मराठय़ांना नव्हे, तर झुंडशाहीला विरोध,मंत्री छगन भुजबळ यांचे प्रतिपादन; गावबंदी फलक लावल्यास कायद्यानुसार गुन्हा

हिंगोली येथील रामलीला मैदानावर आयोजित ओबीसी एल्गार सभेत ते रविवारी येथे बोलत होते. मंचावर भाजपचे विदर्भातील खासदार रामदास तडस, माजी मंत्री महादेव जानकर, प्रकाश शेंडगे, आमदार राजेश राठोड, टी. पी. मुंडे, लक्ष्मण गायकवाड, समीर भुजबळ आदी नेत्यांची उपस्थिती होती. सभेत बोलताना भुजबळ म्हणाले की, मी काही बोललो की महाराष्ट्रातील अनेक नेत्यांना वाटते दोन समाजात तेढ निर्माण करतो. तसा आरोप राज्यातील काही नेते मंडळी करतात. मात्र त्यांच्या १५ सभा सभा झाल्यावर, आमची एकच सभा होत आहे, असे भुजबळ म्हणाले.

आणखी वाचा

“माझी बॅग तुझ्याकडे देतो, फक्त त्यातले कपडे…”; उद्धव ठाकरेंनी एकनाथ शिंदेंना डिवचलं!

सातारा: राहुल गांधी यांच्याकडून शिवाजी महाराजांची बदनामी; उदयनराजे…

“काँग्रेसची मानसिकता गुलामगिरीची, त्यांनी नेहमीच महाराष्ट्राचा… ”; पुण्यातील सभेतून पंतप्रधान मोदींचा हल्लाबोल!

“उद्धव ठाकरेंच्या हातून पैसा सुटत नाही, बॅगेत काय असणार?” राज ठाकरेंची खोचक टीका!

रत्नागिरीत प्रशासनाच्या सर्वेक्षण पथकाने ३५ लाखांचे सोने पकडले

“…तेव्हा ‘विनाशकाले विपरीत बुद्धी’ आठवली नाही का? आता परिणाम भोगा”; रवी राणांचं अजित पवारांना प्रत्युत्तर!

Uddhav Thackeray : “माझ्या डोक्यात मुख्यमंत्री पद घुसलंय…”, मविआतील मुख्यमंत्री पदाच्या रस्सीखेचवरून उद्धव ठाकरेंनी स्पष्ट केली भूमिका!

Uddhav Thackeray : ‘जनाब बाळासाहेब ठाकरें’च्या टीकेवरुन उद्धव ठाकरेंचं उत्तर, “देवेंद्र फडणवीस यांनी..”

Uddhav Thackeray on Ram Mandir : “राम मंदिर गळनेका थांबेगा तो…”, उद्धव ठाकरेंच्या वक्तव्यामुळे एकच हशा!

हेही वाचा >>>राज्याची केंद्राला साद, दुष्काळ निवारणासाठी २६०० कोटींची मागणी

बीडमधील पुढाऱ्यांच्या घरांची जाळपोळ झाल्याच्या मुद्दय़ावरून भुजबळ म्हणाले, पेटवायला नाही तर पटवायला अक्कल लागते. जाळायला नाही तर जुळवायला अन् मोडायला नाही तर घडवायला अक्कल लागते हे त्यांना कोणीतरी सांगावे? राज्यात भाजपचे प्रदेशाध्यक्ष चंद्रशेखर बावनकुळे म्हणतात जनगणना करा, राष्ट्रवादीचे नेते शरद पवार सांगतात जनगणना करा, अजित पवार म्हणतात होऊ द्या खर्च, पण जनगणना करा, राहुल गांधी म्हणतात जनगणना करा. अरे करा जनगणना एकदाची. मग दलित आदिवासी आणि ओबीसींची शक्ती किती आहे हे कळेल. बिहार जनगणना करू शकते, महाराष्ट्र का करू शकत नाही? जे होईल ते मान्य करायला तयार आहोत. एकीकडे कुणबी आरक्षण द्या, अशी मागणी होत आहे. दुसरीकडे बाळासाहेब सराटे न्यायालयात गेले. ते ओबीसींचे आरक्षण काढून घेण्याची मागणी करत आहेत, असेही भुजबळ यांनी सांगितले. राज्य सरकारने स्थापन केलेली शिंदे समिती तत्काळ बरखास्त करावी, तसेच दोन महिन्यात जी कुणबी प्रमाणपत्र देण्यात आली आहेत, ती रद्द करा, अशी मागणी भुजबळ यांनी केली.

विजय वडेट्टीवारांची पाठ, इतरही नेते अनुपस्थित

विरोधी पक्षनेते विजय वडेट्टीवार यांनी आधीच उपस्थित राहणार नसल्याचे सांगितले होते. परंतु आयोजकांकडून वडेट्टीवार येणार असल्याचा दावा करण्यात आला होता. अखेरच्या क्षणी स्वत: वडेट्टीवार यांनी उपस्थित राहणार असल्याचे सांगितले होते. परंतु आज प्रत्यक्षात वडेट्टीवारांनी सभेकडे पाठ फिरवल्याचे स्पष्ट झाले. त्यांना ऐनवेळी तेलंगणातील सभांसाठी निमंत्रित करण्यात आल्यामुळे ते सभेला उपस्थित राहू शकले नसल्याचे सभेच्या मंचावरून सांगण्यात आले. दरम्यान, पंकजा मुंडे, मंत्री संजय राठोड, चंद्रशेखर बावनकुळे, नाना पटोले, जयदत्त क्षीरसागर, विनय कोरे या नेत्यांनीही ओबीसी एल्गार मेळाव्याकडे पाठ फिरवली.