अजित पवार गटाचे आमदार शरद पवारांच्या संपर्कात आहेत का? सुनील तटकरे म्हणाले, “आमचे सर्व आमदार…”

महायुतीला लोकसभेमध्ये कमी जागा मिळाल्यानंतर राज्यमंत्रिमंडळाचा विस्तार करण्यात येणार असल्याच्या चर्चा आहेत. तर दुसरीकडे राष्ट्रवादी काँग्रेसच्या शरद पवार गटाचे आमदार रोहित पवार यांनी मोठा दावा करत अजित पवार गटाचे १० ते १५ आमदार शरद पवार यांच्या संपर्कात असल्याचं म्हटलं होतं. त्यानंतर आता अजित पवार गटाचे नेते सुनील तटकरे यांनी यावर भाष्य केलं. “आमचे सर्व आमदार आमच्याबरोबरच आहेत”, असं तटकरे यांनी म्हटलं.

आणखी वाचा

पिंपरी : वडिलधाऱ्यांनी वयाच्या सत्तरीनंतर मुलांकडे जबाबदारी दिली पाहिजे; अजित पवार यांचा शरद पवार यांच्यावर निशाणा

४ ऑक्टोबर पंचांग: मेष, वृषभसह ‘या’ राशींवर देवी…

“उद्धव ठाकरेंनी आनंद दिघेंचं खच्चीकरण केलं”, रामदास कदम यांचा गंभीर आरोप; म्हणाले, “त्यांच्या मृत्यूच्या काही दिवसांपूर्वीच… ”

Sushma Andhare : “त्या आमच्या लाडक्या भावजय, पण कधी-कधी…”; सुषमा अंधारेंचा अमृता फडणवीस यांच्यावर पलटवार!

“बालिश व्यक्तीने अजित पवार यांच्याबद्दल बोलणं म्हणजे…”; रोहित पवारांच्या ‘त्या’ टीकेला आमदार अमोल मिटकरींचे प्रत्युत्तर!

गायकवाड यांना वडेट्टीवार यांचे प्रत्युत्तर ,म्हणाले ‘पन्नास खोके घेणाऱ्यांना सत्तेची मस्ती’

गडचिरोली : “राष्ट्रवादीतील फुटीनंतर भाग्यश्री आत्राम शरद पवारांच्या संपर्कात,”जयंत पाटील यांचा गौप्यस्फोट

Sanjay Raut : “संकेत बावनकुळेंच्या गाडीमध्ये दारूसह बीफ कटलेटची बिले आढळली”, संजय राऊतांचा गंभीर आरोप; म्हणाले, “भाजपाने हिंदुत्व..”

हेही वाचा : “RSS मोदींना पर्याय शोधतेय, त्यांनी जबरदस्तीने…”, राऊतांचं मोठं वक्तव्य; म्हणाले, “अमित शाह यांनी…”

सुनील तटकरे काय म्हणाले?

“कुठल्याही परिस्थितीत संघटन वाढवण्यासाठी आम्ही प्रयत्न करणार आहोत. त्यासाठी आम्ही आज चर्चा केली आहे”, असं सुनील तटकरे म्हणाले. तसेच मंत्रिमंडळाचा विस्तार करण्यासंदर्भात काही चर्चा झाली आहे का? या प्रश्नावर बोलताना तटकरे म्हणाले, “त्या संदर्भातील चर्चा आज झालेली नाही. या संदर्भात मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार निर्णय घेतील”, असं त्यांनी सांगितलं.

राष्ट्रावादी अजित पवार गटाकडून एक राज्यमंत्रिपद आणि एक कॅबिनेट मंत्रिपद मागण्यात येत असल्याची चर्चा आहे, या प्रश्नावर सुनील तटकरे म्हणाले, “आमच्या आजच्या बैठकीमध्ये मंत्रिमंडळाच्या विस्तरामध्ये कोणतीही चर्चा झाली नाही. मंत्रिमंडळाबाबत मुख्यमंत्री एकनाथ शिंदे, देवेंद्र फडणवीस आणि अजित पवार निर्णय घेतील”, असं तटकरे म्हणाले.

रोहित पवारांच्या विधानावर तटकरे काय म्हणाले?

शरद पवार गटाचे आमदार रोहित पवार यांनी अजित पवार यांच्या गटातील १० ते १५ आमदार हे शरद पवारांच्या संपर्कात असल्याचा दावा केला होता. त्यावर बोलताना सुनील तटकरे म्हणाले, “आमचा एकही आमदार कुठेही जाणार नाही. आमचे सर्व आमदार आमच्याबरोबर आहेत. संभ्रम निर्माण करण्यासाठी अशा पद्धतीचे विधानं केली जातात. अशा प्रकारच्या अफवा जाणीवपूर्वक पसरवल्या जात आहेत. एका निवडणुकीत जे काही वातावरण महाराष्ट्रात तयार झालं. त्यामुळे यश मिळाल्यानंतर काही माणसं हुरळून जात आहेत. मात्र, निवडणुकीच्या काळात फेक व्हिडीओ कोणी तयार केले. कशा पद्धतीने तयार केले, त्यानंतर कोणत्या मतदारसंघात प्रसारीत केले, याची सर्व माहिती आमच्याकडे आहे, आम्ही अजित पवारांच्या नेतृत्वार विश्वास ठेवला असून सर्व आमदार त्यांच्याबरोबर आहेत”, असं सुनील तटकरे यांनी स्पष्ट केलं.