साताऱ्यात घड्याळ विरुद्ध तुतारी लढत होणार? रोहित पवारांचं महत्त्वाचं भाष्य; म्हणाले, “उदयनराजे…”

रोहित पवार काय म्हणाले?

“उदयनराजे भोसले हे घड्याळ या चिन्हावरून निवडणूक लढायला तयार असतील तर वेगळी स्थिती निर्माण होऊ शकते. मात्र आगामी काही दिवसांत ते भाजपाकडून निवडणूक लढवतील की अजित पवार गटाकडून हे स्पष्ट होईल. मात्र आमच्या अनुभवानुसार उदयनराजे हे घड्याळ चिन्हावर निवडणूक लढवणार नाहीत. त्यामुळे साताऱ्यात राष्ट्रवादी (शरद पवार गट) पक्ष विरुद्ध भाजपा अशीच लढत होण्याची शक्यता आहे,” असे रोहित पवार म्हणाले.

आणखी वाचा

उद्धव यांचे भावनिक आवाहन ठाकरे सेनेला कितपत तारणार? मराठवाड्याकडे विशेष लक्ष?

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

मोदी हे भारतातील मशिदी उद्ध्वस्त करणारा कायदा आणणार, एमआयएमचे नेते असदुद्दीन ओवैसी यांची आरोप

Ramesh Chennithala : “हरियाणाच्या निवडणुकीतून खूप शिकायला मिळालं, त्यामुळे ८० टक्के बंडखोरांनी…”, रमेश चेन्निथला यांचं महाराष्ट्राच्या निवडणुकीबाबत मोठं भाष्य

“काँग्रेसच्या सत्तेतील राज्य शाही परिवाराचे ‘एटीएम’, मद्यविक्रेत्यांकडून ७०० कोटी रुपयांची वसुली,” पंतप्रधान नरेंद्र मोदींचा घणाघात

‘प्रमोद महाजनांच्या हत्येमागे गुप्त हेतू’; पूनम महाजन म्हणाल्या, “आता अमित शाह आणि देवेंद्र फडणवीसांना…”

महाविकास आघाडीच्या या जागा धोक्यात, हे आहे कारण ! बंडखोरांना शांत करण्यात काँग्रेस नेत्यांना अपयश

चावडी: बंटी पाटील एवढे का संतापले?

उदयनराजेंची भूमिका काय?

दरम्यान याआधी उदयनराजे भोसले यांनी लोकसभा निवडणूक आणि त्यांची ही निवडणूक लढवण्याची शक्यता यावर भाष्य केले होते. यावेळी बोलताना मी भाजपाकडूनच निवडणूक लढवणार आहे, असे त्यांनी स्पष्ट केले होते. लोकसभा निवडणुकीत निवडणूक लढण्याची प्रत्येकाची इच्छा असते. त्याला मी अपवाद नाही. पक्षाने तिकीट दिल्यास मी पण उभा राहीन. सर्वांच्या नसा-नसात शिवाजी महाराज आहेत. महाराजांचे जे विचार होते त्याच विचारावर पंतप्रधान नरेंद्र मोदी आज देशात काम करत आहे. लोककल्याणाचा विचार महाराजांचा होता. छत्रपती शिवाजी महाराजांचा विचार पुढच्या पिढीपर्यंत पोहोचवण्याचे काम सर्वांनी केले पाहिजे, असे उदयनराजे म्हणाले.

२०१९ सालच्या निवडणुकीत काय झालं होतं?

उदयनराजे भोसले यांनी २०१९ मध्ये राष्ट्रवादी काँग्रेस पक्षाच्या (अविभाजित) तिकीटावर साताऱ्याची लोकसभा निवडणूक जिंकली होती. परंतु, निवडणुकीच्या निकालानंतर काही दिवसांनी त्यांनी खासदारकीचा आणि राष्ट्रवादी काँग्रेस पक्षसदस्यत्वाचा राजीनामा दिला. तसेच भोसले यांनी भारतीय जनता पार्टीत प्रवेश केला. त्यानंतर साताऱ्यात लोकसभेची पोटनिवडणूक घेण्यात आली. उदयनराजे भोसले यांनी भाजपाच्या तिकीटावर ही निवडणूक लढवली. तर राष्ट्रवादी काँग्रेसने श्रीनिवास पाटील यांना साताऱ्यातून लोकसभेच्या रिंगणात उतरवलं. परंतु, या निवडणुकीत श्रीनिवास पाटील यांनी उदयनराजे यांचा पराभव केला. त्यानंतर भाजपाने उदयनराजे यांना राज्यसभेवर पाठवलं.