आईचा खून करून मनोरुग्ण तरुणाची आत्महत्या

राहुल हा मनोरुग्ण असून त्याच्यावर लहानपणापासुनच नगर शहरातील एका खासगी रुग्णालयात उपचार सुरु आहेत. लहान मुलांसारखे हट्ट करणे, खाऊ किंवा खेळणी न मिळाल्यास चिडचिड करणे असे तो वागत असे. त्याचे वडिल बापू बेंद्रे हे महानगरपालिकेत पाणी पुरवठा विभागात काम करतात. ते विळद पंपीग स्टेशन येथे नियुक्त आहेत. त्यांना तीन मुले आहेत. मोठा मुलगा विवाहित असून  तो घरगुती कामासाठी पत्नीला घेऊन बाहेरगावी गेला होता. तर बापू बेंद्रे यांना पक्षाघाताचा त्रास होत असल्याने सर्वात धाकटा मुलगा त्यांना घेऊन कामावर, विळद घाट येथे गेला होता.