Maharashtra Assembly Election 2024 Live : मूलभूत गरजा, दळणवळण, उद्योग धोरण अन् मराठी अस्मिता; मनसेच्या जाहीरनाम्यात नेमकं काय काय?

राज ठाकरेंनी चार टप्प्यातील जाहीरनामा प्रसिद्ध केला आहे. त्यापैकी पहिल्या टप्प्यात मुलभूत गरजा, दर्जेदार जीवनमान, पुरेसं अन्न, पिण्याचं पाणी, कायदा, सुव्यवस्था, महिला सुरक्षा, क्रिडा, बालसंगोपन, प्राथमिक शिक्षण आणि रोजगार

दुसरा टप्पा - दळणवळण, वीज, पाण्याचं नियोजन, महाराष्ट्राभर शहरांचे जाळे, घनकचरा व्यवस्थापन, मलनिस:रण, मोकळ्या जागा, पर्यावरण आणि जैवविवधता

तिसरा टप्पा - राज्याचं औद्योगिक धोरण, व्यापार धोरण, प्रशासन आणि उद्योग नियंत्रण, कृषी, पर्यटन आणि व्यावसायिक शिक्षण

चौथा टप्पा - मराठी अस्मिता, मराठी भाषेचा प्रचार, दैनंदिन वापरात मराठी, व्यवहारात मराठी, डिजिटल जगात मराठी जागतिक व्यावसीफाटवर मराठी, गड किल्ले संवर्धन, पारंपरिक खेळ.

१७ तारखेच्या सभेसाठी सरकारकडून परवानगी आलेली नाही. त्यामुळे दीड दिवस त्या सभेकरता उरलेला आहे. दीड दिवसांत या सभा करणं कठीण होऊन बसतंय. त्यामुळे १७ तारखेची सभा करत नाहीत. त्याऐवजी मुंबई ठाण्यातील मतदारसंघात दौरा सुरू होणार आहे- राज ठाकरे

महायुती आणि मनसेची विचारसरणी एकच आहे. दोघांनीही हिंदुत्वाचा पुरस्कार केला आहे. राज ठाकरे यांनी लोकसभा निवडणुकीत आम्हाला पाठिंबा दिला होता. पण विधानसभा निवडणूक ते स्वतंत्रपणे लढत आहेत. पक्ष निवडणुकीपासून सतत दूर राहिल्यास कार्यकर्त्यांमध्ये शैथिल्य येते. यातूनच बहुधा राज ठाकरे हे स्वतंत्रपणे लढत असावेत. शेवटी पक्ष चालविण्याचा त्यांचा वैयक्तिक निर्णय आहे. मनसेने महायुतीत बरोबर यावे, असे प्रयत्न झाले. पण काही कारणाने ते शक्य झाले नाही, असे मत देवेंद्र फडणवीस यांनी लोकसत्ताला दिलेल्या विशेष मुलाखतीत मांडले.