“धरणात मुतायची मिजास केली म्हणून…”; अमोल मिटकरींचा पवार कुटुंबावर टीका करणारा जुना Video शेअर करत मनसे म्हणते, “थोर विचार…”

राष्ट्रवादीच्या नेत्यांवर साधलेले निशाणा…
“जाणते राजे,दादा आणि बेस्ट मुख्यमंत्री यांच्याबद्दल थोर विचार मांडताना,” अशा कॅप्शनसहीत गजानन काळे यांनी मिटकरींचा हा व्हिडीओ शेअर केलाय. या व्हिडीओमध्ये संभाजी ब्रिगेडच्या एका कार्यक्रमामध्ये मिटकरी यांनी भाषण देताना विद्यामान मुख्यमंत्री उद्धव ठाकरेंबरोबरच राष्ट्रवादी काँग्रेसचे सर्वेसर्वा शरद पवार, उपमुख्यमंत्री अजित पवार, खासदार सुप्रिया सुळे यांच्यावर निशाणा साधल्याचं दिसतंय.

आणखी वाचा

Joe Biden Farewell Speech : अमेरिकेचे मावळते अध्यक्ष बायडेन यांचा निरोपाच्या भाषणातून धोक्याचा इशारा, देशातील अतिश्रीमंतांवर केली टीका

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

“…तर अजित पवार धनंजय मुंडेंना सोडणार नाहीत”, हसन मुश्रीफांचं वक्तव्य

‘‘संतोष देशमुखच्या मारेकऱ्यांना फाशी द्या”, वाशीममध्ये सर्वपक्षीय मोर्चात मूक आक्रोश

Vijay Wadettiwar : “आम्ही उद्धव ठाकरेंना विनंती करू, अन्यथा…”, ठाकरे गटाच्या स्वबळाच्या घोषणेवर विजय वडेट्टीवारांचं मोठं विधान

Devendra Fadnavis : “चंद्रपूरचे आपण सगळेच वाली! कुणीही सुग्रीव नाही, मी कुणासारखा जोक…”; देवेंद्र फडणवीसांचा उद्धव ठाकरेंना टोला?

Ajit Pawar : “पक्ष वगैरे न बघता…” धनंजय मुंडेंच्या राजीनाम्यावर अजित पवारांची मोठी प्रतिक्रिया

Sanjay Raut : मुंबई महापालिकेची निवडणूक ठाकरे गट स्वबळावर लढणार? संजय राऊतांचं मोठं भाष्य; म्हणाले, “दिल्लीत जे घडलं तेच…”

उद्धव ठाकरेंवर केली होती टीका
“उद्धव ठाकरे साहेब एकच वाक्य म्हणतायत की शेतकऱ्यासाठी सत्तेला लाथ मारु. मारा ना. लाथ पुरत नसेल तर आम्ही प्लास्टिकचा पाय आणून देतो, मारा ना लाथ,” असा टोला मिटकरींनी या भाषणामध्ये लगावला होता. तसेच पुढे बोलताना, “तुम्ही फक्त बोलता करत काही नाही. याचं कारण म्हणजे शिवसेना हा वाचाळ झालेला पक्ष आहे,” असंही मिटकरी भाषणामध्ये म्हणाले होते.

नक्की वाचा >> “तुमचे दादा, साहेब आणि ताईंना कधीतरी…”; अमोल मिटकरींना मनसेचं खुलं आव्हान

जर शरद पवार प्रमाणिक असते
“काँग्रेस आणि राष्ट्रवादीने उतून जाऊ नये. तुम्ही भ्रष्ट होते म्हणून आम्ही भाजपाला (मत) दिलं. तुम्ही बीसीसीआयचे नेते होते की शेतकऱ्यांचे हा आमच्यासमोर प्रश्न आहे. तुम्ही शेतकऱ्यांसाठी काही केलं असतं, जर तुम्ही प्रमाणिक असते आणि प्रमाणिकपणे काम केलं असतं तर आम्हाला आज संभाजी ब्रिगेड स्थापन करायला संधीच मिळाली नसती,” असा टोलाही या भाषणात मिटकरींनी लगावला होता.

तुम्ही म्हणता आम्ही धरणात मुततो
“आम्ही शेतकऱ्याची मुलं. पाणी मागायला आलो तुमच्याकडे तर तुम्ही म्हणता आम्ही धरणात मुततो. धरणात मुतायची मिजास केली म्हणून इथं आम्ही तुमचं राजकारण संपवलं. आता कोणता दादा नाही आणि ताई नाही. तर आपले पदाधिकारी राष्ट्रवादीचं लांगुनचालन करत असतील तर त्यांच्यावर थेट कारवाई करावी,” असं मिटकरी या भाषणात म्हणाले होते.

कोणीही याच्या नेत्याच्याविरोधात बोललं की…
या पूर्वीच्या एका व्हिडीओमध्ये काळे यांनी मिटकरींवर निशाणा साधला होता. “महाराष्ट्राच्या राजकीय पटलावर एका बाजारु विचारवंताचा उदय झालाय. हॉटेलमधला वेटर माहितीय ना, तो हॉटेलमध्ये गेल्यावर मेन्यूकार्ड पाठ असल्यासरखं बोलतो तशी याने सुरुवात केलीय. कोणीही याच्या नेत्याच्याविरोधात बोललं की हे पाठ आहे का ते पाठ आहे का… अरे काय आहे?,” असं म्हणत काळे यांनी टीका केलेली.

नक्की वाचा >> “…म्हणून राऊतांना राज ठाकरे ‘लवंडे’ म्हणतात”; ‘शरद पवाराला शरम वाटत नाही?’ म्हणणारा बाळासाहेबांचा Video शेअर करत मनसेचा टोला

बाजारु विचारवंत…
“संत ज्ञानेश्वरांनी रेड्याकडून वेद वदवून घेतले होते. तसं काल हा कोणत्यातरी सभेत राज ठाकरे बोलल्यानंतर हनुमान चालीसाचं पठण करत होता. माफ करा मी रेडा आणि या बाजारु विचारवंताची तुलना करु इच्छित नाही,” असंही काळे यांनी टीका करताना म्हटलंय. पुढे बोलताना काळे यांनी राष्ट्रवादी काँग्रेसचे सर्वेसर्वा शरद पवार, उपमुख्यमंत्री अजित पवार आणि खासदार सुप्रिया सुळे यांच्यावर अप्रत्यक्षपणे निशाणा साधलाय. ‘दादा’, ‘साहेब’ आणि ‘ताई’ असा उल्लेख करत काळे यांनी मिटकरींनी त्यांच्या नेत्यांनाही हनुमान चालीसा पठणासंदर्भात प्रश्न विचारावा असं काळे म्हणाले.