मुख्यमंत्री उद्धव ठाकरे यांनी औरंगाबादमधील सभेत विरोधकांवर जोरदार टीका केली. औरंगाबाद शिवसेनेच्या ३७ व्या वर्धापन दिनाच्या निमित्ताने आयोजित स्वाभिमान सभेत ते बोलत होते. मराठवाडा सांस्कृतिक मंडळाच्या मैदानावर झालेल्या या सभेत ठाकरे यांनी हिंदुत्वाच्या मुद्यावरून भाजपला लक्ष्य केले. भाजपाच्या प्रवक्त्यांमुळे जगात देशाची बदनामी झाली. दुसरीकडे, केंद्र सरकारच्या धोरणांमुळे अर्थव्यवस्था संकटात असून, लोक महागाईत होरपळत आहेत. त्यामुळे कुठे नेऊन ठेवणार देश माझा, असा प्रश्न निर्माण झाला आहे, अशा शब्दांत उद्धव ठाकरे यांनी भाजपावर टीकास्त्र सोडले. उद्धव ठाकरेंच्या सभेतनंतर विरोधकांकडून त्यांना उत्तर दिले जात आहे.
मनसेने उद्धव ठाकरे यांच्या भाषणावर टीका करताना फक्त लावंगीच्या फुसक्या माळा असा टोला लगावला आहे. मनसे नेत संदीप देशपांडे यांनी ट्वीट करत उद्धव ठाकरेंवर टीकास्त्र सोडले आहे. “ना पाणी प्रश्नावर ठोस भूमिका, ना हिंदुत्वावर, ना शहराच्या नामांतरणावर, ना हुंकार फक्त लावंगीच्या फुसक्या माळा,” असा टोला त्यांनी लगावला आहे.
उद्धव ठाकरे सभेत काय म्हणाले –
शिवसेनेचे हिंदूत्व हृदयात राम, हाताला काम देणारे आणि हिंदूत्वाचे रक्षण करणारे असल्याचा पुनरुच्चार करत ठाकरे यांनी हिंदूत्वाची मोजपट्टी तुमच्या हातात कोणी दिली, असा सवाल भाजपाला केला. भाजपाकडून भोंगे, हनुमान चालिसा आणि थडग्यांवर नतमस्तक होण्यासाठीही सुपाऱ्या दिल्या जात असल्याचा आरोपही त्यांनी केला. शहराचे नामांतर संभाजीनगर होईपर्यंत स्वस्थ बसणार नाही, असे ठाकरे यांनी स्पष्ट केले.
ना पाणी प्रश्नावर ठोस भूमिका, ना हिंदुत्वावर, ना शहराच्या नामांतरणावर,ना हुंकार फक्त लावंगीच्या फुसक्या माळा.
— Sandeep Deshpande (@SandeepDadarMNS) June 9, 2022
‘‘काश्मिरी पंडित घर सोडून निघून जात आहेत. त्यांना हवी ती मदत करायला महाराष्ट्र सरकार तयार आहे. पण, चांगले काम करणाऱ्यांच्या मागे ‘ईडी’ आणि सीबीआयचा ससेमिरा लावला जातो. खरेच काही वाटत असेल तर तिकडे काश्मिरात तपास यंत्रणांचा उपयोग करा’’, असे ठाकरे म्हणाले.
२०१४ पासून राज्यात भाजपच्या नेतृत्वाखालील सरकार होते. त्याकाळात औरंगाबादचा पाणीप्रश्न सोडवण्यासाठी निधी का दिला नाही, असा सवाल करत आता जलआक्रोश मोर्चा काढणाऱ्या भाजपाला ठाकरे यांनी लक्ष्य केले. हा औरंगाबादच्या पाणीप्रश्नासाठी नव्हे तर सत्ता गेल्याचा आक्रोश करणारा मोर्चा होता, अशी टीका ठाकरे यांनी केली. पिण्याच्या पाण्यासाठी आवश्यक तो निधी दिला जाईल आणि कंत्राटदार काम करत नसेल तर हातात दंडुका घेण्याच्या सूचना विभागीय आयुक्तांना दिल्या असल्याचे सांगत रस्ते, सफारी पार्क, पर्यटन विकास यांसह विकासकामांवर सरकार अधिकाधिक लक्ष देत असल्याचे ठाकरे यांनी सांगितले. पण, कोणताही प्रशासकीय अनुभव नसताना हे सरकार अडीच वर्ष चालले. यामुळे भाजपाचे नेते बिथरले आहेत. त्यातूनच ईडी, सीबीआयच्या कारवाया अगदी कुटुंबीयांवरही केल्या जात आहेत, असे ठाकरे म्हणाल़े
२५ वर्षे मांडीवर होते,
— Office of Uddhav Thackeray (@OfficeofUT) June 8, 2022
ते आता उरावर बसले आहेत.
