Maharashtra Politics Live Updates : महायुतीला मिळालेल्या निर्विवाद यशानंतर गेले दोन दिवस मुख्यमंत्रीपदावरून एकनाथ शिंदे आणि शिवसेनेने आक्रमक भूमिका घेतली असली तरी पुन्हा मुख्यमंत्रीपद मिळणार नाही हे भाजपच्या वतीने स्पष्ट करण्यात आल्यानेच बहुधा शिंदे यांनी एक पाऊल मागे घेतले आहे. आधी आक्रमक भूमिका घेणाऱ्या शिवसेनेच्या प्रवक्त्यांची भाषाही मंगळवारी सौम्य झाली. या साऱ्या घडामोडींमधून मुख्यमंत्रीपदी देवेंद्र फडणवीस यांची निवड होणार, असे स्पष्ट संकेत मिळत आहेत. दरम्यान, मुख्यमंत्री पदाबाबत दिल्लीतून चर्चा होणार असल्याची शक्यता आहे. तसंच, लवकरच महायुतीची संयुक्त बैठक होण्याची शक्यता आहे. यातच मुख्यमंत्री पदाचा तोडगा निघू शकेल. तोवर राज्याला प्रतीक्षाच करावी लागणार आहे. राज्यातील राजकीय घडामोडी जाणून घेऊयात.
Maharashtra Breaking News Live Updates : राज्याचे नवे मुख्यमंत्री कोण? जनसामान्यांनाही पडला प्रश्न!
डोंबिवलीतील ६५ बेकायदा इमारती जमीनदोस्त करा, उच्च न्यायालयाचे कल्याण डोंबिवली पालिका प्रशासनाला आदेश
कल्याण – बनावट कागदपत्रांच्या आधारे ६५ इमारतींची उभारणी करून नागरिकांची फसवणूक केल्याबद्दल मुंबई उच्च न्यायालयाचे मुख्य न्यायमूर्ती दिपांंकर दत्ता, न्यायमूर्ती अमित बोरकर यांनी या सर्व बेकायदा इमारती येत्या तीन महिन्यांच्या कालावधीत तोडण्याचे आदेश कल्याण डोंबिवली पालिका प्रशासनाला दिले आहेत.
निवडणूक कामाच्या मानधनात तफावत?
विधानसभा निवडणुकीसाठी काम केलेल्या कर्मचाऱ्यांना मानधन देण्यात येते. मात्र, या मानधनाच्या रकमेत तफावत असल्याचे समोर आले आहे. मतदान केंद्रे वेगळी असली, तरी कामाचे स्वरूप समान असताना मानधनाच्या रकमेत तफावत का, असा प्रश्न उपस्थित करण्यात आला आहे. सविस्तर वाचा…
आमदारकीसाठी महायुतीत पुन्हा चढाओढ, नक्की काय आहे प्रकार ?
विधानसभा निवडणुकीच्या निकालानंतर आता विधान परिषदेच्या सहा जागा रिक्त झाल्या असून, या जागांवर पुण्यातील कोणाला संधी दिली जाणार, याकडे लक्ष लागले आहे.
आमदार होताच कार्यकर्त्यांनी घेतला ‘हा ‘ मोठा निर्णय ! नवनिर्वाचित आमदारांच्या शुभेच्छांचे शहरभर फलक, प्रशासनाकडून कारवाईचा फक्त देखावा
विधानसभेच्या निवडणुकीत महायुतीला राज्यात मोठे यश मिळाले आहे. आज पर्यंतच्या इतिहासात कोणत्याही एका पक्षाला मिळाल्या नव्हत्या इतक्या जागा महायुतीच्या माध्यमातून निवडणूक लढविणाऱ्या भाजपला मिळाल्या आहेत. सविस्तर वाचा…
पुण्यातील मावळमध्ये हॉटेल मालकाने केली ग्राहक मित्राची हत्या; वेटर सोबत झाले होते वाद!
पुण्यातील मावळमध्ये हॉटेल मालकाने ग्राहकाची हत्या केली आहे. प्रसाद उर्फ किरण अशोक पवार अस हत्या झालेल्या व्यक्तीचं नाव आहे. घटने प्रकरणी हॉटेल मालक अक्षय येवलेला तळेगाव एमआयडीसी पोलिसांनी ताब्यात घेतल आहे. सविस्तर वाचा…
पेट्रोलऐवजी बायोइथेनॉलवर वाहने धावणार! देशात पुढील ६ महिन्यांत होणाऱ्या मोठ्या बदलाची गडकरींची माहिती
देशात शंभर टक्के बायोइथेनॉलवरील वाहने लवकरच धावणार आहेत. देशातील मोटार उत्पादक कंपन्यांकडून पुढील सहा महिन्यांत शंभर टक्के बायोइथेनॉलवर चालणाऱ्या मोटारी सादर करण्यात येणार आहेत. सविस्तर वाचा…
Maharashtra Live News : “जावई आणि लेकीने आता सासरी जावे”, धर्मरावबाबा आत्राम म्हणाले…
शरद पवार गटाने मंत्री धर्मरावबाबा आत्राम यांच्या विरोधात भाग्यश्री यांना उमेदवारी दिली. त्यामुळे अहेरी विधानसभेत वडील विरुद्ध मुलगी, दुसरीकडे बंडखोर उमेदवार पुतण्या अम्ब्रीशराव आत्राम, अशी तिरंगी लढत झाली.
