सोलापूर: दक्षिण सोलापूर तालुक्यात सौम्य भूकंपाची नोंद

सोलापूर : दक्षिण सोलापूर तालुक्यातील काही गावांमध्ये सोमवारी दुपारी भूकंपाचा धक्का जाणवला. यासंदर्भात नवी दिल्लीच्या नॕशनल सेंटर फाॕर सिस्माॕलाॕजीकडून पडताळणी केली असता १.३ रिश्टर तीव्रतेचा भूकंप झाल्याचे रात्री उशिरा जिल्हा प्रशासनाने स्पष्ट केले. भूकंप झालेल्या भागात एनटीपीसीचा औष्णिक ऊर्जा निर्मिती प्रकल्प आहे. परंतु यात कोणतीही जीवित आणि वित्तहानी झाली नाही.