Eknath Shinde PC : मुख्यमंत्री पदाबाबत एकनाथ शिंदे यांनी भूमिका स्पष्ट केल्यानंतर देवेंद्र फडणवीस म्हणाले, “निवडणुकीच्या पूर्वीही…”

आम्ही सर्व एकत्रितच आहोत. आमच्या महायुतीत मतभेद नाहीत. आम्ही निवडणुकीच्या पूर्वीही सांगितलं होतं. पक्षश्रेष्ठी निर्णय घेतील. सर्वांच्या मनातील किंतू परंतू एकनाथ शिंदे यांनी दूर केले - देवेंद्र फडणवीस</p>

आम्ही नाराज होऊन रडणारे नाही तर लढणारे लोक आहेत. एवढा मोठ विजय मिळाला. या विजयाची आतापर्यंतच्या विजयामध्ये ऐतिहासिक गणना होत आहे. यामध्ये ऐतिहासिक गणना होण्याचं कारण म्हणजे जीव तोडून मेहनत केली. लोकांमध्ये गेलो. घरी बसलो नाही. जे काही काम केलं ते मनापासून केलं. माझ्या शरीरात रक्ताचा थेंब असेपर्यंत मी जे काम करेन ते महाराष्ट्राच्या जनते करताच करेन. मला काय मिळालं यापेक्षा महाराष्ट्राच्या जनतेला काय मिळालं हा माझा उद्देश होता.

मुख्यमंत्री एकनाथ शिंदे ( Eknath Shinde ) यांनी ठाण्यातल्या पत्रकार परिषदेत सगळ्या पत्रकारांचं स्वागत केलं. निवडणुकीच्या निकालानंतर पहिल्यांदाच तुम्ही भेटत आहात. तुमच्या माध्यमांतून सगळ्या मतदारांचे आभार मानतो. हा जो विजय आम्हाला मिळाला तो अभूतपूर्व विजय आहे. गेल्या अनेक वर्षांत असा निकाल जनतेने दिलेले नाही. मागच्या अडीच वर्षात महायुतीने उत्तम काम केलं आहे. एकीकडे विकासकामं केली, महाविकास आघाडीने थांबवलेली कामं आम्ही पुढे नेली असंही एकनाथ शिंदे म्हणाले. तसंच दुसरीकडे कल्याणकारी योजना राबवल्या. विकास आणि कल्याणकारी योजनांची सांगड आम्ही घातली असंही एकनाथ शिंदे म्हणाले. महायुतीच्या सगळ्या कार्यकर्त्यांनी प्रचंड काम केलं आहे. मी कार्यकर्त्यांचेही आभार मानतो असंही एकनाथ शिंदे ( Eknath Shinde ) यांनी ठाण्यातल्या पत्रकार परिषदेत सांगितलं.

सविस्तर बातमी वाचा

कुठेही घोडं अडलेलं नाही. मी मोकळ्या मनाचा माणूस आहे. मी काहीही ताणून धरलेलं नाही. मी सांगितलं की सगळ्या पदांपेक्षाही लाडका भाऊ ही ओळख मोठी आहे. मी स्वतः मोदींना मी फोन केला होता, फोन करून सांगितलं की सरकार बनवताना, तुम्हाला निर्णय घेताना माझी अडचण असेल असं कधीही मनात आणू नका. तुम्ही आम्हाला मदत केली. अडीच वर्षे संधी दिली. या राज्याचा विकास करण्याकरता.. त्यामुळे तुम्ही निर्णय घ्या. तुमचा निर्णय घ्या. महायुतीचे प्रमुख म्हणून तुम्ही घेतलेला निर्णय भाजपासाठी अंतिम असेल तसा आमच्यासाठीही अंतिम असेल. माझी अडचण नसेल. मी काल मोदींना, अमित शाहांना फोन केला. माझ्या भावना सांगितल्या. सरकार बनवताना माझा कोणताही अडसर नसणार हे मी सांगितलं आहे.

https://www.youtube.com/watch?v=m5i0pZnYYbA

मी स्वतःला मुख्यमंत्री समजलो नाही. मी स्वतःला कॉमन मॅन समजत होतो. कॉमन मॅनमध्ये जाताना मला अडथळा येत नव्हता. - एकनाथ शिंदे</p>

मी सर्वसामान्य शेतकरी कुटुंबातून आलोय, त्यांच्या वेदना व्यथा पाहिल्या आहेत. आई, पत्नीचा विषय मांडला. कसे ते काटकसर करायचे, कसं घर महिना चालवायचे, कसं त्यांचं नियोजन असायचं ते माझ्या डोक्यात पहिल्यापासून होतं. ज्यादिवशी अशाप्रकारचा अधिकार माझ्याकडे येईल तेव्हा सर्वसामान्य लोकांसाठी लाडक्या बहिणी, भाऊ शेतकरी, ज्येष्ठांसाठी रुग्णांसाठी मी काही ना काही केलं पाहिजे. अशी भावना माझ्या मनात होती. शेवटी त्यातून जावं लागतं माणसाला. त्यातून ते जात असतात. - एकनाथ शिंदे

https://www.youtube.com/watch?v=m5i0pZnYYbA&feature=youtu.be

काळजीवाहू मुख्यमंत्री थोड्याचवेळात पत्रकारांशी संवाद साधणार आहे. निवडणूक निकालानंतर ते बरेच दिवस माध्यमांसमोर आले नाहीत. ते नाराज असल्याची चर्चा आहेत. दरम्यान, आज त्यांच्या ठाण्याच्या निवासस्थानी पत्रकार परिषदेचं आयोजन करण्यात आलं असून आज तो मोठी घोषणा करणार असल्याचं सांगितलं जातंय.

इथे पाहा लाईव्ह प्रक्षेपण - https://www.youtube.com/live/m5i0pZnYYbA