VIDEO: साताऱ्यात कुमठे ग्रामपंचायत निवडणूक प्रचारात आमदार शशिकांत शिंदे-महेश शिंदेंच्या कार्यकर्त्यांत धुमचक्री

वाई: साताऱ्यातील कुमठे ग्रामपंचायत (ता कोरेगाव) निवडणुकीसाठी गावात कोपरा सभा घेण्याच्या कारणावरून राष्ट्रवादी व भाजप-शिंदे गटाच्या कार्यकर्त्यांत रात्री जोरदार धुमचक्री झाली. यावेळी राष्ट्रवादीच्या कार्यकर्त्यांनी पन्नास खोके…एकदम ओक्के, कोण आला रे कोण आला…गुवाहाटीचा चोर आला, अशी घोषणा झाल्या . त्यामुळे परिसरात तणावाचे वातावरण  झाले होते. पोलिसांनी हस्तक्षेप केल्याने तणाव निवळला. कुमठे ग्रामपंचायतीत आमदार शशिकांत शिंदे यांच्या गटाची सत्ता असून या वेळेस ही ग्रामपंचायत ताब्यात घेण्यासाठी आमदार महेश शिंदे गटाच्या  पॅनेलमध्ये लढत होत आहे.