“तुमचे दादा, साहेब आणि ताईंना कधीतरी…”; अमोल मिटकरींना मनसेचं खुलं आव्हान

“महाराष्ट्राच्या राजकीय पटलावर एका बाजारु विचारवंताचा उदय झालाय. हॉटेलमधला वेटर माहितीय ना, तो हॉटेलमध्ये गेल्यावर मेन्यूकार्ड पाठ असल्यासरखं बोलतो तशी याने सुरुवात केलीय. कोणीही याच्या नेत्याच्याविरोधात बोललं की हे पाठ आहे का ते पाठ आहे का… अरे काय आहे?,” असं म्हणत काळे यांनी मिटकरींवर निशाणा साधलाय.

आणखी वाचा

“राहुल गांधींचं एकच स्वप्न, मेरी शादी कब होगी?” मारकडवाडीतून सदाभाऊ खोतांचा चिमटा; ‘खळं लुटणारा’ म्हणत पवारांवर टीका

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Sudhir Mungantiwar : “कर्नाटक सरकारला याचा हिशेब द्यावा लागेल”; सुधीर मुनगंटीवार यांचा इशारा, कारण काय?

राष्ट्रवादीचे जयंत पाटील यांच्यासमोर मतदारसंघात कडवे आव्हान

Video: “जे आहे ते आहे, लाडक्या बहिणीनेच आम्हाला…”, अजित पवारांची विधानसभेत स्पष्टोक्ती!

Devendra Fadnavis : “राहुल नार्वेकर पुन्हा येईन म्हणाले नव्हते तरीही पुन्हा आले..”, देवेंद्र फडणवीस यांचं खुमासदार भाषण

Uddhav Thackeray : “दाढी कुरवाळण्याच्या नादात जे काही पाप केले…” हिंदुत्वाच्या मुद्द्यावरून मनसेची उद्धव ठाकरेंवर टीका

Ramdas Athawale : “मी असताना राज ठाकरेंची महायुतीत गरज काय?”, रामदास आठवलेंचं मोठं विधान

“संत ज्ञानेश्वरांनी रेड्याकडून वेद वदवून घेतले होते. तसं काल हा कोणत्यातरी सभेत राज ठाकरे बोलल्यानंतर हनुमान चालीसाचं पठण करत होता. माफ करा मी रेडा आणि या बाजारु विचारवंताची तुलना करु इच्छित नाही,” असंही काळे यांनी टीका करताना म्हटलंय. पुढे बोलताना काळे यांनी राष्ट्रवादी काँग्रेसचे सर्वेसर्वा शरद पवार, उपमुख्यमंत्री अजित पवार आणि खासदार सुप्रिया सुळे यांच्यावर अप्रत्यक्षपणे निशाणा साधलाय. ‘दादा’, ‘साहेब’ आणि ‘ताई’ असा उल्लेख करत काळे यांनी मिटकरींनी त्यांच्या नेत्यांनाही हनुमान चालीसा पठणासंदर्भात प्रश्न विचारावा असं काळे म्हणालेत.

“जे प्रश्न तुम्ही आमच्या नेत्याला विचारताय ना. हनुमान चालीसा पाठ आहे का, याचं पठण, भगवत गीता पाठ आहे का? तुमचे दादा, साहेब आणि ताई यांनासुद्धा कधीतरी विचारा. त्यांनी स्टेजवर हे बोलून दाखवावं. आम्हीही बोलून दाखवतो,” असं थेट आव्हान काळेंनी मिटकरींना दिलंय.

पुढे बोलताना मिटकरींच्या राजकीय प्रवासावरुन काळेंनी निशाणा साधलाय. “स्वत:चा पक्ष ठाण्यामध्ये निर्माण केला तो विलीन केला राष्ट्रवादीत. आज राष्ट्रवादीत जाऊन आपण आमदार झालात विधान परिषदेचे. स्वत:च्या गावात बच्चू कडूंच्या प्रहार संघटनेकडून पराभव स्वीकारला. अहो तिथे तुम्हाला तुमचा पक्ष वाढवता येत नाही आणि तुम्ही राज ठाकरेंना शिकवायला लागलात,” असा टोला काळेंनी लगवालाय.

व्हिडीओच्या शेवटी काळे यांनी, “जेवढी आपली लायकी आणि औकात आहे तेवढचं बोलावं. नाहीतर या बाजारु विचारवंताचा बाजार उठवायला महाराष्ट्र सैनिक कमी करणार नाही,” असा इशाराह मिटकरींना दिलाय.