‘झुंड’च्या यशानंतर नागराज मंजुळे नागपुरात फडणवीसांच्या भेटीला; म्हणाले “शुटिंग सुरु असताना…”

नागराज मंजुळे यांच्या ‘झुंड’ चित्रपटात नागपुरातील झोपडपट्टीत राहणाऱ्या मुलांना संधी देण्यात आली. तसंच चित्रपटाची कथादेखील नागपुरभोवतीच आहे. यानिमित्तानेच आभार मानण्यासाठी नागराज मंजुळे नागपुरात आले होते. यावेळी चंद्रशेखर बावनकुळेदेखील उपस्थित होते.

यावेळी प्रसारमाध्यमांशी बोलताना नागराज मंजुळे यांनी सांगितलं की, “आम्ही शूट केलं तेव्हा त्यांची भेट होऊ शकली नव्हती. देवेंद्र फडणवीस आणि चंद्रशेखर बावनकुळे यांनी फार मदत केली होती त्यामुळे त्यांचे आभार मानण्यासाठी आलो. नागपुरात आल्याने ही सदिच्छा भेट आहे”.

नागराज मंजुळे यांचा चित्रपट विजय बारसे यांच्या आयुष्यावर आधारित असून स्पर्धेसाठी प्रायोजक मिळत नाही आहेत. यासंबंधी विचारलं असता नागराज मंजुळे यांनी आपल्याला हा विषय माहिती नाही. पण मदत केली पाहिजे असं म्हटलं.