“२०२४ ला माझी महत्वाकांक्षा हीच आहे ती म्हणजे….” देवेंद्र फडणवीस यांचं वक्तव्य चर्चेत

काय म्हणाले आहेत देवेंद्र फडणवीस?

“माझी महत्त्वाकांक्षा ही आहे की २०२४ मध्ये लोकसभा निवडणुकीत ४२ किंवा त्यापेक्षा जास्त जागा जिंकणं आणि माझी दुसरी महत्त्वाकांक्षा आहे की विधानसभेच्या निवडणुकीत महाविकास आघाडीचा सुपडा साफ करायचा या दोन महत्त्वाकांक्षा आहेत. राष्ट्रीय राजकारणात जाण्याची तूर्तास तरी इच्छा नाही. मी महाराष्ट्रात आहे, महाराष्ट्रासाठी काम करतोय.” असंही देवेंद्र फडणवीस यांनी म्हटलं आहे. शिंदे-फडणवीस सरकार स्थापन होऊन ३० जूनला वर्ष होतंय. त्या निमित्ताने देवेंद्र फडणवीस यांनी रिपब्लिक या वाहिनीला मुलाखत दिली. त्या मुलाखतीत त्यांनी हे भाष्य केलं आहे.

आणखी वाचा

Devendra Fadnavis : “बटेंगे तो कटेंगे, एक है तो सेफ है या घोषणांमध्ये चुकीचं काहीच नाही, या घोषणा..”; देवेंद्र फडणवीस यांचं वक्तव्य

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

Devendra Fadnavis : “महायुतीसमोरची एकमेव समस्या म्हणजे ‘व्होट जिहाद’ कारण..”, देवेंद्र फडणवीस यांचं वक्तव्य

Devendra Fadnavis : “मी व्हिडिओ बाहेर दिले नाहीत, ज्यात…”, ‘त्या’ दाव्यावर देवेंद्र फडणवीसांचं विधान

Devendra Fadnavis : देवेंद्र फडणवीस यांचं वक्तव्य चर्चेत, “मी मुख्यमंत्रिपदाच्या शर्यतीत नाही, कारण..”

Asaduddin Owaisi : देवेंद्र फडणवीस यांच्या ‘व्होट जिहाद’च्या आरोपांना ओवैसीचं उत्तर, “तुम्ही अयोध्येत..”

Sharad Pawar : शरद पवारांचं वक्तव्य चर्चेत,”महायुतीने ज्या योजना आणल्या त्याचा त्यांना फायदा होईल, पण…”

Devendra Fadnavis : “सुन लो ओवैसी…”, देवेंद्र फडणवीस यांचा एमआयएमला इशारा; म्हणाले, “काहीही झालं तरी…”

महाराष्ट्रातील सत्तासंघर्षाचा निकाल सर्वोच्च न्यायालयात लागणार होता. त्यावेळी एक चर्चा सुरु झाली होती. एकनाथ शिंदे यांच्यासह १६ आमदारांना जर अपात्र ठरवलं गेलं तर भाजपाचा प्लान बी तयार होता. प्लान बी असा होता की एकनाथ शिंदेंसह १६ आमदार अपात्र ठरवण्याचा निर्णय सर्वोच्च न्यायालयाने दिला तर राष्ट्रवादीसह जाऊन सरकार स्थापन करायचं. त्यासाठी भाजपाची शरद पवारांशी चर्चा झाली होती अशा काही चर्चा त्यावेळी सुरु होत्या. या सगळ्या घडामोडींवर उपमुख्यमंत्री देवेंद्र फडणवीस यांनी उत्तर दिलं आहे.

राष्ट्रवादीशी संपर्क करुन प्लान बी तयार होता का?

“ज्यांना सर्वोच्च न्यायालयातली प्रक्रिया समजते त्या सगळ्यांना १०० टक्के खात्री होती की सर्वोच्च न्यायलाय हे कधीही स्पीकरच्या अधिकारात येऊन कुणालाही अपात्र ठरवणार नाहीत. सर्वोच्च न्यायालय विधानसभेच्या अध्यक्षांनाच सगळे अधिकार देतील हे सर्वोच्च न्यायालयाचे आधीचे निर्णयही सांगतात. त्यामुळे त्यावेळी आम्हाला प्लान बी ची कुठलीही गरजच लागली नाही. आमची शरद पवार यांच्याशी कुठल्याही प्रकारेही चर्चा झालेली नाही. अजित पवार यांच्याशीही चर्चा झाली नव्हती. त्यांच्याशी चर्चा करुन काही फायदाही नाही कारण सर्वेसर्वा शरद पवार आहेत. त्यावेळी अशा काही अफवा तयार झाल्या होत्या. त्याकडे फार लक्ष देण्याची गरज नाही.”