“…म्हणून मुंबईतील पावसात मंत्री, आमदार अडकले”, वडेट्टीवारांचा मदत व पुनर्वसन मंत्र्यांना चिमटा

राज्याचे मदत आणि पुनर्वसन मंत्री अनिल पाटील यांच्यासह अनेक आमदार रेल्वेने मुंबईला येत होते. मात्र ते ज्या एक्सप्रेसने मुंबईला येत होते, ती एक्सप्रेस कुर्ला आणि दादरच्या मध्ये अडकल्याने इतर प्रवाशांप्रमाणे मंत्री व आमदार रेल्वेतून खाली उतरले आणि रेल्वे रूळावरून चालत मुंबईच्या दिशेने निघाले. हे चित्र पाहून विधानसभेचे विरोधी पक्षनेते विजय वडेट्टीवार यांनी राज्य सरकारला धारेवर धरलं आहे.

आणखी वाचा

डोंबिवलीचे पाणी छुप्या पद्धतीने ठाण्याला पळविण्याचे षडयंत्र, मनसेचे उमेदवार राजू पाटील यांचा मुख्यमंत्री पिता-पुत्रावर घणाघात

Madhurima Raje : सतेज पाटील ज्यांच्यामुळे ढसाढसा रडले…

उमरखेडमध्ये दोन माजी आमदारांचे नवख्यांना आव्हान; दिग्रस, राळेगावमध्ये आज-माजी मंत्र्यांची शक्ती पणाला

माजी मंत्री हर्षवर्धन पाटील यांच्यासमोरील अडचणी वाढल्या ! आप्पासाहेब जगदाळे यांनी दिला आमदार दत्तात्रय भरणेंना पाठिंबा

‘दशकभराच्या पीछेहाटी’वरून सत्ताधारी-विरोधकांत कलगीतुरा

जयंत पाटलांच्या अविचारी राजकारणाला पूर्णविराम द्या – सदाभाऊ खोत

Rohit Patil: तासगावमध्ये चार ‘रोहित पाटील’ रिंगणात

पालिका आयुक्तांची सफाई कामगारांसोबत दिवाळी, कामगारांच्या वसाहतीला सपत्नीक भेट

मुंबईची ही स्थिती पाहून विजय वडेट्टीवार म्हणाले, “दररोज सकाळी उठल्यानंतर आपल्याकडे किती आणि कसे पैसे येतील? याचा विचार करून वेगवेगळ्या फायलींवर सह्या केल्या जातात. हा एकमेव धंदा डोळ्यासमोर ठेवून मुंबईतील प्रशासन आणि राज्यातलं शिंदे-फडणवीस सरकार काम करत आहे. त्यामुळे मुंबईची अशी अवस्था होण्याला राज्यातील सत्ताधारी आणि मुंबईचं प्रशासन जबाबदार आहे. या लोकांमुळेच मुंबईची दुरवस्था झाली आहे.”

हे ही वाचा >> रायगडाला पावसाचा तडाखा… अनेक ठिकाणी पूरसदृश्य परिस्थिती; अलिबाग मुरूड मध्ये शाळांना सुट्टी

हे औट घटकेचं सरकार आहे : विजय वडेट्टीवार

विरोधी पक्षनेते म्हणाले, “महाराष्ट्रात आता औट घटकेचं सरकार राहिलं आहे. त्यांचा परतीचा प्रवास सुरू झाला आहे. या पावसात कोण कुठे अडकलंय, कोण कुठे अडकून पडेल हे सांगता येत नाही. कारण यांना मुंबईसारख्या शहराचं व्यवस्थापन जमत नाही. म्हणूनच आज राज्याचे मंत्री आणि आमदार पावसात अडकले आहेत. मदत आणि पुनर्वसन मंत्रीच जर अशा परिस्थितीत अडकत असतील तर सामान्य मुंबईकरांचं काय होणार? जनतेचं काय होणार? असा प्रश्न निर्माण झाला आहे. मला असं वाटतं की हे लोक राज्याचा कारभार सांभाळू शकत नाहीत. या सरकारमध्ये काही करण्याची क्षमताच नाही. ते काही करतील असं वाटतही नाही. हे एक अपयशी सरकार असून त्यांची जनतेत हीच ओळख तयार झाली आहे.”