mns-mla-raju-patil-criticize-shiv-sena-alliance-with-sambhaji-brigade

शिवसेना आणि संभाजी ब्रिगेडच्या युतीवर भाजपाकडून टीका होत असताना आता मनसेनेही या युतीवर जोरदार हल्ला चढवला आहे.

MNS criticizes Shiv Sena-Sambhaji Brigade alliance

शिवसेना-संभाजी ब्रिगेडच्या युतीवर मनसेची टीका

शिवसेना पक्षप्रमुख उद्धव ठाकरे यांनी संभाजी ब्रिगेड संघटनेशी युती केली आहे. आगामी निवडणुकांमध्ये संभाजी ब्रिगेड या नवीन सहकाऱ्याला घेऊन आपण खांद्याला खांदा लावून लढणार आहोत, असं उद्धव ठाकरेंनी पत्रकार परिषदेत सांगितलं. शिवसेना आणि संभाजी ब्रिगेडच्या या युतीवर मनसेने टीका केली आहे. मनसे आमदार राजू पाटील (raju patil) आणि मनसे सरचिटणीस कीर्तीकुमार शिंदे (kirtikumar shinde) यांनी ट्वीट करत शिवसेनेला खोचक टोला लगावला आहे.

हेही वाचा- “हेच उद्धवसाहेबांनी केलं असतं तर…”, शिवसेनेची फडणवीसांवर टीका

सत्तेविना मती गेली, जो मिळेल त्याच्याशी युती केली…, असं ट्वीट करून राजू पाटील यांनी शिवसेनेला खोचक टोला लगावला आहे. युतीनंतर शिवसेनेवर भाजपकडून सडकून टीका होत असतानाच आता मनसेनेही या युतीवर जोरदार हल्ला चढवला आहे. मनसे नेते गजानन काळे यांच्यापाठोपाठ मनसे आमदार राजू पाटील यांनी ही जोरदार टीका केली आहे.

सत्तेविना मती गेली,
जो मिळेल त्याच्याशी युती केली…!#Maharashtra
— Raju Patil ( प्रमोद (राजू) रतन पाटील ) (@rajupatilmanase) August 26, 2022

मनसे सरचिटणीस कीर्तीकुमार शिंदे यांचे ट्वीट

‘ए ग्रेड ‘ठाकरी’ राजकारणाला सोडचिठ्ठी. बी ग्रेड ‘आखरी’ राजकारणाशी हातमिळवणी. मऱ्हाठा ते मराठा… विचारांशी नाळ जुळलेलीच नसेल तर अत्यंत वेगाने युती/आघाडीसाठी झेड ग्रेडपर्यंत येतील! येतील म्हणजे यायचंच!! किंबहुना, पोहोचायचंच’ असं ट्वीट करत शिंदे यांनी शिवसेना-संभाजी ब्रिगेड युतीवर टीका केली आहे.

हेही वाचा- “शिंदे गट ‘खोकेवाले’ म्हणून देशभरात…”; विधानसभेच्या पायऱ्यांवरील ठाकरेंविरोधातील बॅनरबाजीवरुन शिवसेनेचा संताप

https://twitter.com/KirtikumrShinde/status/1563368265682132992

संभाजी ब्रिगेडसोबत युती करताना काय म्हणाले उद्धव ठाकरे</strong>

संभाजी ब्रिगेडसोबतच्या युतीसंदर्भात उद्धव ठाकरेंनी पत्रकार परिषदेत भूमिका स्पष्ट केली. “आपण एका विचाराने एकत्र आलो आहोत. गेल्या महिन्या-दोन महिन्यांत जे आपल्या विचारांचे आहेत आणि जे आपल्या विचारांच्या जवळपासही येणारे नाहीत असे लोक स्वत:हून मला येऊन सांगत आहेत की आता संविधान वाचवण्यासाठी आपल्याला एकत्र यायला हवं. प्रादेशिक अस्मिता टिकवण्यासाठी आपल्याला एकत्र यायला हवं,” असं उद्धव ठाकरे म्हणाले. “आपण सगळेजण शिवप्रेमी आहोत. आपला आजपर्यंतचा इतिहास आहे की मराठ्यांना दुहीचा शाप गाडत आला आहे. आपण एकत्र येऊन एक नवीन इतिहास घडवू. या दुहीच्या शापालाच गाडून टाकू”, अशी प्रतिक्रियाही दिली.

First published on: 27-08-2022 at 09:54 IST

TOPICSउद्धव ठाकरे Uddhav Thackeray राज ठाकरे Raj Thackeray

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mns mla raju patil criticize shiv sena alliance with sambhaji brigade dpj

‘सत्तेविना मती गेली, जो मिळेल…’; शिवसेना-संभाजी ब्रिगेडच्या युतीवर मनसेचे खोचक ट्वीट

शिवसेना आणि संभाजी ब्रिगेडच्या युतीवर भाजपाकडून टीका होत असताना आता मनसेनेही या युतीवर जोरदार हल्ला चढवला आहे.