Satya Nadella on Agricultural Development Trust Baramati: यंदाच्या विधानसभा निवडणुकीत बारामतीमधील विकासकामांबाबत राष्ट्रवादी काँग्रेसच्या दोन्ही गटांनी जोरदार दावे केल्याचं पाहायला मिळालं. कुणी किती वर्षं बारामतीसाठी काम केलं, याचेही हिशेब मांडण्यात आले. पवार कुटुंबात सध्या फूट पडली असली, तरी बारामती आणि पवार कुटुंब हे सूत्र गेल्या पाच दशकांपासून कायम असल्याचं दिसून येत आहे. याच पार्श्वभूमीवर मायक्रोसॉफ्टचे सीईओ सत्या नडेला यांनी शरद पवारांनी स्थापन केलेल्या एका संस्थेचं त्यांच्या सोशल मिडिया पोस्टमध्ये कौतुक केल्याची जोरदार चर्चा सुरू झाली आहे. शरद पवारांनीदेखील सत्या नडेलांच्या या कौतुकाबद्दल त्यांचे आभार मानले आहेत.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

सत्या नडेला यांनी बारामतीमधील अॅग्रीकल्चरल डेव्हलपमेंट ट्रस्ट अर्थात ADT ला बुधवारी भेट दिली. यावेळी त्यांनी तिथल्या पदाधिकाऱ्यांची चर्चा केली. तसेच, या प्रकल्पाचं कामदेखील त्यांनी पाहिलं. यानंतर संध्याकाळी सत्या नडेला यांनी त्यांच्या अधिकृत एक्स अकाऊंटवर केलेल्या पोस्टमधून शरद पवारांनी स्थापन केलेल्या या संस्थेचं कौतुक केलं आहे.

नक्की वाचा

काय म्हणाले सत्या नडेला?

“आज बारामतीमधील एडीटीच्या टीमला भेटून फार आनंद झाला. ही टीम शेतकऱ्यांना आरोग्यदायी व टिकाऊ उत्पादनं घेण्यात मदत करण्यासाठी मायक्रोसॉफ्टचं एआय टूल वापरत आहे”, असं नडेला यांनी त्यांच्या पोस्टमध्ये नमूद केलं आहे.

दरम्यान, मायक्रोसॉफ्ट कंपनीच्या अधिकृत एक्स अकाऊंटवरून बारामती एडीटीसंदर्भातला एक व्हिडीओ शेअर करण्यात आला असून त्यात बारामती एडीटीच्या कामाचा उल्लेख करण्यात आला आहे.

शरद पवारांनी मानले आभार

दरम्यान, शरद पवारांनी सत्या नडेला यांच्या या पोस्टवर प्रतिक्रिया देत त्यांचे आभार मानले आहेत. “एआयआधारित शेतीचे फायदे अधोरेखित केल्याबद्दल धन्यवाद सत्या नडेला. बारामतीमधील शेतकऱ्यांना शेती करताना अत्याधुनिक तंत्रज्ञानाचा अधिकाधिक फायदा मिळावा ही बारामती एडीटीची बांधीलकी आहे. शिवाय मायक्रोसॉफ्टच्या मदतीने तंत्रज्ञानाचा सर्वोत्तम वापर होईल याची खात्री करण्याचाही आमचा प्रयत्न आहे”, असं शरद पवारांनी एक्स पोस्टमध्ये म्हटलं आहे.

काय आहे Baramati ADT?

बारामती एडीटीची स्थापना शरद पवार व त्यांचे मोठे बंधू आप्पासाहेब पवार यांनी १९६८ साली केली होती. शेती उद्योग व शिक्षण क्षेत्रामध्ये विकासाभिमुख उपक्रम राबवण्यासाठी या संस्थेची स्थापना करण्यात आली होती. बारामतीमधील दुष्काळग्रस्त भागात पर्कोलेशन टँकच्या उभारणीचं काम एडीटीकडून करण्यात आलं होतं.

सत्या नडेला यांनी बारामतीमधील अॅग्रीकल्चरल डेव्हलपमेंट ट्रस्ट अर्थात ADT ला बुधवारी भेट दिली. यावेळी त्यांनी तिथल्या पदाधिकाऱ्यांची चर्चा केली. तसेच, या प्रकल्पाचं कामदेखील त्यांनी पाहिलं. यानंतर संध्याकाळी सत्या नडेला यांनी त्यांच्या अधिकृत एक्स अकाऊंटवर केलेल्या पोस्टमधून शरद पवारांनी स्थापन केलेल्या या संस्थेचं कौतुक केलं आहे.

नक्की वाचा

काय म्हणाले सत्या नडेला?

“आज बारामतीमधील एडीटीच्या टीमला भेटून फार आनंद झाला. ही टीम शेतकऱ्यांना आरोग्यदायी व टिकाऊ उत्पादनं घेण्यात मदत करण्यासाठी मायक्रोसॉफ्टचं एआय टूल वापरत आहे”, असं नडेला यांनी त्यांच्या पोस्टमध्ये नमूद केलं आहे.

दरम्यान, मायक्रोसॉफ्ट कंपनीच्या अधिकृत एक्स अकाऊंटवरून बारामती एडीटीसंदर्भातला एक व्हिडीओ शेअर करण्यात आला असून त्यात बारामती एडीटीच्या कामाचा उल्लेख करण्यात आला आहे.

शरद पवारांनी मानले आभार

दरम्यान, शरद पवारांनी सत्या नडेला यांच्या या पोस्टवर प्रतिक्रिया देत त्यांचे आभार मानले आहेत. “एआयआधारित शेतीचे फायदे अधोरेखित केल्याबद्दल धन्यवाद सत्या नडेला. बारामतीमधील शेतकऱ्यांना शेती करताना अत्याधुनिक तंत्रज्ञानाचा अधिकाधिक फायदा मिळावा ही बारामती एडीटीची बांधीलकी आहे. शिवाय मायक्रोसॉफ्टच्या मदतीने तंत्रज्ञानाचा सर्वोत्तम वापर होईल याची खात्री करण्याचाही आमचा प्रयत्न आहे”, असं शरद पवारांनी एक्स पोस्टमध्ये म्हटलं आहे.

काय आहे Baramati ADT?

बारामती एडीटीची स्थापना शरद पवार व त्यांचे मोठे बंधू आप्पासाहेब पवार यांनी १९६८ साली केली होती. शेती उद्योग व शिक्षण क्षेत्रामध्ये विकासाभिमुख उपक्रम राबवण्यासाठी या संस्थेची स्थापना करण्यात आली होती. बारामतीमधील दुष्काळग्रस्त भागात पर्कोलेशन टँकच्या उभारणीचं काम एडीटीकडून करण्यात आलं होतं.