“तो म्हणतोय मराठ्यांना आरक्षण मिळू देणार नाही”, मनोज जरांगेंचा रोख कोणाकडे?

राज्यात ज्या मराठा कुटुंबांच्या गेल्या दोन-तीन पिढ्यांमधील कुणबी नोंदी आहेत त्यांना कुणबी जातप्रमाणपत्र देऊन या मराठा कुटुंबांचा ओबीसी आरक्षणात समावेश केला जाणार आहे. त्यास छगन भुजबळ यांनी कडाडून विरोध केला आहे. तसेच हा विरोध करत असताना भुजबळ मनोज जरांगे यांना लक्ष्य करू लागले आहेत. भुजबळ हे मनोज जरांगे यांचा एकेरी उल्लेख करत त्यांच्यावर वैयक्तिक टीकादेखील करत आहेत. दरम्यान, आपलं आंदोलन राजकीय नसून मी आता छगन भुजबळांबद्दल बोलणार नाही असं वक्तव्य मनोज जरांगे यांनी नुकतंच केलं आहे.

आणखी वाचा

Sanjay Raut: ‘फुटणाऱ्यांना लाज वाटली पाहिजे’, शरद पवार गटाचे खासदार अजित पवारांची साथ देणार? संजय राऊत संतापले

Madhuri Dixit : डर चित्रपट माधुरी दीक्षितने का…

Ajit Pawar meet Sharad Pawar : अजित पवार-शरद पवार एकत्र येणार का? शिवसेनेच्या नेत्याचा मोठा दावा; म्हणाले, “ते पवार आहेत, कधीही…”

Ajit Pawar : “…तर सरकारलाही अर्थ नाही”, अजित पवार आणि अर्थ खात्यावरून अमोल मिटकरींचा महायुतीलाच टोला

Nana Patole : “आमचे सर्व खासदार…”, महाराष्ट्रात ‘ऑपरेशन लोटस’च्या चर्चांवर नाना पटोलेंची प्रतिक्रिया

Santosh Deshmukh Case : “आरोपींना मोकाट फिरू देणार असाल तर…”, मनोज जरांगेंची सरपंच संतोष देशमुख हत्या प्रकरणावर संतप्त प्रतिक्रिया

Nana Patole : “उत्तमराव जानकरांसह आम्ही खूप लोक राजीनामा द्यायला तयार, पण…”; नाना पटोलेंचं मारकडवाडीत मोठं विधान

सोनू निगम कार्यक्रम सोडून गेलेल्या नेत्यांवर नाराज; म्हणाला, “हा सरस्वतीचा अपमान…”

साखळी आंदोलनादरम्यान, मनोज जरांगे यांची आज पुण्यातल्या खराडी येथे मोठी सभा पार पडली. यावेळी मनोज जरांगे पाटील म्हणाले, आमच्या बापजाद्यांनी ज्यांना मोठं केलं, तेच लोक मोठे झाल्यावर आमच्याकडे ढुंकूनही बघायला तयार नाहीत. आमच्या बापजाद्यांची नेमकी इथंच चूक झाली. ज्यांच्यावर विश्वास ठेवला त्यांनीच आमचा घात केला. मराठा समाजाने यांच्यासाठी राब राब राबायचं आणि यांना मोठं करायचं. आज मराठा समाजाची लेकरं टाहो फोडत आहेत. कोणीतरी आमचे मायबाप व्हा आणि आम्हाला आरक्षण द्या, अशी विनवणी करत आहेत. परंतु, हे लोक ऐकायला तयार नाहीत. मराठ्यांचा आक्रोश ऐकायला कोणीच तयार नाही.

मनोज जरांगे पाटील म्हणाले, ज्यांना मराठ्यांनी मोठं केलं ते तरी मदतीला येतील ही मराठ्यांची आशा आता मावळली आहे. मराठ्यांनी आता मागे वळून बघितलं तर मदत करणारा पाठीमागे कोणीही नाही. ज्यांना-ज्यांना आपण मदत केली तेही पाठीमागे नाहीत आणि आपण समोर बघितलं तर ज्याला आपल्या बापजाद्यांनी यांना मोठं केलं, तो आपल्यासमोर उभा आहे. तो म्हणतोय की मी तुम्हाला आरक्षण मिळू देणार नाही. त्यामुळे मराठ्यांनो आतातरी सावध व्हा.

हे ही वाचा >> भुजबळांमुळे दोन समाजात वितुष्ट? आरोपांवर प्रत्युत्तर देत म्हणाले, “माझ्यावर अश्लील…”

जरांगे पाटील म्हणाले, आरक्षण मिळवण्याची अशी संधी मराठ्यांना यापुढे मिळणार नाही. आपल्या लेकराबाळांच्या न्यायासाठी संघर्षाची तयारी ठेवा. तुमच्या पायाला हात लावून विनंती करतो. लेकरांच्या पाठीवर शक्तीचं छत्र धरा. काही काळापूर्वी मराठ्यांची लेकरं मोठी होऊ नयेत यासाठी सगळ्यांनी विडा उचलला होता. या षडयंत्रात ते यशस्वी झाले. आता मात्र तुम्ही संघर्षाची तयारी ठेवा.