जे मित्र होते ते आता हाडवैरी झाले
आणि वैरी होते ते मित्र झाले..
– शिवसेना पक्षप्रमुख, मुख्यमंत्री उद्धव बाळासाहेब ठाकरे pic.twitter.com/a3NDsLnTOi
हिंदुत्व हा शिवसेनेचा श्वास आहे. पण, मुस्लिमांचा द्वेष करणे आम्हाला शिवसेनाप्रमुख बाळासाहेब ठाकरे यांनी शिकवले नाही. पण, भाजपाच्या टिनपाट प्रवक्त्यांनी कारण नसताना प्रेषित मोहम्मद यांच्यावर भाष्य केल्याने जगात भारतावर नामुष्की ओढवली, याबद्दल ठाकरे यांनी संताप व्यक्त केला. त्याचबरोबर या प्रकरणामुळे देशाच्या पंतप्रधानांचे छायाचित्र कचरापेटीवर लावले गेले याबद्दल त्यांनी नाराजी व्यक्त केली.
दावोसला दुसऱ्या कोणत्याही राज्याच्या पॅव्हेलियन समोर नव्हती एवढी गर्दी महाराष्ट्राच्या पॅव्हेलियन समोर होती..
— Office of Uddhav Thackeray (@OfficeofUT) June 8, 2022
ऊर्जा आणि उद्योग या दोन खात्यांनी मिळून ८० हजार कोटींचे सामंजस्य करार केले आहे..
-शिवसेना पक्षप्रमुख, मुख्यमंत्री उद्धवसाहेब ठाकरे pic.twitter.com/SiuMjyZat1
‘राज्यात गुंतवणुकीत वाढ’
राज्यातील गुंतवणुकीत मोठी वाढ होत आहे. महाराष्ट्र विकासाच्या वाटेवर पुढे जात आहे, हे पाहावत नाही. त्यामुळे ईडी- सीबीआयचा ससेमिरा लावला जात आहे. पण, येत्या काळात राज्यात मोठे उद्योग येतील. औरंगाबादमध्येही मोठा प्रकल्प येणार असल्याचे या वेळी उद्योगमंत्री सुभाष देसाई यांनी सांगितले.
मनसेने उद्धव ठाकरे यांच्या भाषणावर टीका करताना फक्त लावंगीच्या फुसक्या माळा असा टोला लगावला आहे. मनसे नेत संदीप देशपांडे यांनी ट्वीट करत उद्धव ठाकरेंवर टीकास्त्र सोडले आहे. “ना पाणी प्रश्नावर ठोस भूमिका, ना हिंदुत्वावर, ना शहराच्या नामांतरणावर, ना हुंकार फक्त लावंगीच्या फुसक्या माळा,” असा टोला त्यांनी लगावला आहे.
उद्धव ठाकरे सभेत काय म्हणाले –
शिवसेनेचे हिंदूत्व हृदयात राम, हाताला काम देणारे आणि हिंदूत्वाचे रक्षण करणारे असल्याचा पुनरुच्चार करत ठाकरे यांनी हिंदूत्वाची मोजपट्टी तुमच्या हातात कोणी दिली, असा सवाल भाजपाला केला. भाजपाकडून भोंगे, हनुमान चालिसा आणि थडग्यांवर नतमस्तक होण्यासाठीही सुपाऱ्या दिल्या जात असल्याचा आरोपही त्यांनी केला. शहराचे नामांतर संभाजीनगर होईपर्यंत स्वस्थ बसणार नाही, असे ठाकरे यांनी स्पष्ट केले.
ना पाणी प्रश्नावर ठोस भूमिका, ना हिंदुत्वावर, ना शहराच्या नामांतरणावर,ना हुंकार फक्त लावंगीच्या फुसक्या माळा.
