विधानभवनात शिंदे गटाचे आमदार थेट मंत्र्यांनाच भिडले; कारण विचारताच म्हणाले, “…म्हणून माझी दादा भुसेंशी बाचाबाची झाली!”

नेमकं काय घडलं?

सभागृहात विरोधी पक्षांच्या आमदारांवर आक्रमकपणे व्यक्त होणारे सत्ताधारी पक्षाचे आमदारच एकमेकांविरोधात आक्रमक झाल्याचं आज विधानसभेच्या बाहेर दिसून आलं. आमदार महेंद्र थोरवे आणि मंत्री दादा भुसे यांच्यात झालेल्या बाचाबाचीची चर्चा आज विधानभवनात पाहायला मिळाली. यासंदर्भात शिंदे गटाच्या इतर आमदारांना विचारणा केली असता विकासकामासंदर्भात झालेली की चढ्या आवाजातली चर्चा होती, अशी सारवासारव प्रताप सरनाईक यांनी माध्यमांशी बोलताना केली. मात्र, महेंद्र थोरवे यांनी स्वत: टीव्ही ९ शी बोलताना यासंदर्भात भूमिका स्पष्ट करताना बाचाबाची झाल्याचं मान्य केलं.

आणखी वाचा

Maharashtra Vidhan Sabha Election Results 2024 Live Updates: त्रिशंकू की स्थिर सरकार? विधानसभेच्या निकालासाठी उरले अवघे काही तास

Maharashtra Politics : निकालाच्या काही तास आधी राजकीय…

Vinod Tawde : “जाहीर माफी मागा, अन्यथा…”; राहुल गांधी, खरगेंविरोधात विनोद तावडे आक्रमक

Narayan Rane : विधानसभा निवडणूक निकालानंतर शरद पवार महायुतीशी हात मिळवणार? भाजपा खासदाराचा दावा काय?

Uddhav Thackeray : “…तर मोठा स्फोट झाला असता”, गौतम अदाणी प्रकरणावरून उद्धव ठाकरेंचं मोठं विधान

Sanjay Shirsat on Guwahati: “यावेळी उटी, गुवाहाटी जाणार नाही तर जिवाची..”, शिंदे गटाच्या नेत्याने सांगितले सत्तास्थापनेसाठीचे ‘डेस्टिनेशन’

Maharashtra Assembly Election Rebel Candidates Results : ‘या’ ३५ बंडखोरांनी महायुती-मविआची चिंता वाढवली, निवडणुकीच्या निकालावर परिणाम होणार?

Bala Nandgaokar : बाळा नांदगावकरांनी घेतली देवेंद्र फडणवीसांची भेट; म्हणाले, “त्यांनी मला पाठिंबा…”

एकनाथ शिंदे खरंच शरद पवारांबरोबर जाणार? शिंदे गटाच्या नेत्याच्या दाव्यावर छगन भुजबळांचा टोला

काय म्हणाले महेंद्र थोरवे?

महेंद्र थोरवेंनी बाचाबाची झाल्याच्या मुद्द्याला दुजोरा देताना दादा भुसेंवर आगपाखड केली आहे. “ते मला म्हणाले तुम्ही अशा पद्धतीने मला प्रश्न विचारू शकत नाहीत. मी आमदार आहे. माझ्या मतदारसंघातलं काम आहे. मी तुम्हाला प्रश्न विचारणार नाही तर कुणाला विचारणार? मुख्यमंत्र्यांना मी सांगितलं तर एका क्षणात त्यांना फोन करून सांगितलं की दादा तुम्ही हे काम बोर्ड मीटिंगमध्ये घ्या. पण तरीही ते काम त्यांनी घेतलं नाही. म्हणून आमची थोडी बाचाबाची झाली”, असं महेंद्र थोरवे म्हणाले.

“त्यांनी जाणीवपूर्वक हे काम का केलं नाही ते मला माहिती नाही. पण दादा भुसे प्रत्येक आमदाराच्या बाबतीत नकारात्मक पद्धतीने विचार करत असतात. असं त्यांनी वागू नये”, अशा शब्दांत महेंद्र थोरवे यांनी दादा भुसेंवर टीका केली.

“आधीच्या खात्याचंही काम केलं नाही”

दरम्यान, दादा भुसेंकडे आधी असलेल्या खात्याचं त्यांना सांगितलेलं एक कामही त्यांनी केलं नसल्याचा आरोप महेंद्र थोरवे यांनी केला. “ते कर्जतमध्ये आले तेव्हा तिथल्या विकासकामांचं लोकार्पण त्यांनी केलं होतं. मी दादा भुसेंना त्यांच्या सध्याच्या खात्याबाबत सांगितलेलं हे पहिलंच काम होतं. त्यांच्या याआधीच्या खात्याचंही एक काम मी तेव्हा सांगितलं होतं. तेही त्यांनी केलं नव्हतं. आता हे कामही त्यांनी केलेलं नाही. त्यामुळे माझी त्यांच्याशी बाचाबाची झाली”, असं महेंद्र थोरवे म्हणाले.