या प्रचारार्थ आयोजित जाहीर सभेत खरगे बोलत होते. यावेळी पक्षाचे ज्येष्ठ नेते सुशीलकुमार शिंदे व खासदार प्रणिती शिंदे यांच्यासह शेजारच्या कर्नाटकातील आळंदीचे आमदार बी. आर. पाटील, काँग्रेसचे जिल्हाध्यक्ष धवलसिंह मोहिते-पाटील आदी उपस्थित होते.