— Sandeep Deshpande (@SandeepDadarMNS) June 9, 2022
‘‘काश्मिरी पंडित घर सोडून निघून जात आहेत. त्यांना हवी ती मदत करायला महाराष्ट्र सरकार तयार आहे. पण, चांगले काम करणाऱ्यांच्या मागे ‘ईडी’ आणि सीबीआयचा ससेमिरा लावला जातो. खरेच काही वाटत असेल तर तिकडे काश्मिरात तपास यंत्रणांचा उपयोग करा’’, असे ठाकरे म्हणाले.
२०१४ पासून राज्यात भाजपच्या नेतृत्वाखालील सरकार होते. त्याकाळात औरंगाबादचा पाणीप्रश्न सोडवण्यासाठी निधी का दिला नाही, असा सवाल करत आता जलआक्रोश मोर्चा काढणाऱ्या भाजपाला ठाकरे यांनी लक्ष्य केले. हा औरंगाबादच्या पाणीप्रश्नासाठी नव्हे तर सत्ता गेल्याचा आक्रोश करणारा मोर्चा होता, अशी टीका ठाकरे यांनी केली. पिण्याच्या पाण्यासाठी आवश्यक तो निधी दिला जाईल आणि कंत्राटदार काम करत नसेल तर हातात दंडुका घेण्याच्या सूचना विभागीय आयुक्तांना दिल्या असल्याचे सांगत रस्ते, सफारी पार्क, पर्यटन विकास यांसह विकासकामांवर सरकार अधिकाधिक लक्ष देत असल्याचे ठाकरे यांनी सांगितले. पण, कोणताही प्रशासकीय अनुभव नसताना हे सरकार अडीच वर्ष चालले. यामुळे भाजपाचे नेते बिथरले आहेत. त्यातूनच ईडी, सीबीआयच्या कारवाया अगदी कुटुंबीयांवरही केल्या जात आहेत, असे ठाकरे म्हणाल़े
२५ वर्षे मांडीवर होते,
— Office of Uddhav Thackeray (@OfficeofUT) June 8, 2022
ते आता उरावर बसले आहेत.
जे मित्र होते ते आता हाडवैरी झाले
आणि वैरी होते ते मित्र झाले..
– शिवसेना पक्षप्रमुख, मुख्यमंत्री उद्धव बाळासाहेब ठाकरे pic.twitter.com/a3NDsLnTOi
हिंदुत्व हा शिवसेनेचा श्वास आहे. पण, मुस्लिमांचा द्वेष करणे आम्हाला शिवसेनाप्रमुख बाळासाहेब ठाकरे यांनी शिकवले नाही. पण, भाजपाच्या टिनपाट प्रवक्त्यांनी कारण नसताना प्रेषित मोहम्मद यांच्यावर भाष्य केल्याने जगात भारतावर नामुष्की ओढवली, याबद्दल ठाकरे यांनी संताप व्यक्त केला. त्याचबरोबर या प्रकरणामुळे देशाच्या पंतप्रधानांचे छायाचित्र कचरापेटीवर लावले गेले याबद्दल त्यांनी नाराजी व्यक्त केली.
दावोसला दुसऱ्या कोणत्याही राज्याच्या पॅव्हेलियन समोर नव्हती एवढी गर्दी महाराष्ट्राच्या पॅव्हेलियन समोर होती..
— Office of Uddhav Thackeray (@OfficeofUT) June 8, 2022
ऊर्जा आणि उद्योग या दोन खात्यांनी मिळून ८० हजार कोटींचे सामंजस्य करार केले आहे..
-शिवसेना पक्षप्रमुख, मुख्यमंत्री उद्धवसाहेब ठाकरे pic.twitter.com/SiuMjyZat1
‘राज्यात गुंतवणुकीत वाढ’
राज्यातील गुंतवणुकीत मोठी वाढ होत आहे. महाराष्ट्र विकासाच्या वाटेवर पुढे जात आहे, हे पाहावत नाही. त्यामुळे ईडी- सीबीआयचा ससेमिरा लावला जात आहे. पण, येत्या काळात राज्यात मोठे उद्योग येतील. औरंगाबादमध्येही मोठा प्रकल्प येणार असल्याचे या वेळी उद्योगमंत्री सुभाष देसाई यांनी सांगितले.
