MVA Agitation : डॉ. बाबासाहेब आंबेडकरांचा फोटो हाती घेत मविआचं आंदोलन; जयंत पाटील म्हणाले,”षडयंत्र…”

हिवाळी अधिवेशनात काय घडलं?

विधानसभेच्या पायऱ्यांवर बसून विरोधकांनी आंदोलन ( MVA Agitation ) केलं. तसंच यावेळी घटनेकरता सामील व्हा अशा घोषणाही देण्यात आल्या. काँग्रेस, राष्ट्रवादी काँग्रेस (शरद पवार) आणि शिवसेना (उद्धव ठाकरे) अशा तिन्ही पक्षांचे आमदार या आंदोलनात सहभागी झाले होते. निळ्या टोप्या, निळी उपरणी आणि हातात बाबासाहेब आंबेडकरांचा फोटो घेऊन हे आंदोलन करण्यात आलं.

नाना पटोले काय म्हणाले?

बाबासाहेब आंबेडकरांचा अपमान भाजपाने केला आहे त्यामुळे भाजपाचं चरित्र देशासमोर आलं आहे. भाजपाला संविधान संपवायचं आहे, अमित शाह यांच्या वक्तव्यावरुन हेच सिद्ध होतं आहे असं नाना पटोले यांनी म्हटलं आहे.

हे पण वाचा- आंबेडकरांचा अपमान नाही! अमित शहांचे पत्रकार परिषदेत स्पष्टीकरण

आदित्य ठाकरे काय म्हणाले?

देशाची जनता रस्त्यावर उतरली ( MVA Agitation ) आहे कारण अपमान हा फक्त बाबासाहेब आंबेडकरांचा नाही तर संपूर्ण देशाचा झाला आहे. माझा सवाल आहे की रामदास आठवले हे भाजपासह राहणार आहेत का? चंद्राबाबू आणि नितीश कुमार हे भाजपासह राहणार आहेत का ते त्यांनी सांगावं. महामानव बाबासाहेब आंबेडकरांना मानणारे अनेक आमदार भाजपात किंवा त्यांच्या बरोबर आहेत ते राजीनामा देणार आहेत का? माझा त्या सगळ्यांना हा सवाल आहे कारण भारतरत्न बाबासाहेब आंबेडकर यांचा अपमान करण्यात आला आहे. असं आदित्य ठाकरे म्हणाले आहेत.

जयंत पाटील नेमकं काय म्हणाले?

अमित शाह यांनी डॉ. बाबासाहेब आंबेडकरांबाबत जे वक्तव्य केलं त्याविरोधात संतापाची लाट उसळली आहे.मी शांत आहे वगैरे असा काही प्रश्न नाही. मला पोहचण्यासाठी थोडा उशीर झाला इतकंच कारण आहे असं जयंत पाटील यांनी म्हटलं आहे. डॉ. बाबासाहेब आंबेडकर यांच्यावर निष्ठा असणारे लोक हे बाबासाहेब आंबेडकर यांनी केलेल्या घटनेमुळे त्यांचे अधिकार टिकवून आहेत. घटनेत बदल करण्यासाठी काही षडयंत्र रचायला सुरुवात झाली तेव्हा देशातल्या जनतेने एक होऊन त्याला तोंड दिलं. डॉ. बाबासाहेब आंबेडकरांना विशिष्ट लोक मानतात असं नाही तर संपूर्ण देश मानतो. बाबासाहेब आंबेडकरांबाबत जर असे उद्गार निघाले तर प्रतिक्रिया उमटणारच ( MVA Agitation ) असंही जयंत पाटील यांनी म्हटलं आहे.