Maharashtra Politics Live Updates Today : विधानसभा निवडणुकीसाठी उमेदवारी अर्ज दाखल करण्यासाठी अखेरचे दोन दोन दिवस शिल्लक असतानाही महायुती आणि महाविकास आघाडीतील घोळ संपलेले नाहीत. दोन्ही आघाड्यांतील सर्वच पक्षांमध्ये मोठ्या प्रमाणावर बंडखोरी झाली आहे. बंडोबांना शांत करण्याची मोहीम पक्षांच्या नेत्यांना हाती घ्यावी लागली आहे. महायुतीतील जागावाटपाचा तिढा कायम असतानाच महाविकास आघाडीतील सुंदोपसुंदीही चव्हाट्यावर आली आहे. तर, आजपासून उमेदवारी अर्ज भरण्यास वेग येणार आहे. काहींनी गुरुपुष्यामृत योग म्हणजेच २४ ऑक्टोबर रोजी अर्ज भरले. तर, उर्वरित आज आणि उद्यामध्ये अर्ज दाखल करतील.
आतापर्यंत जाहीर झालेले उमेदवार किती?
महाविकास आघाडी
काँग्रेस – १००
राष्ट्रवादी काँग्रेस (शरद पवार) – ७६
शिवसेना (उद्धव ठाकरे) – ८४
महायुती
भाजपा – १२१
शिवेसना (एकनाथ शिंदे) – ६५
राष्ट्रवादी (अजित पवार) – ४९
Maharashtra Breaking News Live Today, 28 October 2024 : विधानसभेचा अर्ज भरण्यास सुरुवात; उरले फक्त दोन दिवस
चंद्रपूर: विधानसभा निवडणुकीत सहा तिकीट मीच वाटणार असे जाहीर वक्तव्य करणाऱ्या काँग्रेस खासदार प्रतिभा धानोरकर यांच्यावर काँग्रेसचे ज्येष्ठ नेते तथा राज्याचे विरोधी पक्षनेते विजय वडेट्टीवार यांनी मात केली आहे. वडेट्टीवार चार समर्थकांना उमेदवारी मिळवून देण्यात यशस्वी झाले तर धानोरकर या केवळ स्वतःच्या भावाची उमेदवारी आणू शकल्या.
Vasantdada Patil Family in Sangli Vidhan Sabha Constituency सांगली : राज्यात राजकीय क्षेत्रात एकेकाळी प्रबळ असलेल्या सांगलीतील वसंतदादा घराण्यात विधानसभा उमेदवारीवरून पुन्हा एकदा फुटीचे ग्रहण लागण्याची चिन्हे दिसत आहेत. दादा घराण्यातील थोरली विरूध्द धाकटी पाती असा हा संघर्ष आता नव्या वळणावर पोहचला असून लोकसभा निवडणुकीत एकसंघ दिसणारी काँग्रेस संघटना फुटीच्या उंबरठ्यावर पोहचली आहे.
पुणे : कोथरूड विधानसभा मतदारसंघातून भारतीय जनता पक्षाच्या तिकिटावर निवडणूक लढविणारे उच्च व तंत्रशिक्षण मंत्री चंद्रकांत पाटील यांचे ' टेन्शन ' वाढले आहे. उमेदवारी न मिळाल्याने भाजपचे माजी नगरसेवक अमोल बालवडकर यांनी बंडखोरी करत निवडणूक लढविण्याचा निर्णय घेतला असल्याने चंद्रकांत पाटील यांच्या अडचणीत वाढ होण्याची शक्यता आहे.
कोल्हापूर : कोल्हापूर जिल्ह्यात महाविकास आघाडीचे उमेदवार जाहीर होताच चार मतदारसंघात बंडाचे झेंडे लागले आहेत. काही ठिकाणी नाराजी उफाळून आली आहे. कोल्हापूर उत्तर मधील उमेदवारीवरून तर जिल्हा काँग्रेस भवनावर दगडफेक करण्याचा प्रकार घडला. यामुळे महाविकास आघाडी अंतर्गत बंडखोरांची नाराजी दूर करण्याचे कडवे आव्हान निर्माण झाले आहे.