धर्मराव आत्राम यांनी विजयानंतर त्यांच्या निवासस्थानाबाहेर पोस्टर लावले असून त्यात आखिर बाप बाप होता है, असं त्यांनी म्हटलंय. त्यांच्याविरोधता राष्ट्रवादी काँग्रेस (शरद पवार) यांच्या पक्षाकडून त्यांची मुलगी भाग्यश्री आत्राम यांना उमेदवारी देण्यात आली होती. हे दोघेही अहेरी विधानसभा मतदासंघातून निवडणूक लढवत होते.
महायुतीला प्रचंड बहुमत तरीही मुख्यमंत्री कोण हे का ठरत नाही? संजय राऊत यांचा सवाल
तीन पक्षांच्या युतीला सैतानी बहुमत मिळालं आहे. भाजपाला मित्र पक्ष मिळून १४० जागा मिळाल्या आहेत. महायुतीला २३० हून जास्त जागा मिळआल्या आहेत. एवढं मोठं यश मिळूनही जर का मुख्यमंत्री कोण हे निश्चित होत नसेल तर देवेंद्र फडणवीस, एकनाथ शिंदे आणि अजित पवार यांचा एकमेकांच्या तंगड्यांमध्ये तंगडं अडकवण्याचा कार्यक्रम पडद्यामागे सुरु आहे असं वक्तव्य संजय राऊत यांनी ( Sanjay Raut ) केलं आहे. असं जर असेल तर बहुमत लोकांनी का दिलं? असा प्रश्न त्यांनी विचारला आहे.
दुसऱ्या पत्नीला आई म्हणण्यास नकार दिल्याने मुलाची हत्या, आरोपीला जन्मठेपेची शिक्षा
मुंबई : दुसऱ्या पत्नीला आई म्हणण्यास नकार दिल्याने मुलाचा खून केल्याच्या आरोपाप्रकरणी सत्र न्यायालयाने एकाला दोषी ठरवून जन्मठेपेची शिक्षा सुनावली.
राष्ट्रपती पदकविजेत्या पोलिसाची अटक बेकायदा, तपासावर प्रश्नचिन्ह उपस्थित करताना उच्च न्यायालयाचा निर्वाळा
मुंबई : हत्येच्या प्रकरणात सदोष तपास केल्याचा आरोप करून राष्ट्रपती पदकविजेत्या पोलिसाला केलेली अटक उच्च न्यायालयाने नुकतीच बेकायदा ठरवली.
VIDEO : वाघाच्या बछड्यांनीही घेतला कोवळ्या उन्हाचा आनंद
नागपूर : ताडोबाची खरी राणी कोण ? असा प्रश्न जर कुणी विचारलाच तर समोर नाव येतं ते “छोटी तारा” या वाघिणीचे. ताडोबात पहिल्यांदा रेडिओ कॉलर कोणत्या वाघिणीला लावली असेल तर ती “छोटी तारा” या वाघिणीला.
Sanjay Raut on Dy Chandrachud: “माजी सरन्यायाधीश चंद्रचूड यांनी जाता जाता…”, संजय राऊत यांचे प्रत्युत्तर; म्हणाले, ‘त्यांना काही कळते का?’
सर्वोच्च न्यायालयाने काय करावे हे राजकीय पक्ष ठरविणार का? असा सवाल उपस्थित करून माजी सरन्यायाधीश डीवाय चंद्रचूड यांनी शिवसेना (ठाकरे) पक्षावर टीका केली होती. त्याला आता संजय राऊत यांनी प्रत्युत्तर दिले आहे. सविस्तर वाचा
बुलढाणा जिल्ह्यात काँग्रेसच्या पराभवाने मुकुल वासनिक यांची दिल्ली दरबारी अडचण!
बुलढाणा : काँग्रेसचे राष्ट्रीय नेते तथा जिल्हा काँग्रेसचे सर्वेसर्वा मुकुल वासनिक ‘यांचा जिल्हा’ अशी बुलढाण्याची ओळख. काँग्रेसचा वर्षानुवर्षे बालेकिल्ला राहिलेल्या बुलढाण्यात यंदाच्या निवडणुकीत काँग्रेसवर पराभवाची नामुष्की ओढवली.
Maharashtra Live News : राज्याचे नवे मुख्यमंत्री कोण? सत्तास्थापनेचं घोडं कुठे अडलं?
राज्यात सत्तास्थापनेचा पेच निर्माण झाला आहे. जनसामान्यांमध्ये आता एकच प्रश्न सातत्याने उपस्थित केला जातोय. राज्याचे नवे मुख्यमंत्री कोण असणार, याविषयीची नाका नाक्यावर आणि पारावर चर्चा सुरू आहे. मुख्यमंत्री पद ठरत नसल्याने सत्ता स्थापनेचा मुहुर्तही लांबला गेला आहे.
महाराष्ट्र सरकार स्थापन २०२४
Maharashtra Breaking News Live Updates : राज्याचे नवे मुख्यमंत्री कोण? जनसामान्यांनाही पडला प्रश्न!
