Mumbai Toll Free : "निवडणूक झाल्यानंतर..." टोलमाफीसाठी मोठं आंदोलन करणाऱ्या मनसेची प्रतिक्रिया

MNS Reaction on Toll Free Entry to Mumbai : मुलुंड येथील टोलनाका बंद व्हावा यासाठी आंदोलन पुकारणाऱ्या मनसेच्या अविनाश जाधव यांनीही याप्रकरणी आता प्रतिक्रिया दिली आहे. आजचा दिवस टोलमाफीचा असल्याचं त्यांनी म्हटलंय.

Eknath Shinde Maharashtra Government on Toll Free Entry to Mumbai

मुंबईत मंगळवारपासून लहान मोटार वाहनांसाठी टोल माफी एकनाथ शिंदे (फोटो - लोकसत्ता ग्राफिक्स टीम)

Maharashtra Government on Toll Free Entry to Mumbai : महाराष्ट्र राज्य सरकारने आगामी विधानसभा निवडणुकीच्या पार्श्वभूमीवर मोठा निर्णय घेतला आहे. मुंबईतील प्रवेशद्वार असलेल्या पाचही टोलनाक्यांवर हलक्या वाहनांना टोलमाफी देण्यात आली आहे. यामुळे मुंबईकरांना मोठा दिलासा मिळाला आहे. दरम्यान, मुलुंड येथील टोलनाका बंद व्हावा यासाठी आंदोलन पुकारणाऱ्या मनसेच्या अविनाश जाधव यांनीही याप्रकरणी आता प्रतिक्रिया दिली आहे. आजचा दिवस टोलमाफीचा असल्याचं म्हणत निवडणूक झाल्यानंतर सरकारने ही निर्णय मागे घेऊ नये असं ते म्हणाले. टोलमाफीचा निर्णय जाहीर झाल्यानंतर त्यांनी आज माध्यमांशी संवाद साधला.

“हा दिवस मुंबई आणि ठाणेकरांसाठी अतिशय महत्त्वाचा आहे. गेल्या २० वर्षांपासून आम्ही टोल भरतोय. रोज टोल भरण्याकरता लांब रांगा लागतात, आज त्यापासून मुक्ती मिळाली आहे. राज ठाकरेंमुळे आजचा दिवस पाहायला मिळाला. कारण, राज ठाकरे सातत्याने याविषयी पाठपुरावा करत होते. आमच्या मनसैनिकांनी आंदोलने केली, आमच्यावर लाठीचार्ज झाला. गुन्हे दाखल झाले. आजही अनेक मनसैनिक कोर्टात यासाठी फेऱ्या मारत आहेत. स्वतः राज ठाकरे चारवेळा या कोर्टनाक्यावर उभे राहिले आहेत. आजचा दिवस ठाणेकरांसाठी अतिशय मोठा आहे”, असं मनसे नेते अविनाश जाधव म्हणाले.

आणखी वाचा

“…अन् प्रियांका गांधींनी भाजपाचे दात घशात घातले”, पंतप्रधान मोदींच्या ‘त्या’ आव्हानाला उद्धव ठाकरेंचं प्रत्युत्तर

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Pansare murder case, ATS claim, high court,

पानसरे हत्या प्रकरणाचा सर्व पैलूंनी तपास, एटीएसचा उच्च न्यायालयात दावा

Uddhav Thackeray criticized Eknath Shinde

“माझी बॅग तुझ्याकडे देतो, फक्त त्यातले कपडे…”; उद्धव ठाकरेंनी एकनाथ शिंदेंना डिवचलं!

“महाराष्ट्र दरोडेखोर अन् गुंडांच्या हाती”, उद्धव ठाकरेंची शिंदे गटावर सडकून टीका; पक्षचिन्हावरून माजी सरन्यायाधीशांनाही केलं लक्ष्य; म्हणाले…

The minimum temperature in Mumbai is decreasing and the winter season is beginning Mumbai print news

मुंबईत थंडीची चाहुल

“गद्दारांनी गुवाहाटीचा डोंगर बघितला, आता त्यांना टकमक टोक दाखवायचंय”, उद्धव ठाकरेंची शहाजीबापू पाटलांवर घणाघाती टीका!

Ajit Pawar: ‘साताऱ्याला पिपाणीनं वाचवलं, नाहीतर…’, अजित पवारांच्या मिश्किल टिप्पणीनं भाजपाचीच कोंडी

हेही वाचा >> मुख्यमंत्री एकनाथ शिंदे यांची मंत्रिमंडळात मोठी घोषणा; मुंबईत लहान मोटर वाहनांना टोलमाफी!

…तर महाराष्ट्र सैनिकांना पुन्हा रस्त्यावर उतरावं लागेल

“मी स्वतः वर्षभरापूर्वी येथे उपोषणाला बसलो होतो. राज ठाकरे त्यानंतर मुख्यमंत्र्यांना भेटले होते. दादा भुसे राज ठाकरेंना भेटले होते. तेव्हा मला खात्री होती की काहीतरी निर्णय झालेला आहे. तो निर्णय आज जाहीर झाला. त्यामुळे मी मंत्रिमंडळाचे आभार मानतो की तुम्ही या जाचातून ठाणेकरांना मोकळं केलं आहे. आम्ही याला निवडणूक म्हणून पाहत नाही. २० वर्षांच्या जाचातून आम्ही सुटलो अशा दृष्टीने आम्ही पाहतो. यात राजकारण आणू नका. फक्त अपेक्षा हीच आहे की निवडणूक झाल्यानतंर हा निर्णय बदलू नका, नाहीतर महाराष्ट्र सैनिकांना पुन्हा रस्त्यावर उतरावं लागलं”, असा इशाराही त्यांनी यावेळी दिला.

Web Title: Mns raj thackeray leader avinash jadhav speak on toll free in mumbai sgk

Mumbai Toll Free : “निवडणूक झाल्यानंतर…” टोलमाफीसाठी मोठं आंदोलन करणाऱ्या मनसेची प्रतिक्रिया

…तर महाराष्ट्र सैनिकांना पुन्हा रस्त्यावर उतरावं लागेल