अर्ज भरताना चांगला प्रतिसाद मिळाला. लहानपणांपासून मी यांच्यासोबत वाढलो ते सर्व आज आले. मला वाटतं की माझं काम प्रामाणिक करणार आहे. त्यामुळे कोणी अर्ज मागे घेणार आहे हे माहीत नाही - अमित ठाकरे
रक्ताच्या नाताने वारसा येत नाही. विचाराने आणि कृतीने वारसा येतो. विचार आणि कृतीने आनंद दिघे यांचा वारसा एकनाथ शिंदे यांच्याकडेच येईल. आम्ही प्रत्येक निवडणूक आव्हानात्मक मानतो. पण मला वाटतंय की लोक आम्हाला पुन्हा सत्ता देणार. मुंबईत महायुतीची ताकद आहे. मुंबई महायुतीबरोबर आणि मुंबई मोदींबरोबर - देवेंद्र फडणवीस</p>
https://Twitter.com/AjitPawarSpeaks/status/1850788660943147194
राष्ट्रवादी शरद पवार गटाचे खासदार अमोल कोल्हे हे डिपॉझिट जप्त झालेल्या उमेदवाराला उमेदवारी देण्यात यशस्वी झाले आहेत. अशी टीका बंडखोर नाना काटे यांनी कोल्हे यांच्यावर केली आहे.
महायुती मधून अजित पवार गटाचे नाना काटे हे बंडखोरी करत आज उमेदवारी अर्ज दाखल करणार आहेत. त्यापूर्वी त्यांनी प्रसारमाध्यमांशी संवाद साधला. यावेळी त्यांनी खासदार अमोल कोल्हे यांच्यासह महाविकास आघाडीचे उमेदवार राहुल कलाटे यांच्यावर सडकून टीका केली. महायुतीचे उमेदवार शंकर जगताप यांच्यावर देखील त्यांनी निशाणा साधला.
युगेंद्र पवारांचा अर्ज भरण्याकरता शरद पवार, सुप्रिया सुळे उपस्थित
प्रत्येकाला निवडणूक लढवण्याचा अधिकार आहे. प्रत्येकवेळी मी माझ्या विरोधातील उमेदवाराला तगडा आहे, असं समजूनच माझ्या कार्यकर्त्यांनी, मी आणि माझ्या कुटुंबीयांनी प्रचार केला आहे. यावेळीही बारामतीकर चांगल्या मतांनी मला जिंकवतील - अजित पवार</p>
संजय राऊतांनी नाराजीचा विषय संपवला पाहिजे. विरोधकांच्या विरोधात आपल्याला लढायचं आहे. मला असं वाटतं की संजय राऊतांनी आपली भूमिका विरोधकांच्या विरोधात टाकली पाहिजे असा माझा प्रेमाचा सल्ला आहे - नाना पटोले</p>
राज्याचे उपमुख्यमंत्री अजित पवार आणि त्यांचे पुतणे युगेंद्र पवार एकमेकांविरोधात बारामतीत उभे ठाकले आहेत. हे दोघेही आज उमेदवारी अर्ज दाखल करणार आहेत.
आम्ही सगळे एकत्र लढतो आहोत. सोलापूर दक्षिण या जागेवर शिवसेनेने उमेदवार दिला आहे. काँग्रेसच्या यादीतही काँग्रेसने उमेदवार जाहीर केला. आता मी असं मानतो ही टायपिंग मिस्टेक आहे. पण अशा टायपिंग मिस्टेक आमच्याकडूनही होऊ शकतात - संजय राऊत</p>
विधानसभा निवडणुकीसाठी उमेदवारी अर्ज दाखल करण्यासाठी अखेरचे दोन दोन दिवस शिल्लक असतानाही महायुती आणि महाविकास आघाडीतील घोळ संपलेले नाहीत.
Maharashtra Breaking News Live Today, 28 October 2024 : विधानसभेचा अर्ज भरण्यास सुरुवात; उरले फक्त दोन दिवस