Maharashtra News: बाळासाहेब थोरात रविवारी काँग्रेसचे प्रभारी एच. के. पाटील यांची भेट निघणार; कलह शमणार?

"संकट समयी येता कुणीही पुढे मदतीला येत नाही. पूजा म्हटली की सगळेच प्रसाद खायला येत असतात. मी संकटांना कधीच घाबरलो नाही. मी संकटात संधी शोधत असतो. जो मर्द असतो त्याला लढाई लढण्याशिवाय कोणताही पर्याय नसतो", अशी भूमिका आज उद्धव ठाकरे यांनी मिरा भाईंदर येथे जैन समाजाच्या मेळाव्यात मांडली. उद्धव ठाकरे पुढे म्हणाले, "आपल्या आयुष्यात गुरु पाहीजेच. जो गुरुला विसरला तो माणूस असूच शकत नाही. आपल्याकडे आता गुरु चोरणारी लोकं तयार झाली आहेत, वडील चोरणारी लोकं तयार झाली आहेत. त्यांना चोरी करु द्या, पण संस्कार चोरी करुन येत नाहीत. ते जन्मजात असावे लागतात. चांगले संस्कार घेण्यासाठी आणि संस्कार जपण्यासाठी आज मी जैन मुनींचे आशीर्वाद घ्यायला आलो आहे."

पंतप्रधान नरेंद्र मोदींनी आज राज्यसभेत राष्ट्रपतीच्या अभिभाषणावरील प्रस्तावाला उत्तर दिलं. यावेळी विरोधकांकडून जोरदार घोषणाबाजी करण्यात आली. "मोदी-अदाणी भाई भाई" अशा घोषणाबाजी सुरु असतानाही पंतप्रधान मोदींनी आपले भाषण थांबविले नाही. मागच्या काही काळात सरकारने केलेली कामे त्यांनी सांगितली. तसेच काँग्रेसने आतापर्यंत देशावर कसा अन्याय केला, याचीही माहिती दिली. ते म्हणाले की, आमच्या सरकारवर राज्यांशी मतभेत असल्याचा आरोप लावला जातो. पण जेव्हा काँग्रेसची सत्ता होती. तेव्हा ९० वेळा घटनेच्या कलम ३५६ चा दुरुपयोग झाला. या कलमाचा वापर करुन राज्य सरकारे पाडण्यात आली. फक्त एकट्या इंदिरा गांधींनी ५० वेळा या कलमाचा दुरुपयोग करुन राज्य सरकारे पाडली आहेत. एवढेच नाही तर केरळ मधील कम्युनिस्ट सरकार असो किंवा तामिळनाडूमधील करुणानिधी आणि एमजीआर यांचे सरकार असो, इंदिरा गांधींनी त्यांचेही सरकार पाडले होते.

पंतप्रधान नरेंद्र मोदींनी राज्यसभेत बोलताना विरोधकांवर सडकून टीका केली. शेरोशायरीचा वापर करत मोदींनी विरोधकांना लक्ष्य केलं. जेवढा चिखल उडवाल तेवढं कमळ फुलेल, असं म्हणत मोदींना विरोधकांना टोला लगावला. यावेळी मोदींनी लोकसभेतील विरोधी पक्षनेते मल्लिकार्जून खरगे यांचा उल्लेख करत गांधी परिवारावरही शाब्दिक हल्ला चढवला. वाचा सविस्तर वृत्त

कॅबिनेट मंत्रिपद मिळवून देण्यासाठी १०० कोटींची लाच मागितल्याचा धक्कादायक प्रकार रियाझ शेख या आरोपीच्या चौकशीतून समोर आला आहे. मागच्या वर्षी मुंबई गुन्हे शाखेने आमदार राहुल कुल यांच्या तक्रारीवरुन सापळा रचत आरोपी रियाझ शेखला अटक केली होती. जून २०२२ रोजी सरकार बदलल्यानंतर काही आमदारांना मंत्रिपदासाठी फोन गेल्यानंतर त्याची माहिती उपमुख्यमंत्री देवेंद्र फडणवीस यांना देण्यात आली. त्यानंतर सापळा रचून आरोपीला अटक केली गेली. त्यानंतर त्याचा सीडीआर तपासला असताना ही नवी माहिती पोलिसांना मिळाली आहे.

विकासाच राजकारण महाराष्ट्राला हवं आहे. मागच्या अडीच वर्षात ज्या सगळ्या गोष्टी थांबल्या होत्या, त्या आता पुन्हा गेल्या सहा सात महिन्यामध्ये हे सरकार आल्या नंतर सुरू झाल्या आहेत. बरीच कामं आहेत. चांगल्या प्रकारे मजबूत इनफ्रास्ट्रक्चर व्हाव म्हणून सरकार काम करत आहे. ठाण्यातील कोपरी पुलाच्या उद्घाटना वेळी खा. श्रीकांत शिंदे यांनी प्रतिक्रिया दिली.