महाराष्ट्र नवनिर्माण सेनेचे अध्यक्ष राज ठाकरे यांनी नुकतीच मुख्यमंत्री एकनाथ शिंदे यांची भेट घेतली आहे. मुख्यमंत्र्यांचं शासकीय निवासस्थान असलेल्या ‘वर्षा’ बंगल्यावर राज ठाकरे दाखल झाल्याने चर्चांना उधाण आलं होतं. पण या भेटीमागचं नेमकं कारण आता समोर आलं आहे. मनसेच्या अधिकृत ट्विटर अकाउंटवरून याबाबतची माहिती देण्यात आली आहे. पुणेकरांना महापालिकेनं पाठवलेल्या मिळकत कर वसुलीच्या नोटीसांसदर्भातील एक पत्र देण्यासाठी राज ठाकरेंनी मुख्यमंत्र्यांची भेट घेतल्याचं समोर आलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

पुणे महापालिकेने अचानक शहरांत पूर्वलक्षी प्रभावाने मिळकत कर वसुलीच्या नोटिसा पुणेकरांना पाठवल्या आहेत. १९७० च्या एका ठरावाप्रमाणे करपात्र मुल्यात कायद्यातील तरतुदीप्रमाणे मिळकत करात काही सूट दिली जात होती. २०१९ ला ही सूट विखंडित करण्यात आली. मधल्या ४८ वर्षांच्या काळात महालेखा परीक्षणात एकही आक्षेप आलेला नसताना ही सूट विखंडित का केली? असा सवाल राज ठाकरेंनी विचारला आहे.

आणखी वाचा

हेही वाचा- राज ठाकरेंनंतर काँग्रेसच्या तीन बड्या नेत्यांनी घेतली मुख्यमंत्र्यांची भेट? ‘वर्षा’वर राजकीय हालचालींना वेग

तूर्तास या निर्णयाला स्थगिती दिलेली असली तरी, यावर कायम स्वरूपी निर्णय घेऊन पुणेकरांना दिलासा द्यावा, अशी मागणी राज ठाकरेंनी मुख्यमंत्री एकनाथ शिंदे यांच्याकडे केली आहे. याबाबतचं एक पत्रही मुख्यमंत्र्यांना देण्यात आलं आहे.

याशिवाय राज्यातील गोरगरीब आणि दुर्गम भागातील जनतेच्या विविध आरोग्य तपासण्या अत्यल्प दरात उपलब्ध करून देण्यासाठीच्या एका तंत्रज्ञानाचं सादरीकरणही मुख्यमंत्री आणि आरोग्यमंत्री तानाजी सावंत यांच्यासमोर करण्यात आलं आहे.

पुणे महापालिकेने अचानक शहरांत पूर्वलक्षी प्रभावाने मिळकत कर वसुलीच्या नोटिसा पुणेकरांना पाठवल्या आहेत. १९७० च्या एका ठरावाप्रमाणे करपात्र मुल्यात कायद्यातील तरतुदीप्रमाणे मिळकत करात काही सूट दिली जात होती. २०१९ ला ही सूट विखंडित करण्यात आली. मधल्या ४८ वर्षांच्या काळात महालेखा परीक्षणात एकही आक्षेप आलेला नसताना ही सूट विखंडित का केली? असा सवाल राज ठाकरेंनी विचारला आहे.

आणखी वाचा

हेही वाचा- राज ठाकरेंनंतर काँग्रेसच्या तीन बड्या नेत्यांनी घेतली मुख्यमंत्र्यांची भेट? ‘वर्षा’वर राजकीय हालचालींना वेग

तूर्तास या निर्णयाला स्थगिती दिलेली असली तरी, यावर कायम स्वरूपी निर्णय घेऊन पुणेकरांना दिलासा द्यावा, अशी मागणी राज ठाकरेंनी मुख्यमंत्री एकनाथ शिंदे यांच्याकडे केली आहे. याबाबतचं एक पत्रही मुख्यमंत्र्यांना देण्यात आलं आहे.

याशिवाय राज्यातील गोरगरीब आणि दुर्गम भागातील जनतेच्या विविध आरोग्य तपासण्या अत्यल्प दरात उपलब्ध करून देण्यासाठीच्या एका तंत्रज्ञानाचं सादरीकरणही मुख्यमंत्री आणि आरोग्यमंत्री तानाजी सावंत यांच्यासमोर करण्यात आलं आहे.